ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমদি য়ুনাইতেদ কিংদম অমসুং নোর্দন আয়র্লেন্দগী মরক্তা আইন কায়না চংশিল্লকপশিং হলহনখিনবা য়ানা চেরোলদা অয়াবা পীখ্রে।
কান্নবশিং:
য়ানা চেরোল অসিনা দিপ্লোমেতিক পাসপোর্ত পায়রিবশিংগীদমক ভিজা ফ্রী এগ্রীমেন্ত লোয়ননা য়ু.কে.দা আইন্না য়াবা মওংদা চৎথোক চৎশিন তৌরিবা মখোয়শিং অদুগীদমক য়ু.কে. ভিজা রেজিম লিবরেলাইজ তৌবদা হেন্না লায়থোকহল্লগনি। মসিনা অতোপ্পা পার্তীগী তেরিতোরীদা লৈনবগীদমক আইনগী ওইবা অয়াবা ফংদ্রবা মখোয়শিং অদু খন্দোক্তুনা হলহনখিবা ঙমহল্লগনি। মসিনা অতোপ্পগী লমদমদা আইন্না য়াদবা মওংদা লৈথরিবা অদুগুম্লবা মীওইশিং অদু হলহনখিনবা থৌওং অদু লায়থোকহনবদা মতেং ওইরগনি।
