ভারতকী প্রধানমন্ত্রী

প্রধান মন্ত্রীনা ময়াই তাংবল লৌদুনা পাংথোকখিবা কেন্দ্রগী মন্ত্রী-মন্দলগী মীফমনা অখন্নবা পোক্সো কোর্তশিং য়াওনা ফাস্ত ত্রেক স্পেসিএল কোর্তশিং (এফ.তি.এস.সি.শিং)গীদমক সেন্ত্রেল্লী স্পোন্সর্দ স্কিম (সি.এস.এস.) মখা তানা চহি মঙাগী ওইনা হায়বদি ১.০৪.২০২৬তগী ৩১.০৩.২০৩১ ফাওবা চৎথনবা অয়াবা পীখ্রে। স্কিম অসিগী অপুনবা শেনফম লুপা করোর ৩,৭৮৮.০৪ (সেন্ত্রেলগী শরুক লুপা করোর ২,৩৫৩.১৫ অমসুং রাজ্য/য়ু.তি.গী শরুক লুপা করোর ১,৪৩৪.৮৯) ওইগনি। সেন্ত্রেল শরুক অসি নির্ভয়া ফন্দদগী ফন্দ থাদগনি।

অয়াবা পীরবা স্কিমগী মরু ওইবা ফীচরশিং মখাদা পীরি:

1. স্কিম অসি চহি মঙাগী ওইনা হায়বদি ০১.০৪.২০২৬তগী ৩১.০৩.২০৩১ ফাওবা মখা চত্থগনি।
2. স্কিম অসিদা তোঙান তোঙানবা শরুক য়ারিবা রাজ্যশিং/য়ুনিয়ন তেরিতোরীশিংদা এক্সক্লুসিব পোক্সো কোর্তশিং য়াওনা ফাস্ত ত্রেক স্পেসিএল কোর্ত (এফ.তি.এস.সি.) ৮৫০ মথৌ তৌহন্নবা প্রোভিজন য়াওরি।
3. প্রোতেক্সন ওফ চিলদ্রেন ফ্রোম সেকচুএল ওফেন্সেস (পোক্সো) এক্ত, ২০১২গী মখাদা রেপ অমসুং ওফেন্সশিংগা মরী লৈনবা পন্দুনা লৈরিবা কেসশিং অথুবা মতমদা লোইশিন্নবা দেদিকেতেদ জুদিসিএল ওফিসর, স্পেসিএল পব্লিক প্রোজিক্যুতর অমসুং সপোর্ত স্তাফ ৬কী প্রোভিজন য়াওরি।
4. সি.এস.এস. ফন্দিং পেত্তর্নগী মতুং ইন্না ‌এফ.তি.এস.সি.শিংগী ওপরেস্নেল এক্সপেন্দিচরশিং ফংহন্নবা শরুক য়ারিবা স্তেতশিং/ য়ু.তি.শিংদা শেলগী তেংবাং পীবগৌ প্রোভিজন য়াওরি।

মরু ওইবা কান্নবা:

স্কিম অসি মখা চৎথবনা মখাদা পীরিবা মরু ওইবা কান্নবশিং অসি পীগনি পানরি:

• খোঙজেল য়াংনা ৱায়েল ফংহনবা: সেকচুএল ওফেন্সশিংগী ভিক্তিমশিংগীদমক হেন্না থুনা ত্রাইএল তৌবা অমসুং মতম চানা ৱায়েল ফংহনবা।
• পন্দুনা লৈরিবা কেসশিং হন্থহনবা: রেপ অমসুং পোক্সো এক্তকী কেসশিংগী পন্দুনা লৈরিবা কেসশিংগী মশিং হন্থহনবা।
• চাইল্দ-ফ্রেন্দলী অমসুং ভিক্তিম-সেন্ত্রিক এনভাইরনমেন্ত: স্কিম অসিনা ভলনরেবল ৱিৎনেস দিপোজিসন সেন্তরশিং (ভি.দবল্যু.দি.সি.শিং) অমসুং চাইল্দ-ফ্রেন্দলী কোর্ত স্পেসশিং লিংখৎনবা পুক্নিং থৌগৎলি, মসিনা ভিক্তিমগী তেস্তিমোনীশিংবু হেন্না ৱাখল ৱাবা তৌহন্দনা পীবদা মতেং পাংগনি।
• থোং মান্নদবগী থৌওং চৎথনবগী চাং হন্থহনবা: শোত্থরবা কাংলুপশিং (নুপীশিং অমসুং অঙাংশিং) য়াওবা কেসশিংদা অহানবা মীৎয়েং থমদুনা, স্কিম অসিনা অচুম্বা ৱায়েল ফংবদা লৈরিবা থোং মান্নদবগী থৌওং চৎথবা হন্থহন্নবা পান্দম থম্লি।

ইমপ্লিমেন্ত তৌবগী লালোং অমসুং পান্দমশিং:

স্কিম অসি দিপার্তমেন্ত ওফ জস্তিসনা মরী লৈনবা রাজ্য সরকারশিং অমসুং য়ু.তি.গা লোয়ননা তেংবাং পীন্দুনা ইমপ্লিমেন্ত তৌগনি। মরুওইবা ইমপ্লিমেন্ত তৌবগী লালোংশিং অমসুং পান্দমশিং অদু মখাদা পীরি:

1. ফাস্ত ত্রেক স্পেসিএল কোর্তশিং (এফ.তি.এস.সি.শিং) পাকথোক চাউথোকহনবা: এফ.তি.এস.সি.শিং অসি হৌজিক লৈরিবা ৭৭৯দগী ৮৫০দা পাকথোক চাউথোকহন্নবা প্রোভিজন য়াওরি মসিনা কভরেজ অসি অহেনবা জিলাশিংদা পাকথোক চাউথোকহল্লগনি। অসিগুম্বা এক্সপান্সন অসি রাজ্য অমসুং য়ুনিয়ন তেরিতোরী পুম্নমক্তা লৈরিবা কেসকী দেতাদা য়ুম্ফম ওইগনি।
2. দেদিকেতেদ লিগেল সপোর্ত: থুনা ৱায়েল চৎথহন্নবা এফ.তি.এস.সি.দা অখন্নবা স্পেসিএল পব্লিক প্রোজিক্যুতর অমা এসাইন তৌবগী থৌওং হৌদোকপা।
3. ওপ্তিমাইজ তৌরবা কোর্ত স্তাফিং: এদমিনিস্ত্রেতিব ৱার্ক লোদ স্ত্রীমলাইন তৌনবা অমসুং অরিবা কেসশিং অথুবা মতমদা লোইশিন্নবা এফ.তি.এস.সি.দা জুদিসিএল ওফিসর অমা অমসুং সপোর্ত স্তাফ তরুক পীবা।
4. শেলগী তেংবাং: অয়াবা পীরবা ফন্দিং পেত্তর্ন অমসুং প্রেস্ক্রাইব তৌরবা গাইদলাইনশিং অদুগী মতুং ইন্না শরুক য়ারিবা রাজ্যশিং/য়ু.তি.শিংদা কেন্দ্রগী তেংবাং পীগনি।
5. মোনিতরিং অমসুং ইভালুএসন: দিপার্তমেন্ত ওফ জস্তিসনা এফ.তি.এস.সি.গী দেশবোর্দ, মতম মতমগী ওইবা প্রোগ্রেস রিপোর্তশিং, রাজ্যগী এক্সপেন্দিচর স্তেতমেন্তশিংগী খুত্থাংদা এফ.তি.এস.সি.শিংগী পর্ফোমেন্স মোনিতর তৌগনি। দিপার্তমেন্ত অসিনা হায় কোর্তশিং অমসুং রাজ্য সরকারশিংগা লোয়ননা খন্ন-নৈনগনি অমসুং স্কিম অসি ইফেক্তিব ওইনা ইমপ্লিমেন্ত তৌনবগীদমক মখোয়গী ফিদবেক লৌগনি।
6. থবক পাংথোকপগী পান্দমশিং: স্কিম অসিনা পন্দুনা লৈরিবা রেপ অমসুং পোক্সো এক্তকী কেসশিং লোইশিন্নবগী চাং হেনগৎহনবা, কেস পন্দুনা লৈবা হন্থহনবা অমসুং মতমগী মতুং ইন্না ত্রাইএলশিং পাংথোকপা য়াহনবা পান্দম থম্লি।

স্কিম অসিগী মরুওইবা বেনিফিসরীশিং অসি পোক্সো এক্ত, ২০১২গী মখাদা রেপ অমসুং ওফেন্সকী ভিক্তিম ওইরবা নুপী অমসুং অঙাংশিংনি।

স্কিম অসি এফ.তি.এস.সি. ৮৫০ ফাওবা কোনশিন্নবা পাকথোক চাউথোকহন্নবা থৌরাং তৌরি। মসিগী এক্সপান্সন অসিদা রেপ অমসুং পোক্সো এক্তকী কেসশিংদা য়ুম্ফম ওইরগা মশক খঙদোক্কদবা অহেনবা দিস্ত্রিক্তশিং য়াওহন্নবা পান্দম থম্লি।

নুংগী ৱারোল:

স্কিম অসি ২০১৯গী ওক্তোবর ২দগী চৎনবা হৌখ্রে। রেপ অমসুং পোক্সো এক্তকী কেসশিং অথুবা মতমদা লোইশিন্নবগীদমক্তা দেদিকেতেদ ফাস্ত ত্রেক কোর্তশিং লৈহন্নবগীদমক মসিগী এক্সতেন্সন অসি মথং-মনাও নাইনা পাংথোক্লি। স্কিম অসিগী স্তেতস অসি মখাদা পীরি:

স্কিম অসিনা রেপ অমসুং পোক্সো এক্তকী কেসশিং অসি য়েংশিন্নবা অখন্নবা কোর্তশিং পীদুনা সেক্সুএল ওফেন্সকী ক্রাইমদা জুদিসিএল রেস্পোন্স মপাঙ্গল কনখৎহনবদা মতেং পাংলি। দিপার্তমেন্ত ওফ জস্তিসনা এফ.তি.এস.সি. দেশবোর্দকী খুত্থাংদা এফ.তি.এস.সি.শিংগী মথৌ পাংথোকপগী চাং নাইনা য়েংশিল্লি। হায় কোর্তশিংদগী চাং নাইনা দেতা খোমজিনবা অমসুং মরী লৈনবা স্তেকহোল্দরশিংগা লোয়ননা মীফমশিং পাংথোকপগী থৌওং য়েংশিল্লি। স্কিম অসি মখা তানা চহি মঙাগী ওইনা মখা তানা চৎথবনা জুদিসিয়রীগী ইন্সতিত্যুস্নেল কেপাসিতী হেন্না মপাঙ্গল কনখৎহল্লগনি, সেকচুএল ওফেন্সকী কেসশিং পন্দুনা লৈবা হন্থহল্লগনি অমসুং ভিক্তিমশিং, মরুওইনা নুপী অমসুং অঙাংশিংদা মতম চানা অচুম্বা ৱায়েল ফংহল্লগনি হায়না পানরি।

ফাস্ত ত্রেক স্পেসিএল কোর্তশিংগী সেন্ত্রেল্লী স্পোন্সর্দ স্কিম অসি ক্রিমিনেল লো (এমেন্দমেন্ত) এক্ত, ২০১৮গী মখাদা অমসুং ভারতকী ইকাই খুম্নরবা সুপ্রিম কোর্তকী ২৫.০৭.২০১৯গী সু মোতো রিৎ (ক্রিমিনেল) নম্বর ১/২০১৬কী য়াথংশিং ঙাক্না চৎতুনা ২০১৯গী ওক্তোবর ২দা হৌদোকখি। ইকাই খুম্নরবা সুপ্রিম কোর্তনা পোক্সো এক্ত, ২০১২গী মখাদা পন্দুনা লৈরিবা কেস ১০০ হেন্না লৈবা জিলাশিংদা এক্সক্লুসিব স্পিসিএল কোর্তশিং লিংখৎনবা খঙহনখি।

মসিগী মতুং ইন্না, কেন্দ্র সরকারনা পোক্সো কোর্ত য়াওনা অখন্নবা এফ.তি.এস.সি.শিং লিংখৎনবা স্কিম হৌদোকখি। পোক্সো এক্ত, ২০১২গী মখাদা রেপ অমসুং ওফেন্সশিংগা মরী লৈনবা পন্দুনা লৈরিবা কেসশিং মতম চানা লোইশিন্নবা মরুওইনা পুক্নিং চিংশিনখি।

স্কিম অসি অহানবদা চহি অমগী ওইনা হৌদোকখি অমসুং মতুং তারকপদা মসি ৩১.০৩.২০২৬ ফাওবা শাংদোকখি। হৌজিক লৈরিবা অয়াবা অসিনা স্কিম অসি মখা তানা চহি মঙাগী ওইনা হায়বদি ৩১.০৩.২০৩১ ফাওবা মখা চৎথহনগনি।

***