ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা কিলোমিতর ১১.১৬৫ শাংবা কোরিদোর অমসুং স্তেসন ১২ – অন্দরগ্রাউন্দ ৭ অমসুং এলিভেতেদ ৫গা লোয়ননা উত্তর প্রদেশকী লখনৌ মেত্রো রেল প্রোজেক্তকী ফেজ-১B অয়াবা পীখ্রে। ফেজ-১Bগী থবক হৌরকপদা, লখনৌ শহরদা কিলোমীতর ৩৪গী এক্তিব মেত্রো রেল নেৎৱার্ক লৈরগনি।

কান্নবশিং অমসুং গ্রোথতা শাহৌ পীবা:

লখনৌ মেত্রো রেল প্রোজেক্তকী ফেজ-১B অসিনা শহর অসিগী ইনফ্রাস্ত্রকচর দিবেলপমেন্তদা মশক থোক্না খুমাং চাউশিল্লকপগী মশক অমা উৎলি। ফেজ-১Bনা শহর অসিদা মেত্রো রেল নেৎৱার্ক পাকথোক চাউথোকহনবগী থৌদাং লৌরি।

কন্নেক্তিবিতী হেনগৎহনবা:

লখনৌ মেত্রো প্রোজেক্তকী ফেজ-১Bদা চাউরাক্না কিলোমিতর ১১.১৬৫গী অনৌবা মেত্রো লাইনশিং হৌদোক্লগনি। মসিনা শহর অসিগী খ্বাইদগী লিরবা অমসুং মী কুংনা তাবা মফমশিংদা পব্লিক ত্রান্সপোর্তেসন য়াম্না ফগৎহল্লগনি।

মসিগী ফেজ অসিনা ওল্দ লখনৌগী মরুওইবা জোনশিং অপনবা লৈতনা ইন্তিগ্রেৎ তৌনবা পান্দম থম্মি, মসিদা য়াওরিবশিং অদুদি:

• অমনিনাবাদ, য়হিয়াগঞ্জ, পান্দেগঞ্জ অমসুং চৌগুম্বা কম্মর্সিএল হবশিং।
• ক্রিতিকেল হেল্থ ফেসিলিতীশিং, মরু ওইনা কিং জোর্জ’স মেদিকেল য়ুনিভর্সিতী (মেদিকেল কোলেজ)
• বারা ইমামবরা, ছোতা ইমামবরা, ভুল ভুলাইয়া, ক্লোক তাৱর, অমসুং রুমি দরৱাজা য়াওনা মরু ওইবা তুরিস্ত এত্রেক্সনশিং।
• শহর অসিগী ইনাক খুল্লবা অমসুং পুৱারী ওইরবা ফুদ কলচরগীদমক খঙনরিবা কলিনরী দেস্তিনেসনশিং

মরু ওইবা মফমশিং অসি মেত্রো নেৎৱার্কনা শম্নহন্দুনা ফেজ-১Bনা কনেক্তিবিতী হেনগৎহনবতা নত্তনা ইকোনোমিক এক্তিবিতী, তুরিজম, অমসুং রেসিদেন্ত অমসুং ভিজিতর অনিমক্কী অর্বান মোবিলিতী হেনগৎহনগনি।

• ত্রাফিক কঞ্জেস্ন হন্থহনবা: লখনৌ শহরদা ত্রাফিক কঞ্জেস্ন হন্থহন্নবা অমসুং অরিবা লখনৌগী হেভী কঞ্জেস্ন ওইবা লম্বীশিংদা মরুওইনা কান্নবা পীরগনি হায়না থাজবা থম্লি। লম্বীগী ত্রাফিক হন্থবনা ভেহিকলশিংবু অপনবা লৈতনা চৎথোক-চৎশিন তৌবা, চৎথোক-চৎশিন তৌবগী মতম হন্থহনবা, অপুনবা লম্বীগী সেফতী হেনগৎহনবা অসিনচিংবা পুরকপা য়াই।
• অকোইবগী ফীভমদা কান্নবা ফংহনবা: ফেজ-১B লখনৌ মেত্রো রেল প্রোজেক্ত হাপচিনবা অমসুং লখনৌ শহরদা ওভরওল মেত্রো রেল নেৎৱার্ক হেনগৎহনবা অসিনা ত্রেদিস্নেল ফোসিল ফ্যুএলদা য়ুম্ফম ওইবা ত্রান্সপোর্তকা চাংদম্নবদা কার্বোন থাদোকপা য়াম্না হন্থহল্লগনি।
• ইকোনোমিক গ্রোথ: চৎথোক-চৎশিনগী মতম হন্থহনবা অমসুং শহরগী তোঙান-তোঙানবা শরুকশিং হায়বদি এয়রপোর্ত, রেলৱে স্তেসনশিং অমসুং বস দিপোশিংদা হেন্না ফবা মওংদা এক্সেস ফংহনবা অসিনা মীওইশিংদা মখোয়গী থবক মফমশিং অমসুং লমথুংফমশিংদা হেন্না ইফিসিএন্ত ওইনা চৎপা য়াহন্দুনা প্রদক্তিবিতী হেনগৎহনবা ঙমগনি। মসিগা লোয়ননা, হেন্না ফবা কনেক্তিবিতী অসিনা লোকেল বিজিনেসশিংবু পুক্নিং থৌগৎপা ঙমগনি, মরুওইনা অনৌবা মেত্রো স্তেসনশিংগী মনাক্তা লৈবা মফমশিংদা, মসিনা হান্নদগী এক্সেসিবল য়াম্না ওইদবা মফমশিংদা ইনবেস্তমেন্ত অমসুং দিবেলপমেন্তসু পুক্নিং থৌগৎপা ঙমগনি।
• সোসিএল ইম্পেক্ত: লখনৌদা ফেজ-১B মেত্রো রেল নেৎৱার্ক পাকথোক চাউথোকহনবনা পব্লিক ত্রান্সপোর্তকীদমক হেন্না চপ মান্নবা খুদোংচাবা ফংহল্লগনি। মসিনা তোঙান তোঙানবা সোসিও-ইকোনোমিক গ্রুপশিংদা কান্নবা ফংহল্লগনি অমসুং ত্রান্সপোর্তকী খেন্নবা হন্থহল্লগনি। মসিনা চৎথোক চৎশিনগী মতম হন্থহন্দুনা অমসুং তঙাই ফবদ  সর্বিসশিংদা এক্সেস হেনগৎহন্দুনা পুন্সি মহিংগী থাক ৱাংখৎহল্লগনি।

লখনৌ মেত্রো রেল প্রোজেক্তকী ফেজ-১B অসি শহর অসিগী ত্রান্সফোর্মেতিব দিবেলপমেন্ত অমা ওইহল্লগনি। মসিনা হেন্না ফবা কনেক্তিবিতী, ত্রাফিক কঞ্জেসন হন্থহনবা, অকোইবগী ফীভম ফগৎহনবা, শেন্মিৎলোন চাউখৎহনবা অমসুং পুন্সি মহিং ফগৎহনগনি হায়না থাজবা পীরি। মরুওইবা অর্বানগী শিংনবশিং কোকহন্দুনা অমসুং তুংলমচৎতা পাকথোক চাউথোকহন্নবগীদমক য়ুম্ফম অমা পীদুনা ফেজ-১Bনা শহর অসিগী চাউখৎপগী খোঙচৎ অমসুং তুংকোইনা চৎনগদবা মওংদা শেমগৎপদা মরুওইবা থৌদাং অমা লৌগনি।

***