ভারতকী প্রধানমন্ত্রী

লৈবাক অনিগী মরুপ-মপাংগী মরী মপাঙ্গল কনখৎহন্নবা মহাক্না লৌখিবা থৌদাংগীদমক, ঙসি উজবেকিস্তানগী রাষ্ট্রপতি সাভকাত মিরজিয়োয়েভনা প্রধান মন্ত্রী শ্রী নরেন্দ্র মোদীদা ‘ওলি দরাজালি দোস্তলিক’( খ্বাইদগী ৱাংবা মরুপ-মপাংগী এৱার্দ) পীখ্রে। মসি মপান লৈবাক্কী লুচিংবশিংদা পীবা উজবেকিস্তানগী খ্বাইদগী ৱাংবা ইকায়খুম্নবনি।

মনা অদু লৌরদুনা, প্রধান মন্ত্রী মোদীনা মনা অসি ভারতকী মীওই বিল্লিয়ন ১.৪ দা কৎথোকখি অমসুং মনা লৈবাক অনি অমসুং সভেত্যশিংগী মরক্ত লৈনরিবা অচেৎপা মরুপ-মপাংগী মরীগী খুদম অমনি হায়না ফোংদোকখি। মহাক্না হায়খি মদুদি মহাক থাগৎপগী রাষ্ট্রপতি সাভকাত মিরজিয়োয়েভকী ৱাহৈশিং অসি ভারত অমসুং উজবেকিস্তানগী মরক্ত লৈনরিবা চহি চা কয়া শুরবা মরুপ-মপাংগী মরী অমসুং মখোয়গী শরুক য়ামিন্নরিবা হেরিতেচদা মহাক্না ইকায়খুম্নবা উৎপা অমনি। প্রধান মন্ত্রীনা হায়খি মদুদি মীওই খুন্নাই হেন্না য়াইফনবগীদমক গ্লোবেল সাউথকী মরুপ অমা ওইনা উজবেকিস্তানগা পুন্না থবক তৌমিন্ননবা ভারতকী অহেনবা থৌদাং অদু মনা অসিনা খুদম ওইরে।

অচেৎপা সভেত্যগী মরীশিং অমসুং ভারত অমসুং উজবেকিস্তানগী মরক্ত মতম শাংনা কমপ্রেহেন্সিপ ষ্ট্রাতেজিক পার্তনরশিপ মপাঙ্গল কনখৎলক্লিবা অসি ‘ওলি দরাজালি দোস্তলিক’ পীখিবা অসিদা মমি তারে।

***