ভারতকী প্রধানমন্ত্রী

মখাগী অসি প্রধান মন্ত্রী নরেন্দ্র মোদীনা মহাক্কী শিঙ্গাপুর খোঙচৎ মমাংদা থোকপা ৱারোলনি ।

“আসিয়ান-ইন্দিয়া অমসুং ইস্ত এসিয়া সমিৎশিং শরুক য়ানবা ঐ নবেম্বর ১৪-১৫দা শিঙ্গাপুরদা চৎকনি । ঐনা রিজনেল কমপ্রিহেন্সিব ইকনোমিক পার্তনরসিপ লিদরস মীতিংদসু শরুক য়াগনি ।

হায়রিবা মীফমশিং অসিদা ঐনা শরুক য়াবা অসিনা ঐখোয়গা আসিয়ানগী মেম্বর লৈবাকশিং অমসুং ইন্দো-পেসিফিক লমদমগা লৈনবা মরি মখা তানা কনখৎহনবা অদু উৎলি । ঐনা আসিয়ানগী অমসুং ইস্ত এসিয়া সমিৎকী লুচীংবশিংগসু উনগনি ।

নবেম্বর ১৪দা, শিঙ্গাপুর ফিনতেক ফেস্তিবেলদা মরুওইবা ৱারোল পীবা অহানবা সরকারগী মকোক ঐনা ওইরগনি । ফৈনান্সিয়েল তেক্নোলোজীগী মালেমদা খ্বাইদগী চাউবা থৌরম অমা ওইনা য়াংনা চাউখৎলক্লিবা সেক্তর অসিদা ভারতকী মপাঙ্গল উৎনবগী চপ চাবা মফম ওইবা খক নত্তনা অনৌবা অমসুং হেনগৎনবগী মালেমগী থাক্তা মরুপ-মপাং শেমগৎনবগী মফম অমনি ।

ঐগী খোঙচৎ মনুংদা, ঐনা অপুনবা ইন্দিয়া-শিঙ্গাপুর হেক্কাথোনদা শরুক য়াবশিং অমসুং মাইপাক্লবশিংগা ৱারী শানবগী খুদোংচাবা ফংগনি । করিগুম্বা ঐখোয়না চুম্না পুক্নীং থৌগৎলবা অমসুং অফবা ফিবম অমা শেমগৎলবদি , মীওইবনা মায়োক্নরিবা খুদোংচাদবশিং কোকহন্নবা উপায়শিং পুথোক্তুনা ঐখোয়গী নহারোলশিং মালেমগী লুচীংবা ওইবা ঙমগনি ।

ঐগী শিঙ্গাপুরগী খোঙচৎ অসিনা আসিয়ান অমসুং ইস্ত এসিয়া সমিৎ লৈবাকশিংগা ঐখোয়গা লৈনবা মরিদা অনৌবা ইনোৎ অমা পীগনি হায়না ঐনা থাজবা থম্লি ।

ঐনা শিঙ্গপুরগীদমক থাদোকপগা লোয়ননা, চহি অসিগী ওইনা মখোয়না আসিয়ানগী চেয়রমেনসিপ ওইবা অসিগীদমক ঐনা শিঙ্গাপুর থম্মোয় শেংনা থাগৎলি অমসুং আসিয়ান অমসুং মরি লৈনবা মীফমশিং য়ুম্বু ওইবদা মাইপাক্নবা ঐনা য়াইফ-পাউজেল পীজরি” ।