ভারতকী প্রধানমন্ত্রী

ভারত ইমানা য়াইফরে, ভারত ইমানা য়াইফরে!

মহারাস্ত্রগী রাজ্যপাল শ্রীমান বিধ্যাসাগর রাও, মুখ্য মন্ত্রী শ্রীমান দেবেন্দ্র ফদনবীস, কেন্দ্রগী মন্ত্রীমন্দলদা ঐহাক্কী মরূপ শ্রী নীতিন জী, শ্রীমান হন্সরাজ অহির জী, রাজ্য সরকারগী মন্ত্রী শ্রীমান মদন য়েরবারজী, ফম্বাকথক্তা লেংশিনবীরিবা অতোপ্পা শক্নাইরবশিং অমসুং ঐখোয়বু থৌজাল পীনবীনবা মশিং য়াম্না লেংবিরক্লিবা ইচিল–ইনাও অমসুং ইচল–ইচেশিং।

পান্দরকোরাগী লৈবাক লৈহাও অসিদগী ঐহাক্না লাইনীংবা সর্ৱলাল মহারাজ. মুখসা জী গুম্লবা লাইনীংবা কয়াবু খুরুমজরি। থা খরগী মমাংদা লমদম অসিগী ত্রাইবেল নহাশিংনা এভরেস্ত চিংদোল মায় পাক্না কাখি। দিল্লীদা ঐহাক্না নহারোল মরুপশিং অদুগা উনজবগী তঞ্জাসু ফংজখি। মখোয়না হোৎনখিবা, মখোয়গী মংলানশিংগী মরমদা খংলুবদা ঐহাক্না য়ৱৎমাল চন্দ্রপুরগী ইনর্জী অদু এক্সপরিয়েন্স লৈজখি। লমদম অসিগী কোলাম ত্রাইবনা লু–নানবগী মায়কৈদা চংশিল্লিবা অদু ঐহাক্না ঐহাক্কী মন কী বাত তৌরমদা পাওদমজখ্রে। চন্দ্রপুরকী নহাশিংনা মফম অদুগী লানবনবু শেংদোকখিবা মতৌ অদুনা লৈবাক অসিগী নহা কয়াদা অসিগুম্বা মখলগী লু–নানবগী ইন্সপিরেসন অদু ফংলি।

ঙসি পান্দরকোরাগী য়ৱৎমালগী চাউখৎ থৌরাংগা মরী লৈনবা কোতি লিশিং কয়াগী প্রোজেক্তশিংগী উরেপ উয়ুং তম্বা অমসুং শঙ্গাবগী থৌরম পাংথোকখ্রে। মসিদা লাইরবশিংগী য়ুমগা মরী লৈনবা, লম্বী–থোংশিংগা মরী লৈনবা, রেলৱেগা মরী লৈনবা, এমপ্লোইমেন্ত অমসুং ইশানা ইশাবু থবক পীজবগা মরী লৈনবা, মহৈ–মশিংগা মরী লৈনবা প্রোজেক্তশিং য়াওরি।

ইচিল–ইনাও অমসুং ইচল–ইচেশিং, চাউখৎ থৌরাংগী অসিগুম্লবা প্রোজেক্তশিংগী মরক্তা ঐখোয় পুম্নমক য়াম্না থৱায় নুঙাইতনা লৈনরি হায়বসু ঐহাক খংজৈ। পুলৱামাদা থোকখিবা থৌদোক অদুদা ময়াম্না শাওরিবা অদু ঐহাক খংজৈ। মহারাস্ত্রগীসু থৌনা ফরবা মপারী অনিনা লৈবাক্কী শেবা তৌরদুনা পুলৱামাদা মখোয়গী মথৱাই থাখি। মখোয় মখোয়গী মচাশিং মাংজরিবা ইমুং মনুংশিংগী অৱাবা অদু ঐঙোন্দসু ফাওজৈ। ঐখোয় পুম্নমক্না মখোয়গী অৱাবদা শরুক য়াজরি।

ইচিল–ইনাও অমসুং ইচল–ইচেশিং, ঐহাক্না ঙরাংসু হায়খ্রে অমদি ঙসিসু অমুক হন্না হায়জরি অথৌবশিংনা কত্থোকখিবা অদু লেম্না মাংলোয়। তেরোরিস্ত গ্রুপশিংনা লংজরিবা মরাল অদু লোৎনবা ফনা য়াম্না হোৎনরবসু মখোয় চৈরাক শোয়দনা ফংগনি। ঐখোয়না ঐখোয়গী লান্মীশিং, ঐখোয়গী সেক্যুরিতী ফোর্সশিংগী মথৌনা মরিংজেলদসু চাউথোকচবা পোক্লি, থাজবসু থম্লি। লান্মীশিংদা অমদি অখন্ননা সি.আর.পি.এফ.তা ফাওরিবা শাওনীংবা অদুসু লৈবাক অসিনা খংলি মরম অদুনা সেক্যুরিতী ফোর্সশিংবু মপুং ফানা মনীং তম্বা পীরে।

মরূপশিং, ঙসি ঐখোয়না মপুংফাবা সেক্যুরিতীগা লোয়ননা ঐখোয়গী ওইবা মংলানশিং মংফাওনহনবা ঙম্লিবা, লৈবাক অসি চাউখৎহনবা ঙম্লিবা অসিগী তুংদা মশিং থিঙমদ্রবা কত্থোকপা কয়া অমা লৈখ্রে। ঐহাক্না পুলৱামাগী অথৌবশিংবু অমুক হন্না খুরুমজরি।

মরূপশিং, লৈবাক্কী সেক্যুরিতীগা লোয়ননা লৈবাক্কী চাউখৎ থৌরাংগীসু ঐখোয়গী সরকারনা মপুংফানা হোৎনরি মদুনা মরম ওইরগা চাউখৎ থৌরাংগী ইচেল মঙা হায়বদি অঙাংশিংগী মহৈ–মশিং, নহাশিংগী শেন্থোক লম্বী, অহল ওইরবশিংগী হিদাক লাংথক, লৌমীশিংগী ইথৈ লৌখোং অমদি মীপুম খুদিংমক্কী ৱাফম তাবদা পুক্নিং থৌগৎলি। ঙসি শঙ্গাখিবা অমদি উরেপ উয়ুং তমখিবা অসি ৱাখল্লোন অসিগী মখা চত্থরকপনি।

ইচিল–ইনাও অমসুং ইচল–ইচেশিং, করিগুম্বা লমদম অমগী চাউখৎ–থৌরাংদা কনেক্তিবিতীগী য়াম্না চাউবা থৌদাং লৈরি। য়ৱৎমালগী প্রোগ্রেসসু মফম অসিগী লম্বী–থোংশিং অমসুং রেলৱেনা শোয়দনা পুরক্কনি। ৱাখল্লোন অসিগা লোয়ননা ঙাইহাক্কী মমাংদা লম্বী–থোংগা মরী লৈনবা চাউরাক্না লুপা কোতি ৫০০গী প্রোজেক্ত উরেপ উয়ুং তমখ্রে। মসিদা নত্তনা পুনে অজনি পুনে হমসফর এক্সপ্রেসসু লমথাখ্রে। ত্রেন অসি দ্রোনি, মনমাদ, ভুসাবল অমসুং বরনেরা ফাওরগা চৎকনি। মসিনা লমদমশিং অসিগী মীয়ামদা য়াম্না চাউনা কানহল্লগনি।

মরূপশিং, লম্বী–থোং অমসুং রেলৱেগী খুদোংচাবদা নত্তনা য়ৱৎমালগী লায়রবা ইমুং লিশিং ১৪৫০০ হেনবনা ঙসি মখোয় মশাগী অনৌবা য়ুমদাসু চংখ্রে। অসিগুম্লবা চেক্কী য়ুম ফংলবা পুম্নমকপু ঐহাক্না নুঙাইবা ফোংদোকচরি।

মরূপশিং, কেন্দ্র সরকারনা ২০২২ ফাওবদা ময়ুম লৈজদবা খুদিংমক্তা চেক্কী য়ুম পীনবা পান্দম থম্লি অমদি সরকারনা খোংজেল য়াংনা পান্দম অসিগী মায়কৈদা চংশিল্লি। হৌজিক ফাওবা য়ুম ফংদ্রিবা ইমুং–মনুংশিংনা ৱাফম অসি থাজবিয়ু মসি ঐহাক্কী ৱাশক্নি ২০২২গী মমাংদা ইমুং খুদিংমক্না চেক্কী য়ুম লৈরগনি। হৌজিক ফাওবদা লৈবাক অসিগী খুঙ্গং অমসুং সহরশিংদা লাইরবশিংগী য়ুম কোতি অমা মখায় শাবা লোইখ্রে। হৌখিবা চহী মরিদা মহারাস্ত্রদসু চাউরাক্না য়ুম লাখ অনি মখায় শাখ্রে। ফদনবীসকী সরকারনসু য়ুম লিশিং ৫০ হেন্না শাহনখ্রে। য়ৱৎমালদসু চাউরাক্না য়ুম লিশিং ১২দা থবক পায়খৎলি।

মরূপশিং, প্রধান মন্ত্রী আৱাস য়োজনাগী মখাদা শারিবা য়ুমশিং অসিনা লাইরবশিংদা মশানা মশাবু থাজহনবতা নত্তা ঐখোয়গী ইচল–ইচেশিংগী এমপৱারমেন্তকীসু পাম্বৈনি। প্রধান মন্ত্রী আৱাস য়োজনাগী মখাদা ফংলিবা য়ুমশিংগী রেজিস্ত্রীসু ইমুংগী নুপীগী মিংদা লৈহন্নবা প্রায়োরিতী পীরি।

ইচিল–ইনাও অমসুং ইচল–ইচেশিং, ঐহাক্না নীংশিংলি মদুদি মমাংদা ঐহাক্না মফম অসিদা লাকখিবা মতমদা শেতকারি সমাজকা মতম শাংনা ৱারি শানখি। ঙসি অমুক হন্না ময়ামগী ইরক্তা লাকচবা অসিদা মসিমসু খংহনজনীংই মদুদি হন্দক্কী বজেৎতা ক্ষেত্রীয় সমাজকা লোয়ননা ঐখোয়গী ঘুমন্তূ সমাজগী লৈরিবা মীয়াম, বঞ্জারা–বগৈরহ সমাজ, ঐখোয়গী লেবর সমাজ, ঐখোয়গী লৌবুক্তা থবক শুরিবশিং পুম্নমক অসিগীসু য়াম্না চাউবা প্রোজেক্ত অমা লাওথোকখ্রে।

মরূপশিং, প্রধান মন্ত্রী কিসান সম্মান নিধীগী মিংদা কেন্দ্র সরকারনা লৌমীশিংগী মফমদা তেংবাং পীনবা স্কিম শেম্লে। স্কিম অসিগী মখাদা একর মঙাদগী তানা লৌ লৈবা লৌমশিংদা, লৌমীশিং অদুগী বেঙ্ক একাউন্তশিংদা চহী খুদিংগী লুপা লিশিং তরুক দিল্লীদগী ভারত সরকারগী মায়কৈদগী হাপচিল্লগনি। মহারাস্ত্রগী লৌমী ইমুং চাউরাক্না কোতি অমগা লাখ ২৫না মসিগী কানবা ফংলগনি। শেনফম অসি লুপা লিশিং অনি অনি তাঙ্কক অহুমলক থোক্না দাইরেক্ত অদোম অদোমগী একাউন্তদা চংলক্লগনি অদুগা মসি অমুকখক নত্তে চহী খুদিংগী পীগনি।
মরূপশিং, হন্দক্কী বজেৎতা সরকারনা ঘুমন্তূ কাংলুপকীদমক্তসু য়াম্না চাউবা ৱারেপ অমা লৌরে। পুৱারিদা অহানবা ওইনা কাংলুপ অসিগীমদ সরকারনা ৱাখল তৌরদুনা ৱেলফেয়ার দিবেলপমেন্ত বোর্দ শেম্নবা ৱারেপ লৌরে।

মরূপশিং, প্রধান মন্ত্রী শ্রময়োগী মানদেয় য়োজনানা থাগী লুপা লিশিং ১৫ ফাওবা তানলিবা শিন্মীশিংবু চহী ৬০গী মতুংদা লুপা লিশিং অহুমগী ওইবা পেন্সন ফংবা ঙমহল্লগনি। মসিগীদমক থাগী ওইনা চাংচৎতা লুপা ১০০ প্রিমিয়ম থিগদবনি। অসুক য়াম্বা শেমফম অসি কেন্দ্র সরকারনা মরূপশিং অসিগী একাউন্তদা থা খুদিংগী দিপোজিৎ তৌরগনি।

মরূপশিং, লৌবুক ওইগেরা, উমংগী পোত্থোক ওইগেরা, ইবা–পাবা ওইগেরা, শান্ন–খোৎনবগা মরী লৈনবা হৈ শিংবা ওইগেরা, থাক খুদিংমক্তা ত্রাইবেলশিংগী য়াইফনবা পাকচাউনা হোৎনরি। জন ধন য়োজনাগী মখাদা বেঙ্কশিংদা চাউরাক্না ইমুং খুদিংমক্কী একাউন্ত হাংদোকহনখ্রে, মসিনা মরম ওইদুনা সরকারগী মতেং পুম্নমক অদোম অদোমগী একাউন্তদা দাইরেক্ত ফংবা ঙমহল্লে। হৌজিক্তি মরক্তা লৈবা মীওই অমত্তনা হুরানবা ঙমদ্রে। মতৌ অসুম্না বন–ধন য়োজনাগী থোংদা উমংদগী পুথোরক্লিবা পোত্থোকশিং অদু মতিক চাবা মমল অদোম অদোগী মফমদা ফংহনবা ঙমহন্নবা হোৎনরি। মসিগীদমক বন–ধন কেন্দ্রশিং শেমগৎলি।

মরূপশিং ভারতিয়া জনতা পার্তীগী সরকারনা ত্রাইবেলশিংগী শেন্থোক অদুগী খন্দুনা ৱাগা মরী লৈনবা আইন্দা চাউনা অহোংবা পুরক্লে। হৌজিক্তি অদোম্না অদোমগী লৌবুক্তা ৱা থাবা য়ারে অমদি মদু য়োল্লগা ইশাগী শেন্থোক হেঙ্গৎহনবা য়ারে। ৱা থাবা খক্তা নত্তনা মসিবু য়োন্নবা কৈথেলসু ফংহন্নবগীদমক থবকসু পায়খৎলি।

মরূপশিং. ত্রাইবেল লমদমশিংদা মহৈ–মশিংদগী হৌরগা খুৎ–শা হৈবা অমসুং এমপ্লোইমেন্ত ফাওবগী কয়া অমা হোৎনরি। ঐখোয়না ত্রাইবেল লমদমশিংদা একলব্যা মোদেল স্কুল হাংদোকপগী চাউরবা কেম্পেনসু চত্থরি। মসিগী মখাদা মী লিশিং কুনদগী হেন্না তাবা ত্রাইবেল লমদমশিংদা স্কুলশিং হাংদোক্লি। ঙসিসু মফম অসিদা একলব্যা মোদেল স্কুলগী অনৌবা কেম্পস শঙ্গাবগী থৌরমসু পাংথোকখ্রে। মসিগী অনৌবা কেম্পস অসিদা নহা ওইরিবা মরূপ চামরি হেনবনা মশাগী তুংগী পুন্সিগীদমক হোৎনবা ঙমহল্লগনি।

মরূপশিং, ত্রাইবেল ইচিল–ইনাও অমসুং ইচে–ইচলশিংনা কেন্দ্র সরকারগী আয়ুশ্মান ভারত য়োজনাগীসু চাউনা কানবা ফংলি। স্কিম অসিগী মখাদা অরুবা অনাবগী ফিভমদা লাইরবশিংবু লুপা লাখ মঙা ফাওবা লেম্না লায়েংবা ফংহল্লে। হৌজিক ঙাইহাক্কী মমাংদা ঐহাক্না আয়ুশ্মান ভারতনা কানবা ফংলবা মীওই কয়াগা উনজখ্রে। মখোয়গী মায়থোংদা তারিবা নুঙাইবগী মমি অদু অদোমগী মকোকথোংবা সেবক্না হোৎনজখিবগী মহৈনি।

মরূপশিং, লৈবাক অসিগী নীংতম্বদগী হৌরগা চাউখৎ থৌরাংদা ত্রাইবেল লুচিংবশিংগী য়াম্না চাউবা থৌদাং লৈরি হায়বা পুৱারিনা সাখিনি। বি.জে.পি. সরকারনা থৌদাং অসি ইকায় খুম্নবগী থবকসু তৌরি। নীংতম্বগী লানফমদা থৱায় কৎখিবা ত্রাইবেল মপারি–মমোমশিং অদুবু নীংশিংলদুনা লৈবাক পুম্বদা মোনুমেন্তশিং শেমগৎপগী থবক চত্থরি।

ইচিল–ইনাও অমসুং ইচল–ইচেশিং, লৈবাক্কী সেক্যুরিতী, নুপীশিংদা শক্তি শিন্নবা, ত্রাইবেল ৱেলফেয়ার অমসুং দিবেলপমেন্তকী থবকশিং ঙসি খোংজেল য়াংনা পায়খৎপা ঙম্লিবা অসি অদোম্না চহী মরি মমাংদা অচেৎপা সরকার অমগীদমক ভোৎ পীখিবা অদুননি। ঙসি সরকারনা পুকচেল শেংনা অমকপা য়াওদবা রুল শেম্বা ঙম্লিবা অসি অদোমগী ভোৎ অমনা মরম ওইদুনা ওইথোকপা ঙম্লিবনি। মতম অদুদা অদোম্না শোয়রম্বা তারমলগদি মতম অদুদা লৈরম্বা অদুম্না লৈরমখিগনি। অদোম্না অসিগুম্বা মকোকথোংবা সেবক অসিদা অদোম ইশাগী ওইবা থৌজাল অদু পীনবীখিগনি হায়বা থাজবা অসিগা লোয়ননা অমুক হন্না চাউখৎ–থৌরাংগী প্রোজেক্তশিং অসিগীদমক হন্না–হন্না নুঙাইবা ফোংদোকচরি।

ভারত ইমানা য়াইফরে!

ভারত ইমানা য়াইফরে!

ভারত ইমানা য়াইফরে!

হন্না–হন্না থাগৎচরি।