ভারতকী প্রধানমন্ত্রী

২০১৯গী জুন ৮-৯দা ঐহাক রাস্ত্রপতি ইব্রাহিম মোহম্মদ সোলিহ অমসুং রাস্ত্রপতি মাইত্রীপাল সিরিসেনাগী বার্তন ফংদুনা মথংশিৎনা মালদীব অমসুং শ্রীলঙ্কাদা চৎকনি। ঐহাকপু অমুক হন্না খনবীরবা মতুং মসিনা ঐহাক্কী অহানবা মপাল লমগী খোংচৎ ওইরগনি।

মমাং চহীগী দিসেম্বর থাদা ঐখোয়না রাস্ত্রপতি সোলিহবু তরাম্না ওকচবগী খুদোংচাবা ফংজখি। ২০১৮গী নবেম্বর থাদা ঐহাক্না রাস্ত্রপতি সোলিহগী ইনোগ্রেসন্দা শরুক য়াবগী খুদোংচাবসু ফংজখি। ঐহাক্কী মালদীব খোংচৎ অসিনা ঐখোয়গী সমুদ্রগী য়ুম্লোন্নরিবা অমদি মতম শাংনা মরূপ ওইবগী মরীগী মরুওইবা অদু মমি তারি।

ঐখোয়না মালদীবপু পুৱারী অমসুং কলচরগী অচেৎপা মরী লৈবা অদুগুম্লবা মরুওইবা পার্তনর অমগুম ইকাই খুম্নজৈ। হৌখিবা মতম খরা অসিদা মালদীবকা লোয়ননা ঐখোয়গী লৈবাক অনিগী মরী অসি হেন্না চেৎশিল্লক্লি। ঐহাক্কী খোংচৎ অসিনা ঐখোয়গী মায়থোং য়াম্লবা পার্তনরশিপ অসি মখা তানা হেন্না চেৎশিলহল্লগনি হায়বা ঐহাক্না থাজৈ।

শ্রীলঙ্কাদা চৎকদৌরিবা ঐহাক্কী খোংচৎ অসি ২০১৯গী এপ্রিল ২১দা থোকখিবা তমথিরবা তেরোরিস্তকী এতেকশিং অদু য়েংলগা শ্রীলঙ্কাগী সরকার অমসুং মফম অদুগী মীওইশিংগা লোয়ননা ঐখোয়না অমত্তা ওইনা লেপলি হায়বদু ফোংদোকপনি। তেরোরিজম থেংনবদা ভারতনা শ্রীলঙ্কাগা লোয়ননা লেপমিন্নরি।

হৌখিবা চহী খরা অসিদা শ্রীলঙ্কাগা লোয়ননা ঐখোয়গী লৈবাক অনিগী মরীদা খুমাং চাউশিল্লে। অনৌবা সরকার ৱাশক লৌবগী থৌরমদা শরুক য়ানবগীদমক হন্দক্তা ভারত্তা লাকপীরম্বা মতম অদুদা রাস্ত্রপতি সিরিসেনাগা উন্নবগী খুদোংচাবা অদু ঐহাক্না ফংজখি। ঐহাক্কী খোংচৎ মনুংদা ঐহাক্না শ্রীলঙ্কাগী লুচিংবশিংগা উন্নদুনা ৱারী শাননবা থৌরাং তৌরি।

ঐহাক্কী মালদীব অমসুং শ্রীলঙ্কাগী খোংচৎ অসিনা ঐখোয়গী সমুদ্রগী য়ুম্লোন্নবশিংগা লোয়ননা ঐখোয়গী য়ুম্লোন্নবগা অহানবা পোলিসী অমদি লমদম অসিদা সেক্যুরিতীগী মীৎয়েং অমসুং পুম্নমক্কী চাউখৎপগী পরিংদা ঐখোয়গী অচেৎপা মরী অদু মখা তানা চেৎশিলহল্লগনি হায়বা ঐহাক্না থাজবা থম্লি।

*****