ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ২০১৯গী মীখলদা মায় পাক্লকপদা বঙ্গলাদেশকী প্রধান মন্ত্রী শ্রীমতী শৈখ হসিনা; ভুতানগী নিংথৌ শ্রী জিগমে খেসর নামগ্যেল ৱাংচুক; ভুতানগী প্রধান মন্ত্রী দা. লোতে শেরিং; নেপালগী প্রধান মন্ত্রী শ্রী কে.পি. শর্ম ওলী; মালদীপকী রাস্ত্রপতি শ্রী ইব্রাহিম মোহমদ সোলী; শ্রীলঙ্কাগী প্রধান মন্ত্রী শ্রী রানিল বিক্রমসিংহ; রুসিয়াগী রাস্ত্রপতি শ্রী ব্লাদিমির পুতিন; ফ্রান্সকী রাস্ত্রপতি শ্রী ইমানুয়েল মেক্রোন; জাপানগী প্রধান মন্ত্রী শ্রী অবে শিঞ্জো; ওস্ত্রেলিয়াগী প্রধান মন্ত্রী শ্রী স্কোৎ মোরিসন; মোরিসসকী প্রধান মন্ত্রী শ্রী প্রবিন্দ জগনাথ; য়ু.এ.ই.গী ক্রাউন প্রিন্স শ্রী মোহমদ বিন জায়েদ; অমসুং ইজরেলগী প্রধান মন্ত্রী শ্রী বেঞ্জামিন য়াওনা মালেমগী লুচিংবা কয়ানা তেলিফোন তৌরক্তুনা নুংঙাইবা ফোংদোকপগী পাওজেল পীরক্লি।

প্রধান মন্ত্রীগী মফমদা নুংঙাইবা ফোংদোক্লদুনা লুচিংবশিং অদুনা মখোয়গী ওইবা ৱাফমশিং থমখি মদুদি অসিগুম্লবা পুৱারী ওইরবা অচৌবা য়াথং অসিনা প্রধান মন্ত্রী শ্রী নরেন্দ্র মোদীগী লিচিং মখাদা ভারতকী মীয়ামগী লেংদবা থাজবা অদু উবা ফংলে।

মখোয়গী য়াইফ পাওজেলশিং অদুদা তৌবীমল খঙবা উৎলদুনা প্রধান মন্ত্রীনা ফোংদোকখি মদুদি মীখল অসিনা মালেমগী খ্বাইদগী চাউবা দেমোক্রেসী ওইরিবা ভারতকী দেমোক্রেসীগী পাঙ্গল শক্তিনি। মহাক্না মালেমগী লুচিংবশিংবু নাকল অনিগী ওইবা কান্নবা ফংগদবা লৈবাক অনিগী মরীশিং অমদি মল্তিলেতরেল কোওপরেসন্দা থম্নরিবা মখোয়গী মরী অদুদা থাগৎপা ফোংদোকখি অমদি হেন্না চেৎপা মরী থম্ননবা মখা তানা থবক তৌবদা মহাক্কী অপাম্বা অদু ফোংদোকখি।

প্রধান মন্ত্রীনা সোসিয়েল মীদিয়া অমদি অতোপ্পা পাম্বৈশিংগী মতেংনা মফমদা নুংঙাইবা ফোংদোরকখিবা অতোপ্পা লুচিংবা কয়াগী মফমদসু মহাক্না তৌবীমল খঙবা উৎখি।