ভারতকী প্রধানমন্ত্রী

ইকায়খুম্নরবশিং;

ব্রিক্স লৈবাকশিংগী ঐগী মরুপশিংগা লোয়ননা ঐ মীফম অসিদা শরুক য়াবা অসিদা ঐ য়াম্না হরাওই। ব্রিক্স আউতরিচ মীফমদা লেতিন অমেরিকা, অফ্রিকা অমসুং এসিয়াগী লৈবাকশিংগা লোয়ননা ঐগী ৱাখল্লোনশিং ফোঙদোক্নবা ঐঙোন্দা খুদোংচাবা পীবগীদমক ঐনা রাষ্ট্রপতি লুলা থাগৎপা ফোঙদোকচরি।

মরুপশিং,

ব্রিক্স গ্রুপকী খেন্নবশিংদা ঐখোয়না থম্লিবা থাজবা অসি ঐখোয়গী খ্বাইদগী কনবা পাঙ্গলনি। ঙসিদি, মালেম অসি মাইকৈ খুদিংমক্তগী ইথিলশিং মায়োক্নরি অমসুং মালেম অসি অৱাবা কয়া অমসুং তম্বা ঙমদবা কয়া মায়োক্নরি অমসুং ব্রিক্সকী দরকার ওইবা অমসুং ইথিল হেনগৎলকপা অসি মহৌশানি। তুংদা কমদৌনা ব্রিক্সনা মালেম আসি লমজিংগনি হায়বগী মতাংদা ঐখোয়না পুন্না খন্নগদবনি।

হিরম অসিগী মতাংদা পাউতাক খর ঐনা পীজরি:

অহানবদা, ব্রিক্সগী মখাদা ঐখোয় শেন-থুমগী মতেং পাংনবা হেনগৎলক্লি। মসিদা ব্রিক্স ব্যুজিনেস কাউন্সিল অমসুং ব্রিক্স ৱুমেন ব্যুজিনেস এল্লাইন্সনা অচৌবা থৌদাং অমা লৌরে। ব্রাজিলনা চিয়ারমেন ওইবগী মখাদা, মালেমগী শেন-থুমগী থবকশিংদা অওনবা পুরক্নবা অখন্নবা থবকশিং পায়খৎলে। মসি ঐখোয়না তরাম্না ওকচরি।

ব্রিক্স ন্যু দিবলপমেন্ত বেঙ্কগী মওংদা, গ্লোবেল সাউথকী লৈবাকশিংগী চাউখৎপগী দরকার ওইবশিংদা মতেং পাংনবা ঐখোয়না অফবা অমসুং অতোপ্পা মহুৎ অমা পীরে। প্রোজেকশিং অয়াবা পীবগা লোয়ননা, ন্যু দিবলপমেন্ত বেঙ্কনা দরকার ওইবশিং, তুংকোইনা চৎনবা য়াবা শেন-থুমগী থবকশিং অমসুং শেন্থং পীবদা মীয়েৎ চঙগদবনি। ঐখোয়গী মনুংগী থবকশিং ফগৎহনবা অসিনা মালেমগী লুপশিংদা অওনবা পুরক্নবা ঐখোয়না তকশিল্লিবা অসি হেনগৎহনগনি।

অনিশুবদা, ঙসিদি গ্লোবেল সাউথকী লৈবাকশিংনা ব্রিক্সতগী থাজবা খর থম্লি। মখোয়গী থাজবশিং ফংহন্নবা ঐখোয় পুন্না থবক তৌমিন্নগদবনি। খুদম ওইনা, ভারত্ত লিংখৎখিবা ব্রিক্স এগ্রিকলচরেল রিছার্স প্লেতফোর্ম অসি লৌউ-শিংউগী লমদা থিজিনবা হেনগৎহন্নবা মমল য়াম্লবা থবক অমনি। মসি এগ্রি-বাইওতেক, য়াম্না কুপ্পা লৌউ-শিংউগী থবক অমসুং অইং-অশাগী খল হোংলকপদা চুশিন্নবা ঙম্নবা হিরমশিংদা লৌশিং শরুক য়ামিন্ননবা পাম্বৈ অমনি। ঐখোয়না মসিগী কান্নবশিং গ্লোবেল সাউথতশু ফংহনগদবনি।

একাদেমী জর্নেলশিং লৈবাক শীনবা থুংনা ফংহন্নবা ভারতনা ৱান নেসন ৱান সবস্ক্রিপসন হৌদোক্লে। মসিগা মান্নবা থবকশিং অতোপ্পা ব্রিক্স লৈবাকশিংদা পায়খৎলে। গ্লোবেল সাউথকী লৈবাকশিংদা মমল য়াম্লবা থিজিনবগী থবকশিং পাংথোক্নবা ব্রিক্স সাইন্স অমসুং রিছার্স রিপোজোতোরি অমা লিংখৎনবা ঐনা পুখৎলি।

অহুমশুবদা, মরুওইবা মিনরেলশিং অমসুং তেক্নোলোজি ফংহন্নবা সপ্লাই চেনশিং শেম্নবা ঐখোয় পুন্না থবক তৌমিন্নবা দরকার ওইরে। হায়রিবা লন-থুমশিং অসি মশাগী খুদোংচানবা নত্ত্রগা অতোপ্পশিংদা খুৎলায় ওইনা শীজিন্নদবা অসি য়াম্না মরুওই।

মরিশুবদা, ২১শুবদা চহিচাদা, মীয়াম চাউখৎপা অমসুং নুংঙাইবা অসি তেক্নোলোজি অমসুং আর্তিফিসিএল ইন্তিলিজেন্সকী মখা য়াম্না পোল্লি। অমরোমদা, এ.আইনা নোংমগী পুন্সি য়াম্না ফগৎহনবা ঙম্মী, অমরোমদা, মসিনা খুদোংথিবা অমসুং চৎন-লোনচৎশিংদা মাংবা হেনগৎলে। হিরম অসিদা ভারতকী থৌশিল নাখৈ শেংলে, এ.আই অসি মীওইবগী গুনশিং অমসুং তৌবা ঙম্বা হেনগৎহন্নবা পাম্বৈ অমনি হায়বা ঐখোয় খঙলে। মীওই খুদিংমক্ক এ.আই হায়বা লাইৱা অসিদা থবক পায়খৎলি। লৌউ-শিংউ, হকশেল, লাইরিক-লাইশু অমসুং লৈবাক ঙাকপদা ভারত্ত এ.আই পাক-শন্না শীজিন্নরে।

এ.আইগী লৈঙাক্ত মরুওইনা লৌনবা অনৌবা থবকশিং পায়খৎনবা অমসুং খুদোংচাদবশিং কোকহন্নবা ঐখোয়না থাজবা থমলি। দাইত্ব লৈনা এ.আই শীজিন্ননবা ঐখোয়না পুন্না থবক তৌমিন্নগদবনি। দিজিতেলগী মচাকশিং মশক খঙদোক্নবা মালেমগী চৎন-কাংলোনশিং শেমগদবনি। মসিনা কন্তেন্তশিংগী হৌরকফমশিং ঐখোয়না মশক খঙদোকপা ঙমগনি অমসুং লান্না শীজিন্নবা থিংবা ঙমগনি।

ঙসিগী মীফম অসিদা ফোঙলিবা এ.আইগী লৈঙাক্কী মালেমগী লুচিংবশিংগী ৱারোল অসি মাইকৈ অসিদা থাংজিনবা খোঙথাং অমনি। লৈবাকশিংগী মরক্ত মতেং পাংনবা হেনগৎনবা ঐখোয়না মথং চহিদা ভারত্ত এ.আই ইম্পেক সম্মিৎ পাংথোক্কনি। মীফম অসি মাইপাক্নবা অদোম থৱায় য়াওনা শরুক য়াগনি হায়না ঐখোয় থাজবা থম্লি।

মরুপশিং,

গ্লোবেল সাউথনা ঐখোয়দা থাজবা কয়া থম্লি। থাজবশিং ফংহন্নবা, খুদম ওইনা উৎপগী ৱাখল্লোন অসি ঐখোয়না ইনগদবনি। ঐখোয়গী মান্নবা পান্দমশিং ফংনবা ঐখোয়গী মরুপশিংগা লোয়ননা নকশিন্ননা থবক তৌমিন্নবা ঐখোয়না থাজবা থম্লি।

অদোম থাগৎপা ফোঙদোকচরি।

দিসক্লেমর: মসি প্রধান মন্ত্রীগী ৱারোলদগী চাউরাকপা হন্দোকপনি। অশেংবা ৱারোল হিন্দীদা পীখি।

***