ভারতকী প্রধানমন্ত্রী

মফম অসিদা লৈরিবা মশিং য়াম্লবা ললোন-ইতিক্কী লুচিংবশিং অমসুং জপান অমসুং ভারতকী সি ই ওশিং,
কৈদানদরেন, জেত্রো,নিক্কি, সি আই আই অমসুং নাসকোমগী সেনিয়র ওফিসিয়েলশিং

জপানদা লাকপদা ললোন-ইতিক তৌবা মীওইশিংদা ৱা ঙাংবা অসি ঐগী ওইনা য়াম্না নুংঙাইজৈ। হৌখিবা চহি ১০ অসিদা ঐনা মফম অসিদা ওন্ত্রপ্রেনিউয়রশিংগা কুপ্না ৱারি শানখিবা অদু হৌজিক ফাওবা নিংশিংলি। নখোয়গী অপাম্বশিং ঐনা খঙই অমসুং নখোয়গী অনৌবা কয়া খঙলে। হৌখিবা চহি ১০ অসিদা নখোয়না ভারতকা নকশিন্নবা অসি তপ্না-তপ্না হেনগৎলক্লি।
লৈবাক অসিদা নখোয়না ললোন-ইতিক্কী থবক তৌবা নুংঙাইনবা অমসুং হিংবদা লাইনবা অমসুং ললোন-ইতিক্কী থবক্তা অহোংবা লাক্নবা ভারত সরকারনা থবক কয়া পায়খৎলি।

মরূপশিং,

চহি খরগী মমাংদা ভারত্তা অপীকপা জপান অমা শেমগৎনবা ৱাফম ঐনা থমখি। ঙসিদি নখোয়না অৱাংবা থাক অমদা ভারত্তা থবক তৌবদা ঐঙোনদা য়াম্না হরাওবা পোক্লে।

চহি কয়া, ভারত্তা জপানগী কম্পেনি ১১৫০ রোম লৈরম্মি, অদুবু ২০১৪দগী ২০১৭গী মরক্তা ভারত্তা জপানগী অনৌবা কম্পেনি ২০০ হেন্না থবক তৌবা হৌরকখি। মসিগী মশিং অসি নোংমা-নোংমগী হেনগৎলক্লি। মসিগীদমক নখোয় পুম্নমক থাগৎচরি।

ঙসি জপানগী কম্পেনিশিংনা ভারত্তা কার শাবগী হৌরগা কম্মুনিকেসন অমসুং ইনফ্রাস্ত্রকচরদগী হৌরগা সর্বিস ফাওবা পায়খৎলি। ভারত অমসুং জপানগী নুংঙাইরবা খোঙচৎ অসি হেন্না নুংঙাইবা অমসুং মহৈ য়ানবা ওইরক্লি, মসিগীদমক নখোয় পুম্নমক ঐনা থাগৎচরি।

মরূপশিং,

ভারত অমসুং জপানগী মরক্তা পুন্না হিংমিন্নবগী ৱাখল্লোন অসি থাজবা অমসুং ঐখোয়না শরুক য়ামিন্নরিবা হেরিতেজদা য়ুম্ফম ওইবনি। লৈবাক অনিগী মরক্তা লৈরিবা অচেৎপা মরিগী য়ুম্ফম অসি মসিগী ৱাখল্লোন অমসুং লাইনিং অসিনি।

মসিনা মরম ওইদুনা ২০১৪দা প্রধান মন্ত্রী ওইনা ঐগী অহানবা খোঙচৎতা, ঐখোয়না ৱারেপ লৌখি মদুদি লৈবাক অনিমক্না মসিগী মরি অসি অনৌবা অৱাংবা থাক অমদা পুখৎতুনা স্ত্রেতেজিক অমসুং মালেমগী ওইবা মরি ওইহনগনি। মদুদগী হৌনা হৌজিক ফাওবা, জপানগী প্রধান মন্ত্রী অবে অমসুং ঐনা লেপ্তনা উনদুনা লাক্লি। প্রধান মন্ত্রী অবে অমসুং ঐখোয়না লৈবাক অনিগী মরক্তা ললোন-ইতিক্কা মরি লৈনবা খুদোংচাদবা কয়া কোকহল্লে।

মরূপশিং ,

হৌখিবা চহি খর অসিদা জপানগী সরকারনা ঐখোয়গী অচৌবা শেমগৎ-শাগৎপগী প্রোজেকশিংদা মতেং পাংদুনা লাক্লি। ঐখোয়গী ৱেস্তর্ন দেদিকেতেদ ফ্রেদ কোরিদোর অসি হৌজিক লোইশিল্লক্লে। চহি অমগী মতুংদা মসি মপুং ফানা থবক হৌরগনি। জপান সরকার অমসুং জপানগী কম্পেনিশিংগী মতেংগা লোয়ননা দিল্লি-মুম্বাই ইন্দস্ত্রিয়েল কোরিদোর শেমগৎপগী থবক চৎথরি।

প্রধান মন্ত্রী অবেনা ভারত্তা লাক্লম্বা অদুদা ,ঐখোয়না হায় স্পিৎ রেল প্রোজেক পায়খৎনবা ৱারেপ লৌখি। মুম্বাই-অহমেদবাদকী মরক্তা ভারতকী অহানবা হায় স্পিৎ রেল প্রোজেক পায়খৎলে অমসুং মসিগী থবক অসি য়াম্না য়াংনা চৎথরি।

মরূপশিং, ভারত্তা ঐগী সরকার শেমখিবা চহি মরি মখাই মপুং ফারে। মসিগী মতম অসিগী মনুংদা ,ঐনা য়াম্না মরুওইনা লৌখিবা ললোন-ইতিক্কা মরি লৈনবা ৱাফমশিং-ললোন-ইতিক তৌবদা লাইহনবনি। মসিগী মহৈ ঙসি মালেমগী মীয়াম্না উবা ফংলে। ২০১৪দা ঐনা সরকার পায়বা মতমদা ,ৱার্ল্দ বেঙ্কগী ইজ ওফ দুইং বিউজিনেস রেঙ্কিংদা ভারত ১৪২সুবা মফমদা লৈরমখি। হৌজিক ঐখোয় রেঙ্ক ১০০গী মনুংদা লৈরে অমসুং মসিগী রেঙ্ক অসি ৱাংখৎনবা ঐখোয়না কন্না হোৎনরি। ঐখোয়না কেন্দ্র সরকারগী থাক্তা, রাজ্য সরকারগী থাক্ত অমসুং লোকেল সরকারগী থাক্তা থবক পায়খৎলি ।মসিনা লাক্কদৌরিবা চহিশিংদা হেন্না ফবা ফল ফংবা ঙমগনি।

অসিগুম্বা য়াম্না চাউনা ফগৎলকপা অসি অথুবা মতমদা ৱারেপ লৌবা অমসুং অরিবা আইনশিং হোংদোকপদগী ওইরকপনি।

মফম অসিদা ঐনা নখোয়দা অতোপ্পা মরুওইবা অমা হায়বা পাম্মি। হৌজিক ভারত সরকারনা মসিগী রাজ্যশিং অমসুং য়ুনিয়ন তেরিতোরি ৩৬দা ললোন-ইতিক্কী থবক লাইহন্নবা থবক পায়খৎলি। মসিগী য়াম্না চাউনা কান্নবা ফংলে, হৌজিক রাজ্যশিং মরক্তা অফবা ম ওংদা চাংদম্নরে ,মসিগী মহৈ উবা হৌরে।

মরূপশিং,

শেল্লেপ থাদবা অসি ঐখোয়গী লৈবাক্কী দরকার ওইবা অমনি। মসিনা মরম ওইদুনা ঐখোয়না ললোন-ইতিক্কী থবক লাইহন্নবদা পুকচেল শেংনা থবক তৌরিবনি। শেন থাদরকপা মতমদা, থবক ফংদ্রিবশিংগী অনৌবা থবক ফংহনগনি, লৈবাক অসিগী মচাক-মথুমশিং শেমগৎকনি অমসুং লৌউ-শিংউ, মিনরেল,সমুদ্রগী পোৎথোক অমসুং লৈবাক অসিগী মহৌশাগী লনশিংদা অহেনবা মগুন হাপচিনগনি ।

ঐখোয়না ঐখোয়গী নাগরিকশিং হিংবদা লাইহনবা অসি ললোন-ইতিক্কী থবক লাইহন্নবগী শরুক অমনি ।

মরম অদুনা, ঐখোয়না অকনবা কেম্পেনগা লোয়ননা ললোন-ইতিক্কী থবক লাইহন্নবা হিরমদা থবক তৌরি। হায়রিবা অকনবা থবকশিং অসিনা মরম ওইদুনা ঐখোয়না অতোপ্পা কয়া অমা ফংবা ঙম্লে:

• ৱার্ল্দ ইন্তেলেকচুয়েল প্রোপরতি ওর্গানাইজেসন(দব্লিউ আই পি ও)গী গ্লোবেল ইন্নোবেসন ইন্দেক্স রেঙ্কিংদা ঐখোয় ২১দা মফমদা হাইগৎলে।

• ৱার্ল্দ ইকনোমিক ফোরমস গ্লোবেল কম্পিতিতিপনেস ইন্দেক্সতা ঐখোয় চহি অনিদা ৩১সুবা মফমদা হাইগৎলে।

• য়ু এন সি তি এ দিগী এফ দি আই ১০গী মফমদা ভারত চেৎনা য়াউরে।

• হৌখিবা চহি খর অসিদা ঐখোয়না এফ দি আইগী লমদা অহোংবা কয়া পায়খৎলে। ঙসি ঐখোয় এফ দি আইগী লমদা খ্বাইগী মনিংতম্বা ইকনোমি ওইরে। অয়াবা পীবগী চাদা ৯০ ওতোমেতিক রুত্তা পীরি।

• হৌখিবা চহি অহুম অসিদা ঐখোয়গী এফ দি আই য়ু এস দোল্লর বিলিয়ন ৩৬দগী য়ু এস দোল্লর বিলিয়ন ৬০দা হেনগৎলে।

• ঙসি ঐখোয় মালেমদা খ্বাইদগী য়াংনা চাউখৎলক্লিবা অচৌবা ইকনোমি ওইরে।

• হৌজিক ঐখোয়ন য়ু এস দোল্লর ত্রিলিয়ন ২.৫৯গী ইকনোমিনি। ঐখোয় মালেমদা তরুকশুবা খ্বাইদগী চাউবা ইকনোমিনি অমসুং য়াম্না থুনা মঙাসুবা খ্বাইদগী চাউবা ইকনোমি ওইরগনি ।

লৈবাক মনুংগী ওইনা,ঐখোয়না অওনবা কয়া পায়খৎপদগী ভারতকী ইকনোমিদা অহোংবশিং অসি উবা ফংলে:

• লৈবাক অসি ইনফোর্মেল ইকনোমিদগী ফোরমেল ইকনোমিদা লাক্লে।

• হৌজিক ত্রান্সসেক্সনশিং চেগী মহুৎতা ওনলাইন্দা ওইনা পাংথোক্লে, মসিনা অরোনবা লৈহন্দ্রে।

• লৈবাক শীনবা থুংনা জি এস তি চৎনবগী চৎথোক-চৎশিন লাইহল্লে অমসুং লোজিস্তিক সেক্তর অসি মপাঙ্গল কনখৎলে ।

• মতমগী মতুংইন্না ঐখোয়না কোরপোরেত তেক্স হন্থরে। অপীকপা উদোকশিংদগী কান্নবা য়াম্না লৌনবা এম এস এম ইদা অখন্নবা মীৎয়েং থম্লি।

থৌশিলশিংদা তুংদু লৈতাবা অমসুং অরোনবা লৈহনদবা অসি ভারত সরকারগী শক্তাকচে ওইরবনি।

মরূপশিং,

প্রধান মন্ত্রী ওইনা ঐগী জপানগী অহানবা খোঙচৎপা, জপান প্লস কৌবা লুপ অমা লিংখৎনবা ঐনা ফোঙদোকখি। মদুগী জেত্রোগী মরমদা হায়বদা ঐ হরাওই অমসুং নখোয় পুম্নমক্না মদুগী সিস্তেম অদু শীজিন্নরে।

মসিগী থৌরম অসিদা ঐনা পাউ অমগা তমনিংই। জপান প্লস অসি ঐখোয়গী ইনভেস্ত ইন্দিয়াগা লোয়ননা থবক তৌরি। মসিগী অঙকপা থবক অসিগীদমক নুমিৎ খরনিগী মমাংদা য়ুনাইতেদ নেসন্সনা ইনভেস্ত ইন্দিয়া অসি মালেমগী ওইনা ইকায়খুম্নবগা লোয়ননা মনা পীরে।

মরূপশিং,

ভারতকী ইকনোমি চাউখৎলকপগা লোয়ননা লৈবাক অসিগী মিদ্দল ক্লাস য়াংনা হেনগৎলক্লি, সহরগী মীশিং হেনগৎলক্লি অমসুং ঐখোয়গী নহা ওইরিবা মীওইশিং অসি মফম অদুদা থবক তৌরিবা জপানগী কম্পেনিশিংগী খুদোংচাবা ঙাক্তনি।

ঐ খুদম খরা পীজগে –

হৌখিবা চহী মরি অসিদা মেক ইন ইন্দিয়া প্রোগ্রামগী মখাদা ভারত অসি মেনুফেকচরিং অমসুং রিসর্সকী লমদা মালেমগী মরুওইবা মফম অমা ওইরে।

জপানগী এম এস এম ই কম্পেনিশিংনা ভারত্তা থবক তৌনবগী খুদোংচাবা কয়া মরাং কাইনা লৈরি ।ঐনা হায়বা পাম্মি মদুদি জপানগী অচৌবা কম্পেনি কয়া ভারত্তা লাকপদা তরাম্না ওক্লি অমসুং জপানগী ললোন-ইতিক্কী লুচিংবশিংনসু এম এস এম ইদসু মখোয়গী ললোন-ইতিক্কী থবক চাউনা পায়খৎপা য়াই। এম এস এম এস ইশিংগী মহৈ অসি অতেনবা মতমগী মনুংদা ফংবা ঙম্মি।

ভারত্তা ললোন-ইতিক তৌবগী কান্নবশিংগী মরক্তা অমদি অহোংবা মমলদা পোৎ শাবা অসিনি। অহোংবা খুৎসুমলদা শিন্মী ফংবা অসি ভারতকী অচৌবা কান্নবা অমনি।

মসিগা চপ মান্ননা, আই তি উদোক অসিসু অচৌবা শাফু অমনি। ঐনা মফম অসিদা মমাংদা লাক্লম্বদা হায়খি মদুদি করিগুম্বা ঐখোয়গী সোফৱায়রগা নখোয়গী হাদৱায়রগা পুল্লবদি, ঐখোয়না মালেমদা অঙকপশিং পুথোকপা ঙমগনি হায়না ঐনা থাজৈ।

মসি খক নত্তনা, ভারতনা ইন্দস্ত্রি ৪.০দা চঙশিন্দুনা আর্তিফিসিয়েল ইন্তিলিজেন্স, ইন্তরনেত ওফ থিংস, ৩দি প্রিন্তিং অমসুং রোবোতিক্সকী খুৎথাংদা অনৌবা কয়া পূথোক্নবা হোৎনরি।

ইলেকত্রিক মোবিলিতিগী লমদা ভারত অমসুং জপানগী লমদা মতেং পীনবা অসিনা লৈবাক অনিমক কান্নবা য়াম্না ফংগনি।
মরূপশিং,

হিরম অসিগী মথক্তা, মমাংদা অমুক্তা ওইখিদ্রিবা মওংদা ঐখোয়না ভারত্তা ইনফ্রাস্ত্রকচরগী থবকসু পায়খৎলি। ঐখোয়গী তুংগী মীরোলগী ইনফ্রাস্ত্রকচরদা মীৎয়েং থম্লি। স্কিল, স্পিৎ অমসুং স্কেলদা য়ুমফম ওইবা ইকনোমি অমা শেমগৎনবা ঐখোয়না খল্লি। মসিগী ৱাখল্লোন অসি থবক ওইনা পায়খৎনবা, ঐখোয়না শেন থাদরক্নবগী ফিবম অসি ফগৎহন্নবা হোৎনরি।

ঙসিগী মীফম অসিদা, ভারত্তা লৈরিবা ললোন-ইতিক্কী পাক-চাউরবা খুদোংচাবশিং অসিদা ঐনা নখোয় পুম্নমক চেবাউ পীরি। মপান নাইদ্রবা খুদোংচাবশিং অদুগী খুদম খর নখোয়দা পীবা ঐনা পাম্মি:

• ঐখোয়না পাম্লিবা সমুদ্র মপানগী লমশিংগা লৈবাক অসিগী মনুংদা লৈবা লমশিংগা শম্নগদবা সাগরমালা প্রোজেক অসি নখোয়গী খুদোংচাবনি।

• স্মার্দ সিতি প্রোগ্রাম্না অনৌবা খুদোংচাবা কয়া পীরে। ঐখোয়গী সহর ৫০দা মেত্রো রেল হৌদোকপা ঐখোয়না পাম্লি।

• ঐখোয়গী রেল অমসুং লম্বী পাকথোক-চাউথোকপগী থবক অসি য়াম্না চাউরি। ঐখোয়না হৌজিক হায় স্পিৎ কোরিদোর কয়া শাগদবদা লৈরি ।

• হৌজিক লৈরিবা পোর্তশিং অমসুং এয়রপোর্তশিং মতমগা চুনবা মওংদা শেমগৎপা অমসুং অনৌবা পোর্তশিং অমসুং এয়রপোর্তশিং শেমগৎপা অসি ঐখোয়গী পান্দমনি।

• কংফাল মনুংগী ঈশিংগী লম্বী অমসুং গ্রিন ইনর্জি অসি ঐখোয়গী অনৌবা থাজবনি অমসুং মসিদসু নখোয়গী খুদোংচাবা কয়া লৈরি।

• হৌজিক ঐখোয়গী স্তিল শীজিন্নবা অসি য়াম্না নেম্লি। য়োৎ মরাং কাইনা ফংলি। ভারত্তা অফবা মখলগী স্তিল পুথোকপা ঐনা পাম্মি।

মরূপশিং,

ভারত অমসুং জপান অনি অসি গনতন্ত্রগী ভেলুশিং অমসুং নিংতম্বা কন্না শৌগৎপশিংনি।

চাউখৎ-থৌরাংগী থৌশিলশিংদা ঐখোয়গী মীৎয়েং অমসুং থবক তৌবদা মান্নবা কয়া লৈরি ।

ইনফ্রাস্ত্রকচর অমসুং কেপাসিতি বিল্দিংগী মথক্তা, হকশেল অমসুং লৌউ-শিংউগী লমদা অতোপ্পা লৈবাকশিংদা ভারত অমসুং জপান্না মতেং পীনবগী খুদোংচাবা কয়া মরাং কাইনা লৈরি ।

মরম অদুনা, ইন্দো-পেসিফিক নৎত্রগা খা-এসিয়া নৎত্রগা অফ্রিকা ওইগেরা, ঐখোয়গী মরূপ ওইরিবা লৈবাকশিংগী দরকারগী মতুংইন্না থার্দ কন্ত্রিশিংগী চাউখৎ-থৌরাংগী থবকশিংদা শরুক য়ানবা ভারত অমসুং জপান শরুক য়াগনি ।

ইন্তরনেসনেল সোলার এলাইন্সতা জপান য়াওরকপদগী লৈবাক অনীগী মরক্তা সোলার ইনর্জি অমসুং অতোপ্পা লৈবাকশিংগী ক্লাইমেত চেন্জগী মতাংদা লৈবাক অনিনা থোং লাউনা হাংদোক্লে।

ঙসিগী ইন্দিয়া জপান বিউজিনেস লিদরস ফোরমগী মেম্বর কয়া শরুক য়াদুনা অফ্রিকাদা ভারত অমসুং জপানগী

ললোনবশিংগী মরক্তা মতেং পীনবা হেনগৎহন্নবা অফবা ৱাফম কয়া খন্নবা অসি ঐ হরাওই।

মরূপশিং,

ঐনা মতম চুপ্পদা অকনবা ভারত –অকনবা জপানগী ৱারি শারি।

জপানগী ইন্ত্রপ্রিনরশিংনা ভারত্তা থাজবা থম্বা অসিদা ঙসিগী থৌরম অসিদা ঐনা থাগৎলি।

ভারত্তা শেন থাদবা হেনগৎনবা ঐনা নখোয়দা চেবাউ পীবা পাম্মি।

জপান অমসুং ভারতকী মরি হেন্না ফগৎনবা নখোয়না থবক তৌরক্কনি হায়না ঐনা থাজৈ।

মসিগী থৌরম অসিদা শরুক য়াবগীদমক ঐনা নখোয় পুম্নমক অমুক হন্না থাগৎচরি।

অদোমবু থাগৎচরি।