ভারতকী প্রধানমন্ত্রী
মেদিকেল এজুকেসনগী লমদা ফিভম ফগৎহল্লদুনা ভারতকী মীয়ামদা মগুন লৈবা হেল্থ কোভরেজ অমা ফংহন্নবা পান্দম অদু মাংলোমদা পুখৎপা অসি প্রধান মন্ত্রী নরেন্দ্র মোদীনা লুচিংবা এন.দি.এ. সরকারগী মরুওইবা য়ুম্বীশিংগী মনুংদা অমা ওইরি।
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা প্রলিয়ামেন্তকী এক্ত অমগী থোংদা ইন্দিয়ন মেদিকেল কাউন্সিল (এমেন্দমেন্ত) সেকেন্দ ওর্দিনান্স, ২০১৯ মহুৎ শিন্দোক্নবা দি ইন্দিয়ন মেদিকেল কাউন্সিল (এমেন্দমেন্ত) বিল, ২০১৯ অয়াবা পীখ্রে। বিল অসি হন্দক পাংথোক্কদৌরিবা পর্লিয়ামেন্তকী মীফমদা পুথোক্লগনি।
খোংথাং অসিনা লৈবাক অসিদা মেদিকেল এজুকেসনগী গোবর্নান্সতা ত্রান্সপরেন্সী, একাউন্তেবিলিতী অমসুং ক্বালিতী লৈহল্লগনি।
শাফু:
য়ুম্ফম:
হকশেল অমসুং য়াইফ য়ুম্বাল মন্ত্রালয়না এম.সি.আই. এক্ত, ১৯৫৬কী প্রোবিজনশিং অমদি মদুদা শেমলিবা রেগুলেসনশিং থওই ৱাওইদনা এম.সি.আই.না অকনবা খোংথাং লৌখৎপা থেংনরে। মসিগী মখা তারকপদা এম.সি.আই.গী থবক থৌরমশিং য়েংশিন্নবা ওনরেবল সুপ্রিম কোর্তনা য়েংশিন্নবা কমিতী অমা লিংখৎখি, মখোয়না হায়বা তাদবদগী য়েংশিন্নবা কমিতী অদুগী মীহুৎ পুম্নমক্না মখোয়গী রেজিগনেসন পীশিনখি।
দিবেলপমেন্তশিং অসি য়েংলগা অমদি লৈবাক অসিদা মেদিকেল এজুকেসনগী গোবর্নান্সতা ত্রান্সপরেন্সী, একাউন্তেবিলিতী অমসুং ক্বালিতী পুরক্নবা এম.সি.আই.গী মহুৎতা অতোপ্পা মেকানিজম অমা থম্নবা ২৬.০৯.২০১৮দা লাওথোকখিবা ইন্দিয়ন মেদিকেল কাউন্সিল (এমেন্দমেন্ত) ওর্দিনান্স, ২০১৮গী থোংদা এম.সি.আই.বু সস্পেন্দ তৌনবা অমসুং শক্নাইরবা দোক্তরশিং য়াওবা বোর্দ ওফ গোভনর্সতা মসিগী থবক থৌরমশিং শিন্ননবা ৱারেপ লৌরে। বোর্দ ওফ গোভনর্স অসি নিতী আয়োগকী মেম্বর দা. ভি.কে. পোলগী লুচিং মখাদা লিংখৎপনি অমদি মসিদা মেম্বর তরুক য়াওরি
লেজিস্লেতিব প্রোসেস:
তুংদা, হায়রিবা ওর্দিনান্স অসিগী মহুৎ শিন্নবা ইন্দিয়ন মেদিকেল কাউন্সিল (এমেন্দমেন্ত) বিল, ২০১৮ হায়না মিংথোনবা বিল অমা ২০১৮গী দিসেম্বর ১৪দা লোক সভাদা পুথোকখি অমদি হাউসনা ২০১৮গী দিসেম্বর ৩১দা পাস তৌখি। অদুম ওইনমক, য়াম্না কন্না হোৎনদুনসু পর্লিয়ামেন্তকী নিংথম মীফম ২০১৮গী মনুংদা রাজ্য সভানা বিল অসি পাস তৌনবগীদমক খন্নবা ঙমখিদে অমসুং হাউস অসি ২০১৯গী জনুৱারী ৯, য়ুশকৈশা নুমিৎতা মখা তানা য়ৈথোকখি। মদুনা মরম ওইরগা বোর্দ ওফ গোভনর্স হাপ্পা য়ানবা ইন্দিয়ন মেদিকেল কাউন্সিল (এমেন্দমেন্ত) ওর্দিনান্স, ২০১৯ হায়না মিংথোনবা অনৌবা ওর্দিনান্স অমা লাওথোক্নবা ৱারেপ লৌখি। ইন্দিয়ন মেদিকেল কাউন্সিল (এমেন্দমেন্ত) সেকেন্দ ওর্দিনান্স, ২০১৯ অসি ২১.০২.২০১৯দা লাওথোকখি।
মন্ত্রীমন্দলনা হন্দক পাংথোক্কদৌরিবা পর্লিয়ামেন্তকী মীফমদা পর্লিয়ামেন্তকী এক্ত অমগী থোংদা ইন্দিয়ন মেদিকেল কাউন্সিল (এমেন্দমেন্ত) সেকেন্দ ওর্দিনান্সকী মহুৎ শিন্নবা ইন্দিয়ন মেদিকেল কাউন্সিল (এমেন্দমেন্ত) বিল, ২০১৯ কৌবা অনৌবা বিল অমা পুথোক্নবা অয়াবা পীখি।
