ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি বিহারগী মোকামাদা নমমি গঙ্গে প্রোগ্রামকী মখাদা সিৱেজ প্রোজেক্ত মরি; অমসুং নেস্নেল হাইৱে প্রোজেক্ত মরিগী উরেপ উয়ুং তমখ্রে । প্রোজেক্তশিং অসিগী অপুনবা অউতলে অসি লুপা কোতী ৩৭০০কী মথক্তনি ।

য়ামখ্রবা মীয়ামগী মীফম অমদা ৱা ঙাংলদুনা প্রধানমন্ত্রীনা হায়খি মদুদি অফাওবা শৈরেং ইবা রামধারি সিংহ দিনকরগা য়াম্না নক্নবা মফম অমদা লাকপা ফংজবসি মহাক্কী লাইবক ফবনি । মহাক্না মীপুম খুদিংমক্তা থাজবা পিখি মদুদি কেন্দ্র সরকার অমসুং রাজ্য সরকারনা বিহারগী চাওখৎনবগীদমক ওইথোকপা য়াবা পুম্নমক পাংথোক্কনি ।

প্রধানমন্ত্রীনা হায়খি মদুদি প্রজাগী য়াইফনবগীদমক সরকার অসিনা চোকথবা নাইদনা থবক তৌরি । ঙসি উরেপ উয়ুং তমখিবা প্রোজেক্তশিং অসিনা বিহারগী দিবলপমেন্ততা অহোংবা অমা পুরক্লগনি হায়না মহাক্না হায়খি ।

মহাক্না মখা তাখি মদুদি সরকার অসিনা লম্বী শেম্বগী খোংথাং হেঙ্গৎহনবদা মীৎয়েং থম্লি । নমামি গঙ্গেগা মরি লৈনবা প্রোজেক্তশিংনা গঙ্গা তুরেলবু প্রিজার্ব তৌদুনা থম্বদা মতেং ওইরগনি হায়না মহাক্না হায়খি ।

হন্দক্তা হৌদোকখিবা অনত্যোদয়া এক্সপ্রেসকা মরি লৈননা মহাক্না হায়খি মদুদি মসিনা বিহার, ইস্তর্ন ইন্দিয়া অমসুং লৈবাক অসিগী অতোপ্পা শরুকশিংগা শম্নহনবা হেঙ্গৎহল্লগনি । অফবা কনেক্তিবিতীনা গ্রেতর দিবলপমেন্ত পুরক্লগনি হায়বদু কন্না পনখি, প্রধানমন্ত্রীনা হায়খি মদুদি লম্বীশিং, রেলৱেশিং অমসুং ৱাতরৱেশিংদা থবক পায়খৎলি ।

উরেপ উয়ুং তমখিবা নেস্নেল হাইৱে প্রোজেক্ত মরি অদুগী মনুং চল্লিবা অদুদি:

• লেন-৪গী এনঐচ-৩১গী অউন্তা-সিমরিয়া অমসুং লেন-৬কী গঙ্গা সেতুগী কনস্ত্রক্সন

• এনঐচ-৩১গী বখতিয়ারপুর-মোকামা সেক্সনগী ৪ লেনিং

• এনঐচ ১০৭গী মহেশখুন্ত-সাহর্সা-পুর্নিয়াগী ২-লেনগী কনস্ত্রক্সন

• এনঐচ-৮২গী বিহারশরিফ-বার্বিঘা-মোকামা সেক্সনগী ২-লেনগী কনস্ত্রক্সন

সিৱেজ প্রোজেক্ত মরি অসিগী মনুংদা বেউরদা সিৱেজ ত্রিতমেন্ত প্লান্ত, বেউরদা সেৱর নেতৱার্ককা লোয়ননা সিৱেজ সিস্তেম, করমালিচক্তা সিৱেজ ত্রিতমেন্ত প্লান্ত অমসুং সাইদপুরদা এসতিপি অমসুং সেৱর নেতৱার্ক । মসিগী প্রোজেক্তশিং অসি পুল্লপ পুল্লগা এমদিএল ১২০গী অনৌবা এসতিপি কেপাসিতী শেমগৎকনি অমসুং বেউরগীদমক হৌজিক লৈরিবা এমএলদি ২০ অদু অপগ্রেদ তৌগনি ।