ভারতকী প্রধানমন্ত্রী

মোরিসসকী প্রধান মন্ত্রী শ্রী প্রবিন্দ জগনাথনা ২০১৯গী মে ৩০দা নই দিল্লীদা প্রধান মন্ত্রী শ্রী নরেন্দ্র মোদী অমসুং মন্ত্রীমন্দলনা ৱাশক লৌবগী থৌরমদা মগুন হেঙ্গৎহনখ্রে।

প্রধান মন্ত্রী নরেন্দ্র মোদীগা লোয়ননা ২০১৯গী মে ৩১দা পাংথোকপা লৈবাক অনিগী ওইবা মীফমদা প্রধান মন্ত্রী জগনাথনা শ্রী মোদীবু চাউনা মায় পাকপগা লোইননা অমুক হন্না খল্লকপদা নুংঙাইবা ফোংদোকখি। প্রধান মন্ত্রী মোদীনা প্রধান মন্ত্রী জগনাথপু থাগৎপা ফোংদোকখি অমদি হিরম খুদিংমক্তা লৈবাক অনিগী মরক্তা মচিল-মনাও অমদি মরূপ ওইবগী অচেৎপা মরী মখা তানা চেৎশিলহন্নবা মহাক্কী ৱাফম অদু অমুক হন্না ফোংদোকখি। লুচিংবা অনিমক্না লৈবাক অনিগী ওইবা অমদি ভারত মহাসাগরগী লমদমগী ওইবা ঙাক-শেল অমসুং চাউখৎ থৌরমগী অপুনবা মীৎয়েং অদু ফংবা ঙম্নবগীদমক পুন্না থবক তৌমিন্নবদা য়ানবা পুরকখি।