ভারতকী প্রধানমন্ত্রী

ভারতকী প্রধান মন্ত্রী হিস এক্সিলেন্সী শ্রী নরেন্দ্র মোদীগী চেবাউগী মতুং ইন্না হিস এক্সিলেন্সী য়ুনিয়ন ওফ ম্যানমারগী রাস্ত্রপতি, য়ু মিন ওং হ্লাইংনা মহাক্কী অহানবা ওফিসিএল ওইবা খোঙচৎ ঐনা মে ৩০দগী জুন ৩, ২০২৬ ফাওবা ভারত্তা লাকখ্রে।

রাস্ত্রপতিগা লোয়ননা রাস্ত্রপতিগী ওফিসকী কেন্দ্রগী মন্ত্রী, ফোরেন এফিয়র্স, ফাইনান্স অমসুং রেভিন্যু, এগ্রিকলচর, লাইভস্তোক অমসুং ইরিগেসন, অমসুং ইন্দস্ত্রী অমসুং এম.এস.এম.ই. বিজিনেস দিবেলপমেন্তকী কেন্দ্রগী মন্ত্রীশিং অমসুং ম্যানমার সেন্ত্রেল বেঙ্ককী গবর্নরসু য়াওখি। লৌউ-শিংউ, ফার্মাস্যুতিক্স, ইনর্জী, বেঙ্কিং, কন্সত্রক্সন, আই.তি., কম্ম্যুনিকেসন, ত্রেদ অমসুং লোজিস্তিক্স য়াওনা তোঙান তোঙানবা সেক্তরশিংগী বিজিনেস দেলিগেসন অমা, ম্যানমার-ইন্দিয়া ফ্রেন্দশিপ এসোসিএসনগী মেম্বরশিংসু ম্যানমার দেলিগেসনগী শরুক অমা ওইখি।

ভারতকী প্রধান মন্ত্রী অমসুং ম্যানমারগী রাস্ত্রপতিনা জুন ১, ২০২৬দা ৱারী শানখি। মসিগী মনুংদা মখোয়না মান্নবা হীরমশিংদা বাইলেতরেল, রিজনেল অমসুং গ্লোবেল ইসুশিং য়েংশিনখি অমসুং মরীগীদমক মাংলোমদা চংশিনগদবা লম্বীসু খংদোকখি। প্রধান মন্ত্রীনা লেঙবীরক্লিবা শক্নাইরবা মীওইশিংবু ইকায় খুম্নবা উৎপা ওইনা নুমিদাংৱাইরমদা চান-থক্নবা থৌরম অমা পাংথোকখি। ভারতকী ইকায় খুম্নরবা রাস্ত্রপতি শ্রীমতী দ্রুপাদি মুর্মুনা নুমিৎ অসিমক্তদা ম্যানমারগী রাস্ত্রপতিবু তরাম্না ওকখি। মমাংদা, ফোরেন এফিয়র্স মিনিস্তর দা. এস. জয়শঙ্কর অমসুং নেস্নেল সেক্যুরিতী এদভাইজর শ্রী অজিত দোবলনা ম্যানমারগী রাস্ত্রপতিগা তোঙান তোঙানবা মওংদা উনখ্রে।

খোঙচৎ অসিগী হৌরকপদা, রাস্ত্রপতিনা ২০২৬গী মে ৩০দা বোধগয়াদা চৎখি। মফম অদুদা মহাক্না মহাবোধি মন্দির, মহাবোধি মেদিতেসন সেন্তর অমসুং সুজতা মন্দিরদা লাই খুরুমখি। য়াম্না শিংথানিংঙাই ওইবা মফমশিং অসিদা চৎপা অসিনা লৈবাক অনি অসিগী মরক্তা লৈনরিবা অচেৎপা স্পিরিচুএল অমসুং বৌদ্ধগী ওইবা মরীশিং অদুগা লোয়ননা মীয়ামগী মরক্তা লৈনরিবা মরীশিং অদু ময়েক শেংলে।

য়ু.এম.এফ.সি.সি.আই. অমসুং সি.আই.আই.না পুন্না ন্যু দিল্লীদা ২০২৬গী মে ৩১দা শিন্দুনা পাংথোকখিবা ইন্দিয়া-ম্যানমার বিজিনেস কনক্লেবতা রাস্ত্রপতিনা মরুওইবা ৱারোল পীখি। মফম অদুদা নাকল অনিগী বিজিনেস মকোকশিংনা নাকল অনিগী ওইবা ললোন-ইতিক অমসুং কম্মর্সিএল খুদোংচাবশিং মখা তানা মপাঙ্গল কনখৎহন্নবা অমসুং পাকথোক চাউথোকহন্নবা খন্নখি। প্রধান মন্ত্রীনা গ্রেতর নোইদাদা লৈবা এন.তি.পি.সি. ইনর্জী তেক্নোলোজী রিসর্স এল্লাইন্স (নেত্রা) কমপ্লেক্সতা চৎতুনা ক্লিন ইনর্জী ইন্নোবেসন, ইনর্জী ইফিসিএন্সী, রিন্যুএবল ইনর্জী ইন্তিগ্রেসন অমসুং গ্রিদ রেসিলিয়েন্সী য়াওনা এদভান্স আর.এন্দ.দি.গী থবকশিংদা চৎখি।

রাস্ত্রপতিগা ৱারী শানবদা, প্রধান মন্ত্রীনা হায়খি মদুদি ম্যান্মার অসি ভারতকী য়ুম্লোন্নবনা হান্না, এক্ত ইস্ত অমসুং মহাসাগর (ম্যুচুএল অমসুং হোলিস্তিক এদভান্সমেন্ত ফোর সেক্যুরিতী এন্দ গ্রোথ ওভর রিজনস) পোলিসীশিংগী মরীদা লৈ। ত্রেদ অমসুং ইকোনোমিক লিঙ্কশিং, দিফেন্স অমসুং সেক্যুরিতী, ঙমখৈ মেনেজমেন্ত, দিবেলপমেন্ত এসিস্তেন্স অমসুং কলচরেল একচেঞ্জশিং য়াওনা লৈবাক অনিগী ওইবা মতেং পীনবা মপাঙ্গল কনখৎহনবগী মরুওইবা অদু খন্ন-নৈনখি। নাকল অনিমক্না তোঙান তোঙানবা বাইলেতরেল এগ্রীমেন্ত অমসুং মেমোরেন্দম ওফ অন্দর্স্তেন্দিংগী মতাংদা হৌজিক চত্থরিবা খন্ন-নৈনবশিং অদু পনখি অমসুং মখোয়শিং অসি অথুবা মতমদা লোইশিনবা ঙম্নবগীদমক থাজবা থমখি।

হেন্না ফবা কনেক্তিবিতীনা লমদম অসিদা ম্যুচেল বেনেফিতেল ওইবা ইকোনোমিক লিঙ্কশিং অমসুং শেয়র ওইবা চাউখৎপা হেনগৎহনগনি হায়না প্রধান মন্ত্রীনা ফোংদোকখি। হীরম অসিগী মতাংদা, নাকল অনিমক্না কালাদান মল্তি-মোদেল ত্রান্সিৎ ত্রান্সপোর্ত প্রোজেক্ত অমসুং ভারত-ম্যান্মার-থাইলেন্দ ত্রিলেতরেল হাইৱে লোইশিনবগী মায়কৈদা নক্না থবক তৌমিন্নবগী মরুওইবা অদু য়েংশিনখি।

প্রধান মন্ত্রীনা হায়খি মদুদি ২০২৬দগী হৌরগা ম্যানমারগী মহৈরোয়শিংগীদমক মেকোং গঙ্গা আই.সি.সি.আর.গী স্কোলরশিপ অসি ৩৬দগী ১০০দা হেনগৎহনগনি।

নাকল অনিমক্না রুপী-কিয়াৎ সেতলমেন্ত মেকানিজমগী খুত্থাংদা নাকল অনিগী ওইবা ললোন-ইতিক অসি লায়থোকহন্নবা অমসুং হেঙ্গৎহন্নবা য়ানখি অমসুং মে ২০২৪দা মসিগী ওপরেস্নেলাইজেসন হৌখিবদগী ত্রাঞ্জেক্সন ভোল্যুমদা লেপ্পা লৈতনা হেনগৎলকপা অদু থাগৎপা ফোংদোকখি। নাকল অনিমক্না মরী লৈনবা নেস্নেল লো অমসুং রিগুলেসনশিংগী মতুং ইন্না এগ্রো-প্রোসেসিং, পেত্রোলিয়ম, ইনর্জী, মাইনিং সেক্তরশিংগুম্বা ম্যুচেল ইন্তরেস্তকী লমশিংদা হেন্না নকশিন্নবা ত্রেদ অমসুং ইনভেস্তমেন্ত কোওপরেসনগীদমক সপোর্ত তৌখি।

প্রধান মন্ত্রীনা রিপব্লিক ওফ য়ুনিয়ন ম্যানমারগী সোভরেন্টি অমসুং টেরিটোরিয়েল ইন্টিগ্রিটিগীদমক ভারতনা শৌগৎলি হায়না অমুক্কা হন্না ফোংদোকখি। নাকল অনিমক্না মখোয়গী সেক্যুরিতী ইন্তরেস্তশিংদা অয়েৎপা পীনবা থবক থৌরমশিংগীদমক্তা সোভরিন তেরিতোরীগী লান্না শীজিন্নবা থিংনবগী মরুওইবা অদু ফোংদোকখি। রাস্ত্রপতিনা ম্যানমারগী লম অসি ভারতকী সেক্যুরিতী ইন্তরেস্তকী মায়োক্তা শীজিন্নবা য়াহল্লোই হায়না ম্যানমারনা থাজবা পীখি। ম্যানমারগী অচেৎপা অমসুং থাজবা য়াবা পার্তনর অমা ওইনা ভারতনা লৈবাক অনিগী মরক্তা সেক্যুরিতী কোওপরেসন হেন্না চেৎশিলহন্নবা লেপ্পা লৈতনা হোৎনরি হায়না প্রধান মন্ত্রীনা ফোংদোকখি।

প্রধান মন্ত্রীনা শান্তি, অচেৎপা, লৈবাক্কী পুনশিন্নবা অমসুং সোসিও-ইকোনোমিক দিবেলপমেন্ত ফংনবগী মায়কৈদা ম্যানমারনা লুচিংদুনা হোৎনরিবা অসিদা মতেং পাংগনি হায়না ফোংদোকখি। লৈবাক অনিগী মরক্তা অমগা অমগা ইকায় খুম্নবা অমসুং মরুপ-মপাং ওইবগী মরীদা য়ুম্ফম ওইদুনা মখা তানা তেংবাং পীনবা অমসুং মতেং পীনবগী ৱাফমসু মহাক্না থমখি। রাস্ত্রপতিনা ভারতকী কন্সত্রক্তিব সপোর্ত অমসুং কোওপরেসনগী থাগৎপা ফোংদোকখি।

মহারাস্ত্রাগী রাজ্যপাল অমসুং মুখ্য মন্ত্রীগা লোয়ননা রাস্ত্রপতিগী মীফমশিং অমসুং ২০২৬গী জুন ২-৩দা মহাক্না মুম্বাইদা চৎকদৌরিবা খোঙচৎ মনুংদা মহাক্কী ললোন-ইতিক্কী থবক থৌরমশিংনা হৌজিক লৈরিবা নাকল অনিগী ওইবা তেংবাং অমসুং শেনমিৎলোনগী মরীশিং হেন্না চেৎশিলহল্লগনি হায়না প্রধান মন্ত্রীনা থাজবা থমখি।

রাস্ত্রপতি য়ু মিন ওং হ্লাইংগী ওফিসিএল খোঙচৎ অসিনা ম্যান্মার অমসুং ভারতকী মরক্তা মতম শাংনা লৈরক্লবা মরুপ-মপাং ওইবগী মরী অমসুং নক্নবা পার্তনরশিপ অদু অমুক হন্না ফোংদোকখি অমসুং লৈবাক অনিগী মরক্তা অমনা অমগী কান্ননবগীদমক মতেং পীনবা মখা তানা চেৎশিলহন্নবা লৈবাক অনিগী অপুনবা ৱাশক অদু অমুক হন্না পনখি। নাকল অনিমক্না থাক খুদিংমক্তা অচেৎপা মরী মখা চত্থনবা য়ানখি।

রাস্ত্রপতি য়ু মিন ওং হ্লাইংনা প্রধান মন্ত্রী শ্রী নরেন্দ্র মোদী অমসুং মহাক্কী মীহুৎ কাংবুনা ভারত্তা লৈরিঙৈ মনুংদা পীখিবা নুংশিনা তরাম্না ওকপীবা অসিগীদমক মহাক্কী মফমদগী থাগৎপা ফোংদোকখি। লৈবাক অনিমক্না পাম্নবা মতম অমদা ভারতকী প্রধান মন্ত্রীবু ম্যান্মার লাক্নবা রাস্ত্রপতিনা কৌখি।

 ***