ভারতকী প্রধানমন্ত্রী

ঙসি ভিদিও কনফরেন্সিংগী খুৎথাংদা য়ুনিয়ন বজেত ২০২৬ গী মতাংদা প্রধান মন্ত্রী শ্রী নরেন্দ্র মোদীগী মহাক্কী ৱারোল থমখ্রে। প্রধান মন্ত্রীনা হায়খি মদুদি ঙসিগী বজেত অসি পুৱারি ওইরে অমসুং লৈবাক অসিগী নুপীশিংগী থৌনাগী মমি তারে। য়ুনিয়ন ফাইনান্স মিনিষ্টর শ্রীমতি নিরমালা সিতারমন, নুপী ফাইনান্স মিনিষ্টর অমা ওইনা, থংন-থংননা ৯ লক লৈবাক অসিগী বজেত পুথোক্তুনা অনৌবা রেকোর্দ অমা থম্লে। হন্দক্কী বজেত অসি খুদোংচাবশিংগী হায়ৱে অমনি, হৌজিক্কী মঙলানশিং মঙফাওনহন্নবা বজেত অমনি অমসুং ভারতকী তুংগী য়ুম্ফম মপাঙ্গল কনখৎহল্লে। হন্দক্কী বজেত অসি ২০৪৭ ফাওবদা বিকসিত ভারত অমগী মাইকৈদা চঙশিল্লিবা ঐখোয়গী খোঙচৎকী য়ুম্ফমনি।

প্রধান মন্ত্রীনা হায়খি চহি অসিগী বজেতনা ভারতকী রিফোর্ম এক্সপ্রেসতা অনৌবা থৌনা অমসুং খোঙজেল পীগনি। অনৌবা অওনবশিং পুরক্তুনা অহাংবা অতিয়া অমদা ৱাংনা পাইনবা হৈশিংলবা ভারতকী নহারোলশিংদা থাজবা, থৌনা পীরে। থাজবদা য়ুম্ফম ওইবা লৈঙাক অমসুং মীওইবগী খনবা শেন-থুমগী ঙাক্লৌ অমগী পান্দম বজেত অসিনা থবক ওইনা পাংথোক্লে। মসি ফিসিকেল দিফিসিত হন্থহন্নবা অমসুং পোৎ-চৈগী মমল হেনগৎপা লাকশিন্নবা মীৎয়েং চঙবা অঙকপা বজেত অমনি, লোয়ননা অৱাংবা কেপিতেল এক্সপেন্দিচর অমসুং চাউখৎপা পুরক্লে।

প্রধান মন্ত্রীনা হায়খি বজেত অসিনা মালেমদা ভারতকী থৌদাং অমুক হন্না লৈরে। ভারতকী অপুনবা মীশিং করোর ১৪০ না য়াংনা চাউখৎলক্লিবা ইকোনোমি ওইবদা পেন্থোক্তে; মালেমগী অহুমশুবা খ্বাইদগী চাউবা ইকোনোমি ওইবা ভারতনা পাম্মী। মসি ভারতমচা করোর কয়াগী অপুনবা ৱাশক্নি। থাজবা য়াবা গনতন্ত্রগী মরুপ অমা ওইনা অমসুং থাজবা য়াবা মগুন লৈবা পোৎথোকশিং পীবা লৈবাক অমা ওইনা ভারতকী থৌদাং হেনগৎলক্লি। হন্দক ভারতনা য়ানবা পুরকখিবা ললোন-ইতিক্কী থবকশিংনা লৈবাক অসিগী নহারোলশিং অমসুং অপীকপা ললোন-ইতিক্কী থবকশিংদা খ্বাইদগী চাউনা কান্নবা পীনবা পান্দম থম্লি অমসুং মাইকৈ অসিদা চঙশিন্নবা বজেত অসিদা মরুওইবা থবকশিং পায়খৎলে।

প্রধান মন্ত্রীনা হায়খি মেক ইন ইন্দিয়া অমসুং অত্মনির্ভর ভারতকী থবকশিংদা অনৌবা ইনোৎ পীনবা চহি অসিগী বজেত্ত অশা লৈবা লম্বী অমা উৎলে। বাইওফার্মা শক্তি মিসন, সেমিকন্দক্তর মিসন ২.০, ইলেক্ত্রোনিক কম্পোনেন্ত মেনুফেকচরিং স্কিমগুম্বা অনৌবা হিরমশিংদা মমাঙদা অমুক্ত ওইদ্রিবা মওংদা মতেং পাংলে, রিয়ার আর্থ কোরিদোর অমা শেম্লে, ক্রিতিকেল মিনরেলশিংগী সেক্তর ফগৎহল্লে, তেক্সতাইল সেক্তরগী অনৌবা স্কিমশিং লৈরে, অৱাংবা তেক্নোলোজিগী তুল শাবা পুক্নিং থৌগৎলে অমসুং তুংগীদমক এম.এস.এম.ইশিং ফগৎহল্লে অমসুং লৈবাক অসিগী হৌজিক অমসুং তুংগী দরকার ওইবা অনিমক ফংহল্লে। অপীকপা অমসুং য়ুমগী উদ্যোগশিং য়াওনা এম.এস.এম.ইশিং মতেং পাংবা অসিনা মখোয় লমদম অসিদগী মালেমগী মফম কয়া য়ৌনবা শক্তি পীরগনি।

প্রধান মন্ত্রীনা মখা তানা হায়খি মদুদি দেদিকেতেৎ ফ্রেদ কোরিদোর অমা, লৈবাক শীনবা থুংনা ঈশিং লম্বীশিং ফগৎহনবা, অয়াংবা রেল কোরিদোর অমা, তয়ার-২ অমসুং তয়ার-৩ সহরশিং চাউখৎনবা অখন্নবা মীৎয়েং অমা অমসুং সহরশিংগী শেন-থুমগী অচেৎপা য়ুম্ফমশিং থোন্নবা ম্যুনিসিপাল বোন্দশিং য়োকখৎপা য়াওনা ইনফ্রাষ্ট্রকচর ফগৎনবা মরুওইবা থবক কয়া বজেত অসিনা পায়খৎলে। হায়রিবা থবকশিং অসিনা বিকসিত ভারত অমগী মাইকৈদা চঙশিল্লিবা খোঙজং য়াংখৎহনগনি।

প্রধান মন্ত্রীনা হায়খি মদুদি লৈবাক অমগী খ্বাইদগী মমল য়াম্বদি লৈবাক অদুগী মীয়ামনি অমসুং মখোয়গী তৌবা ঙম্বশিং হেনগৎহন্নবা হন্দক সরকারনা শেনফম কয়া থাদরে। স্কিল, স্কেল অমসুং ষ্টেনেবিলিতি হেনগৎহন্নবা মখা তানা থবক কয়া পায়খৎলি। চহি অসিগী বজেত অসি যুব শক্তিগীনি, বজেত্ত পীরিবা খুদোংচাবশিং অসিনা লুচিংবশিং, ইন্নোবেতরশিং অমসুং হিরম শীনবা থুংনা ক্রিয়েতরশিং য়োকখৎকনি। মেদিকেল হবশিং লিংখৎতুনা, এল্লাইদ হেল্থ প্রোফেসনেলশিং থবক পীদুনা, ওদিও-ভিজুয়েলশিং য়াওনা ওরেঞ্জ ইকোনোমি য়োকখৎতুনা, গেমিং, তুরিজম অমসুং খেলো ইন্দিয়া মিসন য়োকখৎতুনা, নহারোলশিংদা অনৌবা খুদোংচাবশিং পীগনি। ভারত মালেমগী দেতা সেন্তর অমা ওইহন্নবা অচৌবা তেক্সকী খুদোংচাবা অমা পীনবা লাউথোক্লে। হন্দক্কী বজেত অসিনা থবক ফংবা হেনগৎহনগনি। অৱাং-নোংপোক য়াওনা তুরিজম চাউখৎনবা অকনবা থবকশিং পায়খৎলে অমসুং তোঙান তোঙানবা রাজ্যশিংগী ফিবম ফগৎহন্দুনা থোং মান্ননা চাউখৎনবা য়ুম্ফম মপাঙ্গল কনখৎহল্লে।

প্রধান মন্ত্রীনা হায়খি মদুদি নুপী করোর ১০ হেন্না সেল্ফ-হেল্প গ্রুপশিংদা থবক তৌরি। নুপীশিংনা লিংখৎপা অমসুং থবক তৌবা সেল্ফ-হেল্প গ্রুপশিংগী অনৌবা থবক অমা চহি অসিগী বজেত্ত মরুওইনা লৌরে, মসিগী পান্দমদি য়ুমথোং খুদিং নুংঙাইহনবনি। জিলা খুদিংমক্ত নুপীমচা মহৈরোয়শিংগী অনৌবা হোষ্টেলশিং শানবা খোঙজং অসিনা লাইরিক-লাইশু তম্বা হেন্না ফংহল্লগনি।

প্রধান মন্ত্রীনা হায়খি মদুদি সরকারনা লৌউ-শিংউ, শঙ্গোম পুথোকপা অমসুং ঙা য়োকপদা মরুওইনা লৌরে। য়ুবী, কাজু, কোকোৱা অমসুং সেন্দলৱুদ পুথোকপা লৌমীশিংগীদমক বজেত অসিদা মরুওইবা থবকশিং পায়খৎলে। মখোয় মশাগী লোলশিংদা ই-পাউ ফংহন্দুনা ভারত ভিষ্টার এ.আই তুলনা লৌমীশিংদা চাউনা মতেং পাংগনি। ঙা য়োকপা অমসুং শা-ষন লোইবদা ওন্ত্রেপ্রেন্যুরশিপ য়োকখৎপনা খুঙ্গংশিংদা অহেনবা থবক অমসুং মশানা মশাবু থবক পীজনবা খুদোংচাবশিং পীগনি। বজেত অসি অশা য়াম্না লৈ অমসুং লৈবাক অসিগী অনিংবশিং থুংহল্লে। তুংগী উবা, মীয়ামগী খনবা অমসুং খুঙ্গংশিং, লায়রবা অমসুং লৌমীশিং য়াইফনবা কৎথোক্লবা বজেত অমা পুথোকপগীদমক মহাক্না অমুক হন্না ফাইনান্স মিনিষ্টর শ্রীমতি নিরমালা সিতারমন অমসুং মহাক্কী কাংবু থাগৎপা ফোঙদোকখি।

The Union Budget reflects the aspirations of 140 crore Indians. It strengthens the reform journey and charts a clear roadmap for Viksit Bharat.#ViksitBharatBudget https://t.co/26hIdizan9

— Narendra Modi (@narendramodi) February 1, 2026

This budget is the foundation for our journey towards a Viksit Bharat by 2047.#ViksitBharatBudget pic.twitter.com/PDhxvBzYfq

— PMO India (@PMOIndia) February 1, 2026

This year’s budget will give India’s Reform Express new energy and new momentum.#ViksitBharatBudget pic.twitter.com/IxZUtIPYDN

— PMO India (@PMOIndia) February 1, 2026

India is not content with simply being the fastest-growing economy.

India wants to become the world’s third-largest economy. #ViksitBharatBudget pic.twitter.com/YKb3OzgW00

— PMO India (@PMOIndia) February 1, 2026

This year’s budget presents an ambitious roadmap to give new momentum to the Make in India and Aatmanirbhar Bharat initiatives. #ViksitBharatBudget pic.twitter.com/hvkZNarV9C

— PMO India (@PMOIndia) February 1, 2026

The support that MSMEs have received in this year’s budget will give them new strength to grow from local to global.#ViksitBharatBudget pic.twitter.com/gMlVuCoZJF

— PMO India (@PMOIndia) February 1, 2026

This year’s budget is for Yuva Shakti!

The provisions made in the budget will nurture leaders, innovators and creators across various sectors.#ViksitBharatBudget pic.twitter.com/UY8DtTfH8Y

— PMO India (@PMOIndia) February 1, 2026

This year’s budget prioritises a modern ecosystem of Self-Help Groups created and run by women.

The aim is to ensure that prosperity reaches every household.#ViksitBharatBudget pic.twitter.com/WefeU9eDTJ

— PMO India (@PMOIndia) February 1, 2026

This budget is ambitious and addresses the country’s aspirations.#ViksitBharatBudget pic.twitter.com/dsMZwLVrGD

— PMO India (@PMOIndia) February 1, 2026

***