ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীদা ঙসি য়ুরোপীয়ন কম্মিসনগী প্রসিদেন্ত ঐচ.ই. উসরুলা ভোন দের লেয়েন্না কোল তৌরক্তুনা ৱারী শান্নখ্রে।
য়ুরোপিয়ন কম্মিসনগী প্রসিদেন্ত উসরুলা ভোন দের লেয়েন্না প্রধান মন্ত্রী মোদীগী 75 শুবা মপোক নুমীৎকী য়াইফ পাওজেল পীরকখ্রে। মপোক নুমীৎকী য়াইফ পাওজেল অদুগীদমক্তা প্রধান মন্ত্রীনা তৌবিমল খংবা উৎখি।
প্রধান মন্ত্রীনা ঙসি ই.য়ু. না অনৌবা স্ত্রেতিজিক ই.য়ুয় এজেন্দা য়োকখৎখিবদা থাগৎপা ফোংদোকখ্রে। মালেম অসিগী খ্বাইদগী চাওবা দেমোক্রেতিক ফোর্সশিং ওইবনা লুচিংবশিং অসিনা অমগা অমগা খুজ্ঞাও-লৈচাওমিন্নবা হেনগৎহন্নবগীদমক্তা ইন্দিয়া-ই.য়ু পার্ত্নরশিপ অসি হেন্না ফগৎহন্নবগা লোয়ননা মালেমগী ওইবা ইসুশিং অসি খুৎশম্নদুনা লোইশিনমিন্নদুনা তংদু-লৈতানা লৈমিন্নবা হেনগৎহন্নবা অমসুং রুল-বেজ ওর্দরবু ফগৎহন্নবা হোৎনরিবশিং অসিবু তরম্না ওকখি।
লুচিংবশিং অসিনা ই.য়ু. এফ.তি.এ. গী নেগোসিএসনশিং অসি চহী অসিনা লোইদ্রিঙৈগী মমাংদা লোইশিন্নবা অমুক হন্না চেৎশিন্নবা ৱাফম থম্নখি।
লুচিংবশিং অসিনা লম-লমগী অমদি মালেমগী ওইবা ইসুশিংগী মতাংদসু মাগী-মাগী ওইবা মীৎয়েং থম্নখি।
ইন্দিয়ানা য়ুক্রেন্দা থোক্লিবা ইরাং অসি থুনা অমদি শান্তি ওইনা ৱারোইশিন পুরক্নবা অচেৎপা ৱাফম থম্নখি।
পি.এম. মোদীনা মথংগী ইন্দিয়া-ই.য়ু. সম্মিৎ অসি মথংগী চহীদা ইন্দিয়াদা পাংথোক্নবগীদমক্তা অমুক্কা হন্না ইনভাইত তৌখি।
*****
Always a pleasure to speak to President Ursula von der Leyen. Thank you for your warm birthday greetings. Delighted to know about the 'New Strategic EU-India Agenda' adopted today. India is ready to take the India-EU relationship to the next level. It is our shared commitment,…
— Narendra Modi (@narendramodi) September 17, 2025
