ভারতকী প্রধানমন্ত্রী

ঙসি য়ু.এস সেক্রেতরি ওফ ষ্টেৎ মার্কো রুবিওনা প্রধান মন্ত্রী শ্রী নরেন্দ্র মোদী উনখ্রে।

দিফেন্স, মরুওইবা তেক্নোলোজিশিং, ললোন-ইতিক অমসুং শেন থাদবা, ইনর্জি সেকুরিতি, চৎথোক-চৎশিন, লাইরিক-লাইশু অমসুং মীগা-মীগা লৈনবা মরীশিং য়াওনা হিরম কয়াদা লৈবাক অনি মতেং পাংনবা লেপ্তনা চাউখৎলক্লিবা অসিগী মতাংদা সেক্রেতরি রুবিওনা প্রধান মন্ত্রীনা পাউদমখ্রে।

নোংচুপ এসিয়াগী ফিবম য়াওনা তোঙান তোঙানবা লমদমশিং অমসুং মালেমগী ওইবা ৱাফমশিংদা য়ু.এসকী মীৎয়েং সেক্রেতরি রুবিওনা পাউদমখ্রে।

শান্তিগী থবকশিংদা ভারতনা লেপ্তনা শৌগৎপা প্রধান মন্ত্রীনা অমুক হন্না ফোঙদোকখ্রে অমসুং মুক্নবশিং ৱারি শানবা অমসুং কুতনিতিগী খুৎথাংদা ৱারোইশিন পুরক্নবা অমুক হন্না তকশিনখ্রে।

রাষ্ট্রপতি ত্রম্পতা মহাক্কী য়াইফ পাউজেল য়ৌহন্নবা প্রধান মন্ত্রীনা সেক্রেতরি রুবিওদা হায়জখ্রে অমসুং মখোয় মখা তানা ৱারি শান্নবা মহাক্কী থাজবা থম্লি হায়না মহাক্না ফোঙদোকখি।

***