ভারতকী প্রধানমন্ত্রী
এক্সেলেন্সী,
অদোমগা অমুক হন্না উননবা অমদি ৱাফম কয়া খন্ন-নৈননবা তাঞ্জা ঐনা ফংলে। অদোম্না মমাঙ চহিগী দিসেম্বরদা লাক্লমবা মতমদা, ঐখোয়না হীরম কয়াদা খন্নখি অমদি মদুগী মতুংদা অদোম্না হায়খিবগুম, ঐখোয়না তেলিফোন্দা অমুক্কা হন্না খন্নখি অমদি ভারত অমসুং রসিয়াগী মরক্তা লৈনরিবা নাকল অনিগী ওইবা মরী অমদি মাালেমগী ওইবা ৱাফমশিংগী মরমদসু কুপ্না খন্নখি। হীরমশিং অদুদা লৈরিবা প্রোব্লেমশিংগী মরমদা ঐখোয়না মচা খায়না খন্নখি। ঙসি ঐখোয় অমুক হন্না উনরে অমদি ঙসি মালেম অসিনা, মরুওইনা চাওখৎলক্লিবা লৈবাকশিংনা থেংনরিবা খ্বাইদগী চাউবা খুদোংচাদবা ফীভমশিংদি ফুদ সিক্যুরিতী, ফুএল সিক্যুরিতী, ফর্তিলাইজর্সকী প্রোব্লেমশিংনা ওইরি; অমদি ঐখোয়না মসিগী পাম্বৈ খরা থিবা তাই অদুগা অদোমসু মসিদা থৌদাং লৌফম থোকই। ঙসি ঐখোয়না হায়রিবা ৱাফমশিং অসি খন্ননবা তাঞ্জা অমা ফংলগনি।
এক্সেলেন্সী,
ঐনা অদোম অমদি য়ুক্রেন অনিমকপু থাগৎচনিংই মরমদি, হৌজিক লৈরিবা মুক্নবা অসিগী হৌরকপা মতমদা ঐখোয়গী মহৈরোয় লিশিং কয়া য়ুক্রেন্দা পন্দুনা লৈখিবা মতমদা অদোমগী অমদি য়ুক্রেনগী মতেংগা লোয়ননা ঐখোয়গী মহৈরোয়শিং অশোয় অঙাম য়াওদনা পুথোরকপা ঙমখি, মখোয়বু ময়ুমদা হলহনখি অমদি মসিগীদমক্তা লৈবাক অনিমক্কী লমন তোনশিঞ্জরে।
এক্সেলেন্সী,
ঙসিগী মতম অসি লানগী মতম নত্তে হায়বা ঐ খঙই অমদি দিমোক্রেসী, দিপ্লোমেসী অমসুং দাইলোগনা মালেমগী পুক্নিং চিংশিনবা ঙমগনি হায়না ঐখোয়না কয়ারক হন্না ফোন্দা ৱারী শানখি। তুংদা লাক্কদৌরিবা মতমদা কমদৌনা ঐখোয়না ইং-তপ্পগী লম্বীদা চঙশিনবা য়াগদগে হায়বা ৱাফমসি খন্ননবা তাঞ্জা অমা ঙসি ঐখোয়না ফংলগনি। অদোমগী ৱাখল্লোন খঙহৌনবগী তাঞ্জা অমসু ঐনা ফংলগনি।
এক্সেলেন্সী,
ভারত অমসুং রসিয়াগী মরী য়াম্না লুনা মরা তাখ্রবা মরীনি। হায়রিবা মরী অসিবু ঐখোয়না মমল লৈনা লৈরি মরমদি ঐখোয় হৌখিবা চহি কয়াদগী হৌনা অচেৎপা মরূপ ওইদুনা লাকখি অমদি ভারতকা লৈনরিবা রসিয়াগী মরী অমসুং রসিয়াগা লৈনরিবা ভারতকী মরী মালেম পুম্বনা খঙই অমদি মরি অসি তৎনবা য়ারোই হায়বা মালেম পুম্বনা খঙই। ঐগী লনাই ৱাখল্লোন্দা ঐখোয় অনিমক্কী খোঙচৎ চপ মান্নবা মতমদা হৌরকখিবনি। ঐনা অদোমবু অহানবা ওইনা ২০০১দা, অদোম্না লৈঙাক্কী মকোক ওইনা অদুগা ঐনা স্তেত লৈঙাক্কী মকোক ওইনা থবক তৌবা হৌরকপা মতমদা থেংনখিবনি। ঙসিদি চহি ২২ মপুং ফাখ্রে, ঐখোয়গী মরূপ মপাং ওইবগী মরীসু লেপ্পা লৈতনা চাউখৎলক্লি, লমদম অসোমগী ফীভম ফগৎলক্নবগীদমক, মীয়ামগী য়াইফনবগীদমক ঐখোয়না লেপ্পা লৈতনা পুন্না থবক পায়খৎমিন্নরি। ঙসি, এস.সি.ও. সম্মিত অসিদা, অদোম্না ভারতকীদমক লৈরিবা ৱাখল্লোন কয়া ফোঙদোকপিরম্বগীদমক ঐনা তৌবিমল খঙবা উৎচরি।
এক্সেলেন্সী,
ঙসি পাঙথোক্লিবা নাকল অনিগী ওইবা মরী, ঙসি ঐখোয়না ৱারী শানরিবা অসিনা লাক্কদৌরিবা মতমশিংদা ঐখোয়গী মরীবু হেন্না চেৎশিলহনগনি, অমদি মালেমগী মঙলানশিং অমসুং থাজবশিং ফংহনবদসু মতেং ওইগনি হায়না ঐনা চেৎনা থাজৈ। ঙসি অদোম্না মতম খরা কাইথোকপিবগীদমক্তসু অদোমবু অমুক্কা হন্না থাগৎচরি।
দিসক্লেমর – মথক্কী অসি প্রধান মন্ত্রীগী ৱারোলগী চাউরাকপা ৱাহন্থোক পীবনি। অশেংবা ৱারোলদি হিন্দীদা পীখিবনি।
***
Had a wonderful meeting with President Putin. We got the opportunity to discuss furthering India-Russia cooperation in sectors such as trade, energy, defence and more. We also discussed other bilateral and global issues. pic.twitter.com/iHW5jkKOW0
— Narendra Modi (@narendramodi) September 16, 2022
PM @narendramodi held talks with President Putin in Samarkand. The two leaders had productive discussions on a wide range of subjects aimed at further strengthening India-Russia ties. @KremlinRussia_E pic.twitter.com/bRjJMWnr1U
— PMO India (@PMOIndia) September 16, 2022
Провел замечательную встречу с Президентом Путиным. У нас была возможность обсудить дальнейшее сотрудничество России и Индии в торговле, энергетике, обороне и других сферах. Также мы обсудили отношения между нашими странами и глобальные вопросы. pic.twitter.com/iz63vADW4a
— Narendra Modi (@narendramodi) September 16, 2022
