ভারতকী প্রধানমন্ত্রী

মশিং য়াম্না লাকপিরিবা সুরেন্দ্র নগর জিলাগী ঐহাক্কী নুংশিজরবা ইচিল ইনাও ইচল ইচেশিং । অদোম্না লাইরবদগী লাইরবা মীওইশিংদা হংবিয়ু, ময়ুম লৈজদবশিং অদুদা য়ুম পাম্বরা হংবিয়ু, মহাক্না পাম্মী হাইরক্কনি । অমসুং মখোয়দা য়ুম পিবা তারবা, লাইরবশিংদা লৈননবগীদমক খুদোংচাবা ফংহনবা তারগদি দিবলপমেন্ত নত্তনা মসি ওইথোক্লোই । দিবলপমেন্ততি হান্নশু লৈরে অদুবু মতম অদুদদি করিগুম্বা খুঙ্গং অমদা করিগুম্বা লৈকাই অমদা হেন্দপম্প খিল্লগদি নেতানা মীখল অহুম ফাওবা য়েংবিয়ু ঐহাক্না নখোয়গী মফম অসিদা হেন্দপম্প খিল্লে হায়না হায়দুনা লৈগনি । ঐবু মীখলদা মায় পাকহনবিয়ু ঐহাক্না নখোয়গী দিবলপমেন্তকী থবক তৌরি । হায়বদি হেন্দপম্প খিনবনা, ইশিংগীদমক হেন্দপম্প খিনবনা দিবলপমেন্তকী ৱাহনথোক ওইরম্মী ।

ঙসিদি অদুগুম্বা সরকার অমা লৈরে । মদুনা অশুক চাওবা পাইপ লাইন খিন্দুনা ইমা নর্মদাগী ইশিং খুঙ্গং খুঙ্গংদা, য়ুম য়ুমদা য়ৌহল্লে । অমদি গুজরাত পুম্বদা নর্মদা য়োজনানা মরম ওইদুনা খ্বাইদগী য়াম্না কান্নবা ফংগদৌরিবা অসি কনানো । জিলা অদুগী মমিংদি । জিলা অদুগী মমিং করি কৌবগে? জিলা অদুগী মমিংদি সুরেন্দ্র নগর কৌই । নর্মদাগী ইশিং অসিনা খংলবা লৈপাক অসিবু অশং অমান্না থলহন্নবগীদমক ইমা নর্মদানা অদোমগী য়ুম ফাওবা লাক্লি । অমদি খুঙ্গং অমসুং লৌমীগী পুন্সি খক্তদা নর্মদাগী ইফেক্ত ওইগনি হায়বা লৈতে । ইশিং অসিদা মদুগী পাঙ্গল অদু য়াওরি মদুদি সুরেন্দ্র নগর জিলা অসি নর্মদাগী ইশিংনা মরম ওইদুনা লাক্কদৌরিবা মতম খরা অসিদা ইন্দস্ত্রীয়েল দিবলপমেন্তকীশু য়াম্না অচৌবা মফম অমা ওইরক্লগনি । খ্বাইদগী য়াম্না থবক ফংবগী ওইথোকপা অদু সুরেন্দ্র নগর জিলাদা ওইরগনি । মহৈ মশিংগী খ্বাইদগী চাওবা মফম ওইরক্লগনি । মরমদি ইশিং লৈরগদি থবক থৌরমশিং চাওখৎহন্নবা সরকারদা পাঙ্গল অদু লাকই । এয়ারপোর্ত অসি শেম্বগী মরমসু মদুনি । মদুদি সুরেন্দ্র নগর জিলা অমসুং রাজকোত জিলা অসি লাক্কদৌরিবা মতম খরা অসিদা পাকথোক চাওথোকলগনি । মীওই খরদি নুঙাইতবা ফাওরমগনি । অদুবু মখোয়দা হায়বিয়ু বসতা চৎপা য়াদ্রো এরোপ্লেনদা করিগী চৎলিবনো । নখোয়না থিনা য়ৌবা পামলিবা অদুম্না মীয়ামশু চৎচসনু ।

মীচম প্রজা অমসুং নিংথৌ ফমনাইবশিংগী মতম অদু হৌজিক ওইদারবনি । মরম অদুনা লৈবাক্কী এভিয়েসন সেক্তর চাওখৎহনবা পাম্লি হায়না ঐহাক্না হায়খিবা অদুনি । হৱাই চপল তোংবা মীওই ফাওবা হৱাই জহাজতা তোংদুনা চৎলগনি মতম অদুদা ময়াম অঙকপা ফাওগনি । ঙসি মালেম পুম্বদা এভিয়েসন সেক্তরদা মরুওইবা মীৎয়েং থম্লি । অদুবু ভারত্তা নিং তমবা ফংলবা মতুং কৈদৌনুংদা এভিয়েসনগী পোলিসী শেমদ্রি । করিগুম্বদা অদোম্না খনখিবা লৈব্রা । হিন্দুস্থান সরকার হিন্দুস্থানগী মনাক্তা এভিয়েসনগী পোলিসী লৈরমদে । ঐখোয়না লাক্লবা মতুং এভিয়েলনগী পোলিসী হৌদোক্লে অমসুং চাওরা চাওরবা অহমেদাবাদ, মুম্বাই, চেনাই মফমশিং অসিদা অপুন্বা নত্তবা অপিক অপিকপা মফমশিংদা নোংথক্কা খোংচৎ ফংহন্নবা হোৎনরি । মফম অসিদা অরাপ অরাপ্পা মফমশিংদা কনেক্তিবিতী লৈত্রী । পুং অমদগী হেন্না চংবা মফম অদুদা, পুং অমা চংবা খোংচৎ ওইগেরা লিশিং অনি চামঙাগী তিকেত ফিক্স তৌদুনা এভিয়েসনবু পুক্নিং থৌগৎলে অমদি হৌজিক ফাওবদা রুত নিপালদা থবক হৌরে । গুজরাত্তশু কন্দলাদা কান্নবা ফংলে । মীথাপুরদশু কান্নবা ফংলে । মতম অমা লাকখিনি মদুদি রাজ্য অমমমদা এয়ারপোর্ত তরা তরা, তরামঙা তরামঙা, কুন কুন মথৌ তৌরগনি । হৌজিক ফাওবা ঐহাক্না ফংবা অনৌবা পাওদা লৈবাক অসিদা এরোপ্লেন তোংদুনা চৎপা মীগী মশিং অসি চাদা ১৪ হেঙ্গৎলে মসি তাবদা অদোম্না নুঙাইবা ফাওরমগনি । মরম অদুনা রাজকোতকী মনুংদা মসিগী গ্রিনফীল্দ প্রোজেক্তা অসি পাইখৎলিবনি ।

ঐহাক্না গুজরাতপু লমদম অসিগী নাগরিকশিংবু নুঙাইবা ফোংদোক্লি । অমসুং ঐহাক্না নুঙাইবা ফাওরি মদুদি অশুক চাওবা এয়ারপোর্তকী প্রোজেক্ত অসিগীদমক শুপ্নগী চাদা মরিগী ওইবা মফম লৌমীশিংদগী লৌশিল্লি । চাদা মরি, চাদা ৯৬তি ইন্সাং নাপি থাবা য়াদবা মফম, লমহাংনি । মফম অদুদা এয়ারপোর্ত শেমগৎনবা ৱারেপ লৌরে । সুরেন্দ্র নগরগী লৈপাক লৈহাও অসি লৌউ শিংউবগী মরু ওই মদুনা মরম ওইরগা লমহাং তুমহাং অসি খনখিবনি । অমসুং মফম অদুবু ঐখোয়না এয়ারপোর্তকীদমক পুখৎলে । হৌজিক বিজয় ভাইনা হায়বিখ্রে রাজকোতকী এয়ারপোর্তকী পন্থুংফম কয়া অমা লৈরে । বস স্তেসনদগীশু মসিগী পন্থুংফমনা মশিং হেল্লি । মরম অদুনা রাজকোত অমসুং মফম অয়াম্বা চাওখৎলক্লে । মফম অসিদা তুংদা করি ওইরক্কদগে খনবদা মতম কুইনা চংলরোই । মফম অসিদগী ইন্তরনেস্নেল সর্বিসশিংশু হৌরগনি । মালেমগী মফম অমদা হেক্তা চৎপা মতমদা রাজকোত চৌতিলা মরক্কী মসিগী এয়ারপোর্ত অসি কান্নরগনি । ঙসি পাংথোক্লিবা থবক অসি য়াম্না মরু ওইবা থবক অমনি ।