ভারতকী প্রধানমন্ত্রী

হিজ এক্সিলেন্সী রাস্ত্রপতিজী, শরুক য়াবিরিবা শক্নাইরবা পুম্নমক অমদি ঙসি ইকাই খুম্নবা ফংলবা, খুন্নাইগীদমক কত্থোক্লবা শক্নাইরবা পুম্নমক। ঐহাক্না অহানবা মক্তদা ময়ামদা ঙাকপীনবা হায়জরি, মরমদি থৌরম অসি মতম খরা থেংনা হৌখ্রে, মরমদি ঐহাক অতোপ্পা থবক অমদা অচিনবা খরা লৈখিবনা মরম ওইদুনা ঐহাক লাকপদা খরা থেংদোকখ্রে, মরম অদুনা ঐহাক্না ময়ামদা ঙাকপীনবা হায়জরি। ঙসি গান্ধী পীস প্রাইজ লান্থোক্তুনা ইকাই খুম্নবা উৎখ্রবা মীওইশিং অমদি সংস্থানশিং, চহী অসি অমরোমদা য়াম্না মরু ওইরি মরমদি বাপুগী ১৫০শুবা মপোক কুমওন লৈবাক অসিদা অমসুং মালেম অসিদা পাংথোক্লি অমদি বাপুনা পুন্সি চুপ্পা হিংবদা লোয়নখিবা ৱাফমশিং অদু মখোয়না মখোয়গী পুন্সিদা পাংথোক্লি। অসিগুম্লবা থবকশিং অসি পাংথোকপদা কত্থোক্লবা সংস্থানশিং, কত্থোক্লবা মীওইশিং, মখোয়শিং অদু ইকাই খুম্নবা অসিগীদমক থনগৎলি। কন্যাকুমারীগী বিবেকানন্দ কেন্দ্র ওইগেরা, একল বিদ্যালয় ওইগেরা, মখোয়না খুন্নাইগী অরোইবা কাচিন্দা লৈরিবা মীওইশিংবু মহৈ-মশিং অমসুং থৌগাইগীদমক লেপ্পা লৈতনা হোৎনরি। খুন্নাইগীদমক কত্থোকপগী ৱাখল্লোনগা লোয়ননা থবক তৌরিবা য়াম্না চাউবা চেন অমা মখোয়না শেমগৎলি। ঙসি ইকাই খুম্নবা অসিগী তঞ্জা অসিদা ঐহাক্না মখোয়বু হন্না-হন্না তৌবীমল খংবা উৎচরি।

স্বরাজ অমসুং লু-নানবা অনি অসিগী মনুংদা করম্বনা হান্না পাম্বগে হায়না গান্ধীজীদা হংলুবা মতমদা, ঐহাক্তি লু-নানবনা হান্না পামগনি হায়না মহাক্না হায়বীখি অদুনা বাপুগী মংলান অদু মপুং ফাহনবা অসি ঐখোয় পুম্নমক্কী তৌফম থোকপা ইথৌদাংনি। লৈবাক অসিগী কাচিন অমা হেক্তদা লু-নালহন্নবগীদমক, তোইলেৎকীদমক কৎথোক্লিবা মখোয় ঐখোয় পুম্নমক্না ইকাই খুম্নফম থোকই। অদুনা ৱাফম অসি মাংলোমদা পুখৎনবগীদমক সুলভ শৌচালয়না পায়খৎলিবা থবকশিং অদুগীদমক মখোয়বু তৌবীমল উৎচনবগী তঞ্জা অদুসু ফংজরে। অক্ষয় পাত্রগী খুত্থাংদা লৈবাক অসিগী অঙাংশিংবু মিদ দে মিল ফংহনবা, সরকারগী অসিগুম্লবা রাজ্য পুম্নমক্তা চত্থরিবা থৌওং অসি পাংথোক্নবা অক্ষয় পাত্রনা হোৎনরি অদুগা ঐহাক্না নুমিৎ খরনিগী মমাংদা বৃন্দাবন্দা চৎতুনা অহুমশুবা বিলিয়নগী চাক্লেন পীজনবগী খুদোংচাবা ফংজখি। ভারত সরকারনসু মেলনুইত্রিসনগী মায়োক্তা য়াম্না পাক-চাউরবা স্কিম অমগা লোয়ননা মিশন অমগী মওংদা থবক তৌরি, মরমদি ভারতকী অঙাংশিং মশা-মউ ফরবদি ভারতসু মশা-মউ ফনা লৈগনি অদুগা ৱাখল্লোন অসি পুরদুনা হোৎনরিবা অসিদা লৈবাক মীয়াম্না শরুক য়াবা য়াম্না দরকার ওই। সরকারনা হোৎনরিবশিংদা লৈবাক মীয়াম্না শরুক য়ারবা মতমদতা সরকারগী শক্তি হেঙ্গৎলকই।

মহাত্মা গান্ধীগী পুন্সিগী মায়পাকপদা খ্বাইদগী চাউবা ৱাফম অমা ওইরিবা, নীং তম্বগীদমক কত্থোকপগী চৎনবী অদু লৈবাক অসিদা কৈদৌনুংদা মুৎপা নায়দ্রি। চহী কয়া অমা মীনাই ওইখিবা চহী অদুমক্তা য়াওল্লোইশিংসু ফংজখি। মসিমক লৈবাক অসিগী থোইদোক হেন্দোকপা মগুন্নি, অদুবু গান্ধীজীনা নীং তম্ববু মীয়ামগী ইহৌ ওইহনখি। খুন্নাইগীদমক করিগুম্বা থবক অমা হেক্তা পাংথোক্লগদি মদুদগী নীং তম্বা ফংগনি হায়বা ৱাখল্লোন অদু পোকহনখি। গান্ধীগী ১৫০শুবা মপোক কুমওন অমসুং ২০২২দা নীং তম্বগী ৭৫শুবা চহী পালন অদুগীদমক ৱারেপ লৌদুনা ঐখোয় মাংলোমদা চংশিনসি। ইকাই খুম্নজরিবা বাপু মালেম অসিগী মীওই অমা ওইখি। নীং তম্বগী ইহৌদা থবক থৌরম কয়া অমা লৈরবসু মহাক চয়োল অমদা নুমিৎ অমদি অনাবশিংগী সেবা তৌরম্মি। লেপ্রোসিগীদমক মশাগী মতম কাইথোক্লম্মি, মশামক্না পাংথোক্লম্মি। মরমদি সমাজদা লৈরিবা ৱাখল্লোন অদু অহোংবা পুরক্নবনি। গান্ধীগী ১৫০শুবা মপোক কুমওন পাংথোক্লিবা অসিদা বাপুগী পামজবা ভজন ‘বৈস্নব জন তো তেনে কহিয়ে’, মালেম অসিগী চাউরাক্না লৈবাক ১৫০গী মফম অদুগী মীওইশিংনা মফম অদুগী কলাকারশিংনা ভারতকী লোন অমত্তা খঙদবা মখোয়শিং অদুনা মওং অদুমক্তদা ‘বৈস্নব জন তো তেনে কহিয়ে’ ভজন অসি শক্লি, লৈবাক ১৫০গী শৈশকপশিংনা ‘বৈস্নব জন’ শক্লি। য়ু-ত্যুবতা করিগুম্বা অদোম্না চংলগদি অসুক য়াম্না চাউবা… হায়বদি ভারতকী আইদেন্দিতী করম্না শেম্লি, করম্না হেঙ্গৎলক্লি, ভারতপু য়ানীংবা করম্না হেঙ্গৎলক্লি অমদি গান্ধীগী ফিদম্নফম অদু ঙসি মীওইবগী য়াইফনবগীদমক কয়া য়াম্না কান্নবা পুরক্লে। মসিমক মালেম অসিনা লৌশিনবা হৌরক্লে। মসিগীদমক হৌজিক্তি হিন্দুস্তানগী অঙাং খুদিংমক্কীদমক, মীওই খুদিংমক্কীদমক মসিদগী হেন্না চাউথোকচনীংঙাই করি লৈরিবগে। অমুক হন্না ঐহাক্না ময়াম পুম্নমকপু হন্না-হন্না নুঙাইবা ফোংদোকচরি। হন্না-হন্না য়াইফ পাওজেল পীজরি। ইকাই খুম্নজরিবা বাপুগী খোংয়া খাদা খুরুমজদুনা, ইকাই খুম্নবা উৎচদুনা মতাং অসিৱাইদা ঐহাক্কী ৱাফম লোয়শিঞ্জরি। হন্না-হন্না থাগৎচরি।