ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা রিজনেল কনেক্তিবিতী স্কিম – মোদিফাইদ উরান হৌদোকপা অমসুং ইমপ্লিমেন্ত তৌবদা অয়াবা পীখ্রে। স্কিম অসি শেনবা চহি ২০২৬-২৭দগী শেনবা চহি ২০৩৫-৩৬ ফাওবগী ওইনা চহী ১০গী ওইনা লুপা কোতি ২৮,৮৪০গী অপুনবা শেনফমগা লোইননা ভারত সরকারগী বজেৎকী মতেংগা লোইননা পায়খৎকনি।
শাফু:
• হান্ননা লৈতবা মফমশিংদা রিজনেল এয়র কনেক্তিবিতী হেঙ্গৎহনবা।
• তায়র-২ অমসুং তায়র-৩ শহরশিংদা ইকোনোমিক গ্রোথ, ললোন-ইতিক অমসুং তুরিজম হেনগৎহনবা।
• মীচম প্রজাগীদমক শেল চংদবা এয়র ত্রাবেল শৌগৎকনি।
• অরাপ্পা অমসুং চীংগী মফমশিংদা ইমর্জেন্সী রেস্পোন্স অমসুং হেল্থকেয়র এক্সেস ফগৎহনবা।
• রিজনেল এরোদ্রোম অমসুং এয়রলাইন ওপরেতরশিংগীদমক হেন্না ফবা অমসুং সস্তেনেবিলিতী লৈহনবা।
• আত্মানির্ভর ভারতকী মখাদা লমদমসিগী এয়রোস্পেস সেক্তর প্রমোসন তৌবা।
• ২০৪৭ ফাওবদা ভিক্সিৎ ভারতকী পান্দমগী মায়কৈদা খুমাং চাউশিনবা।
স্কিম অসিগী মরুওইবা কম্পোনেন্তশিং অদু মখাদা পীরি:
(ক) এয়রদ্রোমশিং শেমগৎপা (কেপেক্স)
মোদিফাই তৌরবা উরান স্কিমগী মখাদা, ইনফ্রাস্ত্রকচর পাকথোক চাউথোকহন্নবা অমসুং ভারতপু মালেমগী থাক্তা চাংদম্নবা ঙম্বা এভিয়েসন ইকোসিস্তেম অমা ওইহন্নবগী ‘ভিক্সিৎ ভারত ২০৪৭’ ভিজনগী মতুং ইন্না রিজনেল কনেক্তিবিতী হেঙ্গৎহন্নবা হৌজিক লৈরিবা সর্বিস তৌদবা এয়রস্ত্রিপশিংদগী এয়রপোর্ত ১০০ শেমগৎনবা ৱাফম থম্লি। মসিগীদমক মথংগী চহি ৮ অসিদা লুপা করোর ১২,১৫৯ থাদগনি।
(খ) এয়রদ্রোমশিং ওপরেসন অমসুং মেন্টেনান্স (ও. & এম.)
রিজনেল কনেক্তিবিতী স্কিম (আর.সি.এস.) খক্তগী ওইবা এয়রদ্রোমশিংগীদমক য়াম্না ৱাংবা ও.এন্দ.এম.কী শেনফমশিং অমসুং অপীকপা রেভেন্যু স্ত্রিমশিং য়েংলগা, স্কিম অসিনা চহি অহুমগী ওইনা এরোদ্রোম অমদা চহিদা লুপা করোর ৩.০৬ অমসুং হেলীপোর্ত/ৱাতর এরোদ্রোম অমদা চহি অমদা লুপা করোর ০.৯০, চাউরাক্না এরোদ্রোম ৪৪১গী ওইনা লুপা করোর ২,৫৭৭ ওইদুনা ও.এন্দ.এম.দা মতেং পীনবা প্রপোজ তৌরি।
(গ) মোদর্ন হেলিপেদশিং শেমগৎপা
চীংগী লম, অরাপ্পা লম, ইথৎ অমসুং এস্পিরেস্নেল লমদমশিংদা কনেক্তিবিতীগী শিংনবশিং কোকহন্নবা, স্কিম অসিনা লুপা কোতি ১৫গী মমলদা মোদর্ন হেলিপেদ ২০০ শেমগৎনবা ৱাফম থম্লি। মসি লাক্কদৌরিবা চহি ৮ অসিদা লুপা কোতি ৩,৬৬১গী অপুনবা মথৌ তাবা অদু ওইগনি।
(ঘ) ভাইএবিলিতী গেপ ফন্দিং (ভি.জি.এফ.)
রিজনেল কনেক্তিবিতী স্কিমগী মখাদা, এয়রলাইন্স ওপরেতরশিংনা অয়াবা ফংলবা রুতশিং ওপরেৎ তৌবগীদমক ভি.জি.এফ.গী মওংদা শেলগী তেংবাং ফংই। মার্কেত চাউখৎপগী তঙাই ফদবা অদু খঙলদুনা, এয়রলাইন ওপরেতরশিংদা ভি.জি.এফ.না লুপা করোর ১০,০৪৩গী মতেং পীনবা চহি ১০গী মনুংদা থৌরাং তৌরি।
(ঙ) আত্মানির্ভর ভারত এয়রক্রাফ্ত এক্যুইজিসন
অরাপ্পা অমসুং অরুবা লমদমশিংদা মথৌ তাবা অপিকপা ফিক্স ৱিং এয়রক্রাফ অমসুং হেলিকোপ্তরশিংগী অৱাৎপা কোকহন্নবা অমসুং আত্মানির্ভর ভারতগী মিৎয়েং অসি মাংলোমদা পুখৎনবা, স্কিম অসিনা পৱন হন্সকীদমক হেলিকোপ্তর অনি অমসুং এল্লাইয়ন্স এয়রগীদমক হেল দোর্নিয়র এয়রক্রাফ অনি ফংহন্নবা ৱাফমসু থম্লি।
বেকগ্রাউন্দ:
অহানবা উরান স্কিম অসি ২০১৬কী ওক্তোবরদা এয়র ত্রাভেল অসি শেল চঙদবা ওইহন্নবা অমসুং তিয়র-২ অমসুং তিয়র-৩গী সহরশিংদা কনেক্তিবিতী মপাঙ্গল কনখৎহন্নবা পান্দমগা লোয়ননা হৌদোকখিবনি। চহি নিপালগী থবক পায়খৎপা:
• এয়রপোর্ত ৯৫, হেলিপোর্তশিং অমসুং ঈশিংগী এয়রদ্রমশিংদা (২০২৬কী ফেব্রুৱারী ২৮ ফাওবদা) লম্বী ৬৬৩ ওপরেস্নেল ওইখ্রে।
• পেসেঞ্জর লাখ ১৬২.৪৭ পুদুনা ফ্লাইৎ লাখ ৩.৪১ হেন্না ওপরেৎ তৌখ্রে।
• টুরিজম, হেল্থকেয়র এক্সেস অমসুং ইমর্জেন্সী সর্বিসশিং হেনগৎহন্দুনা রিমোট, হিল্লি অমসুং আইলেন্দ রিজনশিংদা কনেক্তিবিতী শেমগৎলে।
স্কিম অসিনা রিজনেল এয়রলাইনশিং অমসুং তোঙান তোঙানবা ফ্লাইৎ ওপরেসনশিং হেনগৎহনখ্রে। মসিনা মোদিফাইদ উরান স্কিমগীদমক মপাঙ্গল কনবা য়ুম্ফম অমা শেম্লে।
***
