ভারতকী প্রধানমন্ত্রী
য়োর এক্সেলেন্সী, প্রসিদেন্ত লী,
লৈবাক অনিমক্কী দেলিগেতশিং,
মেদিয়াগী মরুপশিং,
খুরুমজরি!
মহাক্কী অহানবা ভারত খোঙচৎতা প্রসিদেন্ত লীবু তরাম্না ওকপদা ঐহাক নুংঙাইবা ফাওই। প্রসিদেন্ত লীগী পুন্সি অসি লান্থেংনবা, মীয়ামগী থৌগল অমসুং কত্থোকপগী পুক্নিং থৌগৎনিংঙাই ওইবা খুদম অমনি। শিংনবা খুদিংমক্না মহাক্কী মীয়ামগী থৌগল তৌনবগী ফিরেপ অদু হেন্না মপাঙ্গল কনখৎহনখি। মসি মহাক্কী অহানবা ভারত খোঙচৎ ওইরবসু, ভারতকীদমক মহাক্কী মফমদা লৈরিবা নুংশিবদি ঐখোয় অহানবা উনবদগী হৌনা উবা ফংলে।
মরূপশিং,
চহি নিপানগী মতুংদা কোরিয়াগী প্রেসিদেন্তনা ভারততা লাক্লিবা খোঙচৎ অসি য়াম্না মরুওই। দেমোক্রেতিক ভেল্যুশিং, মার্কেৎ ইকোনোমী অমসুং কাঙলোন পরমবু ইকায়খুম্নবা হায়বসি ঐখোয় লৈবাক অনিমক্কী DNA দা য়াওরে। ইন্দো-পেসিফিক লমদমদসু ঐখোয়গী মান্নবা মীৎয়েং লৈ। মসি পুম্নমক্কী য়ুম্ফমদা, হৌখিবা চহি তরা অসিদা ঐখোয়গী মরী অসি হেন্না খোঙজেল য়াঙখৎলে অমসুং পাকথোক চাউথোরক্লে।
অদুগা ঙসি, প্রসিদেন্ত লীগী খোঙচৎ অসিনা, থাজবগী পার্তনরসিব অসিবু ঐখোয়না তুংগী ওইবা পার্তনরসিপ অমদা ওন্থোক্লগনি। ঐখোয়না চিপ্সতগী হৌরগা জহাজ ফাওবদা, হৈশিংবদগী হৌরগা তেক্নোলোজী ফাওবদা, অকোয়বগী ফীভমদগী হৌরগা ইনর্জী ফাওবদা, লম খুদিংমক্তা তেংবাংনবগী অনৌবা খুদোংচাবশিং অদু মঙফাওনহনগনি। অমসুং পুন্না চৎমিন্নদুনা লৈবাক অনিমক্কী চাওখৎপা অমসুং নুংঙাই-য়াইফবা পুরক্কনি।
মরূপশিং,
ভারত অমসুং কোরিয়াগী নাকল অনিগী ওইবা ললোন-ইতিক অসি ঙসি বিলিয়ন দোলর ২৭ য়ৌরে। ২০৩০ ফাওবদা মসিবু বিলিয়ন দোলর ৫০ য়ৌহন্নবগীদমক ঙসি ঐখোয়না মরুওইবা ফিরেপ কয়া লৌরে।
লৈবাক অনিগী মরক্তা শেল-থুমগী ঈচেল হেনগৎহন্নবা ঐখোয়না ভারত-কোরিয়া ফাইনেন্সিয়েল ফোরম হৌদোক্লে। বিজিনেসতা তেংবাংনবা মপাঙ্গল কনখৎহন্নবগীদমক, ঐখোয়না ইন্দস্ত্রিয়েল কো-ওপরেসন কমিতী অমা শেমলে। ক্রিতিকেল তেক্নোলোজী অমসুং সপ্লাই চেনশিংদা তেংবাংনবা হেনগৎহন্নবগীদমক, ঐখোয়না ইকোনোমিক সিক্যুরিতী দাইলোগ হৌদোক্লগনি। কোরিয়াগী কম্পনীশিং, মরুওইনা SME শিংনা ভারত্তা লায়না চঙলক্নবগীদমক, ঐখোয়না কোরিয়ন ইন্দস্ত্রিয়েল তাউনসিপ অমসু শেমগৎলগনি। অমসুং লাক্কদবা চহি অমগী মনুংদা, ঐখোয়না ভারত-কোরিয়া ত্রেদ এগ্রীমেন্তপুসু হেন্না ফগৎহনগনি।
মরূপশিং,
ঙসি ঐখোয়না লাক্কদবা চহি তরাগী মায় পাকপগী ৱারীশিংগী য়ুম্ফম থোল্লি। AI, সেমিকন্দক্তর অমসুং ইনফোর্মেসন তেক্নোলোজীদা মরুপ-মপাং ওইবগী মরী হেন্না ফগৎহন্নবগীদমক ঐখোয়না ‘ইন্দিয়া-কোরিয়া দিজিতেল ব্রিজ’ লোঞ্চ তৌরি। শিপ বিল্ডিং, সস্তেনেবিলিত, স্তীল অমসুং পোর্তসগুম্বা লমশিংদা ঐখোয়না MOU খুৎয়েক পীনরি।
নাৎ অমসুং ক্রিয়েতিভ ইন্দস্ত্রীদা তেংবাংনবগী খুত্থাঙদা ঐখোয়না ফিল্ম, এনিমেসন অমসুং গেমিংদসু অনৌবা মায়ওনশিং শেমগৎকনি। ঙসিগী বিজিনেস ফোরম অসি খুদোংচাবশিং অসিবু চপ চাবা মহৈশিংদা ওন্থোকপগী লম্বী অমা ওইগনি।
মরূপশিং,
ভারত অমসুং কোরিয়াগী মরক্তা চহি লিশিং কয়া অরীবা নাৎকী ওইবা মরী লৈ। চহি ২০০০ গী মমাঙদা, অযোধ্যাগী নীংথৌ মচানুপী সূরীরত্না অমসুং কোরিয়াগী নিংথৌ কিম-সুরোগী ৱারী অসি ঐখোয়গী পুন্না চৎমিন্নরকপা নাৎকী লন্নি।
ঙসি ভারত্তা কে-পো, কে-দ্রামা য়াম্না পাম্নরি। অসুম্না কোরিয়াদসু ভারতগী সিনেমা অমসুং নাৎকী মশক খঙবা হেনগৎলক্লে। প্রসিদেন্ত লী মহাক মশামক ভারতকী সিনেমাবু পাজবা মীওই অমা ওইবদা ঐখোয় য়াম্না নুংঙাইবা ফাওই। নাৎকী ওইবা মরী অসি মপাঙ্গল কনখৎহন্নবগীদমক, ঐখোয়না ২০২৮ তা ভারত-কোরিয়া ফ্রেন্দশিপ ফেস্তিবেল পাঙথোক্কনি।
মসিগা লোয়ননা, মীগা মীগা উন্ন-চৎনবগী মরী মপাঙ্গল কনখৎহন্নবগীদমক ঐখোয়না এজুকেসন, রিছর্চকী তেংবাংনবা অমসুং তুরিজমবুসু হেন্না চাওখৎহনগনি।
মরূপশিং,
মালেমগী ওইনা উংখৎনবা মতম অসিদা, ভারত অমসুং কোরিয়া পুন্না চৎমিন্নদুনা ইং-তপ্পা অমসুং তংদু লৈতাবগী পাউজেল পীরি। কোরিয়ানা ইন্তরনেসনেল সোলার এলাইন্স অমসুং ইন্দো-পেসিফিক ওসীন্স ইনিসিএতিভতা য়াওশিল্লকপা ঐখোয় য়াম্না নুংঙাইবা ফাওই। ঐখোয়গী পুন্না হোৎনমিন্নবনা ইং-তপ্পা, চাওখৎপা অমসুং পুম্নমকপু কোনশিনবা ইন্দো-পেসিফিক অমগীদমক থৌদাং মখা তানা লৌগনি।
মালেমগী ওইবা শিংনবশিং কোকহন্নবগীদমক মালেমগী ওইবা লুপশিং শেমদোকপা মথৌ তাই হায়বদা ঐখোয় অনিমক য়ানরি।
য়োর এক্সেলেন্সী,
চাউরাক্না চহি ১০০ গী মমাঙদা, ভারতকী মহাকবি গুরুদেব রবীন্দ্রনাথ তেগোরনা কোরিয়াবু “নোংপোক্কী মৈর” হায়না কৌখি। অমসুং ঙসি, ২০৪৭ ফাওবদা চাওখৎলবা ভারত শেমগৎনবা ঐখোয়গী ফিরেপ অসি মঙফাওনহন্নবগীদমক কোরিয়া অসি মরুওইবা খোঙবু অমনি।
ঐখোয়গী খোঙবু ওইবগী মরী অসিনা লৈবাক অনিমক্কী, লোয়ননা মালেম পুম্বগী চাওখৎপা অমসুং নুংঙাই-য়াইফবগী লম্বী অমা শেমগৎলসি।
ময়ামবু ঙমখৈ লৈতনা থাগৎচরি।
***
Addressing the joint press meet with President Lee Jae Myung of the Republic of Korea.@Jaemyung_Lee https://t.co/NpU97z4dzB
— Narendra Modi (@narendramodi) April 20, 2026
आठ वर्ष बाद कोरिया के राष्ट्रपति की यह भारत यात्रा, अत्यंत महत्वपूर्ण है।
— PMO India (@PMOIndia) April 20, 2026
Democratic values, market economy और respect for rule of law, हम दोनों देशों के DNA में हैं।
Indo-Pacific क्षेत्र में भी हमारा common outlook है: PM @narendramodi
आज, प्रेसीडेंट ली की यात्रा से, हम इस trusted partnership को एक futuristic partnership में transform करने जा रहे हैं।
— PMO India (@PMOIndia) April 20, 2026
हम chips से लेकर ships, talent से लेकर technology, entertainment से लेकर energy, हर क्षेत्र में सहयोग के नए अवसरों को साकार करेंगे: PM @narendramodi
आज हम अगले दशक की success stories की नींव रख रहे हैं।
— PMO India (@PMOIndia) April 20, 2026
AI, semiconductor और information technology में साझेदारी और प्रगाढ़ करने, हम इंडिया-कोरिया digital bridge launch कर रहें हैं: PM @narendramodi
भारत और कोरिया के बीच हजारों वर्ष पुराने सांस्कृतिक संबंध हैं।
— PMO India (@PMOIndia) April 20, 2026
2000 साल पहले, अयोध्या की राजकुमारी सूरीरत्ना और कोरिया के राजा किम-सुरो की कहानी, हमारी साझा विरासत है।
आज भारत में के-पॉप, के-ड्रामा बहुत ही popular हो रहें हैं।
उसी तरह, कोरिया में भी भारतीय सिनेमा और संस्कृति…
वैश्विक तनाव के इस दौर में, भारत और कोरिया मिलकर शांति और स्थिरता का संदेश देते हैं।
— PMO India (@PMOIndia) April 20, 2026
हमें बहुत खुशी है कि आज कोरिया International Solar Alliance और Indo-Pacific Oceans Initiative से जुड़ रहा है।
हम अपने साझा प्रयासों से एक peaceful, progressive और inclusive Indo-Pacific के लिए…
