ভারতকী প্রধানমন্ত্রী
ইয়োর এক্সেলেন্সী, সাইপ্রসকি রাস্ত্রপতি
লৈবাক অনিমক্কী মীহুৎশিং
মিদিয়াদগী ইচিল-ইনাওশিং,
খুরুমজরি !
কালিমেরা।
সাইপ্রসকি রাস্ত্রপতি অমসুং মহাক্কী মীহুৎ কাঙবুবু ভারত্তা তরাম্না ওকপা অসি য়াম্না নুংঙাইবা অমনি। শ্রীমান রাস্ত্রপতি, মমাঙ চহিদা অদোম্না ঐখোয়বু সাইপ্রসতা য়াম্না নুংঙাইনা তরাম্না ওকপিখি। ভারতকি মায়কৈদা মরুপ-মপাং ওইবগী অখন্নবা ইঙ্গিৎ অমা ওইনা নখোয়না ঐহাকপুসু সাইপ্রসকি খ্বাইদগী ৱাংবা ইকায় খুম্নবা উৎখি।
অদোমগী খোঙচৎ পুম্নমক্তা অদোমগী নুংশিবা, মরুপ-মপাং ওইবগী মরি অমসুং ভারতকা অচেৎপা মরি অসি ঐখোয়না তশেঙনা ফাওখি। ঙসি অদোমগী ভারতকি খোঙচৎ অসি ঐখোয়গী সেয়র তৌরবা খোঙচৎ অসিদা অতোপ্পা মরুওইবা মায় পাকপগী নিংশিং য়ুম্বী অমা ওইরি।
মরুপশিং,
ভারত অমসুং সাইপ্রসকি মরক্তা লৈরিবা মরুপ-মপাং ওইবগী মরি অসি অচেৎপা অমদি তুংগী ওইবা মরি অমা ওইরি। গনতন্ৎর অমসুং রুল ওফ লোগুবা ভেল্যুশিংদা সেয়র তৌরবা থাজবা অমনা ঐখোয়গী পার্ত্নরশিপকি য়ুমফম ওইরি। ঐখোয়না জাতি পুম্নমক্কী সোভরেন্তি অমসুং তেরিতোরিগী ইন্তিগ্রীতিবু ইকায়খুম্নবা উৎলি। ভারতনা হায়রিবা প্রিন্সীপলশিং অসিদা মপূঙ ফানা লেপ্লি অমসুং মখা তানা মখা তানা লেপ্লগনি।
ঙসি ভারত অমসুং য়ুরোপনা মরিগী অনৌবা সনাগী মতম অমদা চঙশিল্লকপগা লোয়ননা সাইপ্রসনা য়ুরোপিয়ন য়ুনিয়নগী কাওন্সিলগী প্রসিদেন্ত ওইনা থবক তৌবতা নত্তনা ভারতপু য়ুরোপ পুম্নমক্কা শম্নহল্লিবা মরুওইবা ইনভেস্তমেন্ত গেৎৱে অমা ওইনা থোরক্লি।
মরুপশিং,
সাইপ্রস অসি ভারতকি মকোক থোঙবা ইনভেস্তর ১০গী মনুংদা অমনি, অমসুং হৌখিবা চহি তরাগী খুজিং কয়াদগী সাইপ্রসতাগী ভারত্তা শেল থাদবা অসি চাওরাক্না শরুক অনি হেনগৎলে। ঐখোয়গী লৈবাক অনিগী মরক্তা লৈরিবা থাজবা অসি হেন্না চেৎশিলহল্লে। ইন্দিয়া–য়ুরোপিয়ন য়ুনিয়ন ফ্রী ত্রেদ এগ্রীমেন্তনা অনৌবা খুদোংচাবা কয়া অমসু পিরে। মসিগী খোঙজেল অসিগী মখা পোন্না ঐখোয়না মথংগী চহি মঙাদা শেল থাদবশিং অসি অমুক হন্না শরুক অনি হেনগৎহন্নবা পান্দম থম্লি। সেয়র তৌরবা মীৎয়েং অসি ফংনবা ঙসি ঐখোয়না ঐখোয়গী থাজবা য়াবা মরি অসি স্ত্রেতেজিক পার্ত্নরশিপ অমদা হেনগৎহল্লি।
মরুপশিং,
ভারত অমসুং সাইপ্রসকি মরক্তা লৈরিবা স্ত্রেতেজিক পার্ত্নরশিপ অসিনা লৈবাক অনিমক্কী ফাইনান্সিএল অমসুং সর্ভিস হবশিং শম্নহন্দুনা ত্রেদ অমসুং ইনভেস্তমেন্তকি অনৌবা খুদোংচাবশিং শেমগৎলগনি। মসিনা সাইপ্রসকি ইনফ্রাস্ত্রকচর, ইনর্জি, অমসুং লৌউ-শিংউগী সেক্তরশিংদা ভারতকি কম্পেনিশিংগীদমক্তা অনৌবা থোঙ হাংদোক্লগনি, মসিগা লোয়ননা ভারতকি খোঙজেল য়াংনা চাওখৎলক্লিবা শিপিং অমসুং মেরিতাইম ইন্দস্ত্রিশিংদা হেন্না শেল থাদবদা পুক্নিং থৌগৎকনি।
সাইপ্রসকা লোয়ননা ঐখোয়না জি.আই.এফ.তি.সি.তি.বু মালেমগী শেন্মিৎলোন অমসুং সর্ভিসশিংগী হব অমা ওইনা ওন্থোক্নবা মীৎয়েং অদু খোঙজেল য়াংশিনহনগনি, অমসুং লৈবাক অনিমক্কী ইনোবেসন অমসুং শ্তারৎ-অপ ইকোসিস্তেমগী মরক্তা কনেক্তিবিতি হেঙ্গৎহল্লগনি।
মরুপশিং,
দিফেন্শ অমসুং সেক্যুরিতি কোওপরেসন অসি ঐখোয়গী মরিগী মরুওইবা য়ুম্বী অমনি। হৌখিবা চহি খরসিদা ঐখোয়গী লৈবাক অনিগী মরক্তা মিলিতরি এক্সচেঞ্জ অমসুং ত্রেনিং কোওপরেসন হেনগৎলকপদা ঐখোয় নুংঙাইবা ফাওই। ঙসি ঐখোয়না সাইবর সেক্যুরিতি, মেরিতাইম সেক্যুরিতি, অমসুং তেরোরিজম থেংননবা ঐখোয়গী পার্ত্নরশিপ অসি হেন্না মপাঙ্গল কনখৎহন্নবা ৱারেপ লৌখ্রে। মসিদা নত্তনা ইন্দো-পেসিফিক ওশিন ইনিসিএতিব অমসুং ইন্দিয়া-মিদল ইস্ত-য়ুরোপ ইকোনোমিক কোরিদোরগুবা মরুওইবা ইনিসিএতিবশিংগী খুত্থাংদা কনেক্তিবিতি শোয়দনা লৈহন্নবগীদমক্তা ঐখোয়না পুন্না থবক তৌমিন্নগনি।
মরুপশিং,
সাইপ্রসতা লৈরিবা ভারতকি প্রোফেশ্নেলশিং অমসুং মহৈরোয়শিংনা ঐখোয়গী লৈবাক অনিগী মরক্তা মিচম মিয়ামগী মরি হেন্না চেৎশিলহল্লি। হায়রিবা কনেক্সনশিং অসি মখা তানা হেন্না চেৎশিলহন্নবা ঐখোয়না অথুবা মতমদা সোসিএল সেক্যুরিতি এগ্রীমেন্ত অমগা লোয়ননা অপুনবা মায়গ্রেসন অমসুং মোবিলিতি পার্ত্নরশিপ অমদা থবক তৌনবা য়ানরে ।
ঙসি ঐখোয়না কলচর অমসুং হায়র এজুকেসনগী মতাংদসু য়ানচেশিং খুৎয়েক পিনরি, মদুনা লৈবাক অনিগী মরক্তা কলচরেল এক্সচেঞ্জ অমসুং রিশরচ কোওপরেসন হেন্না চেৎশিলহল্লগনি।
মরুপশিং,
ঙসি ঐখোয়না মালেমগী মরুওইবা হিরমশিংদসু খন্ন-নৈনখি। য়ুক্রেন ওইগেরা নত্রগা ৱেস্ত এশিয়া ওইগেরা, ঐখোয়না ঙন্না শান্তি পুরক্নবা হোৎনরিবশিং অমসুং লানফমশিং থুনা লোয়শিনবদা মখা তানা মতেং পাংগনি। ঐখোয়না মসিমসু য়ানবা পুরক্লি মদুদি মালেমগী ইন্সতিত্যুসনশিং রিফোর্ম তৌবা অসি খুদক্কী ওইবা অমদি তঙাইফদবা অনিমক ওইবনা মালেম অসিনা মায়োক্নরিবা হেনগৎলক্লিবা খুদোংচাদবশিং অসি থেংননবা ।
ইয়োর এক্সেলেন্সী
ভারত অমসুং সাইপ্রসকি মরক্তা লৈনরিবা মরি অসি মতমগী চাংয়েংগী মনুংদা চেৎনা লৈরি। ঙসিদি ইন্দিয়া–সাইপ্রস স্ত্রেতেজিক পার্ত্নরশিপ লিংখৎপগা লোয়ননা অনৌবা ইনরজি, এমবিসন, অমসুং মোমেন্তমগা লোয়ননা ঐখোয়গী মরি অসি অনৌবা অৱাংবা থাক্তা পুখৎনবা শেম শারে।
ঐখোয়গী মরি অসি কোওপরেসনদগী কো-ক্রিএসন্দা, অমসুং পার্ত্নরশিপ্তগী সেয়র তৌরবা প্রোসপরিতিদা ওন্থোক্নবা পুন্না থবক তৌমিন্নশি।
ভারত অমসুং সাইপ্রস—পুন্না, শোয়দ-ঙামদবা, নুংঙাই-য়াইফবা অমসুং হেন্না ফবা তুংলমচৎ অমা শেমগৎকনি।
অদোম্বু য়াম্না থাগৎচরি।
***
Addressing the joint press meet with President Christodoulides of Cyprus.@Christodulides
— Narendra Modi (@narendramodi) May 22, 2026
https://t.co/fGPTKnRtyQ
भारत और सायप्रस की मित्रता मजबूत भी है और futuristic भी।
— PMO India (@PMOIndia) May 22, 2026
लोकतंत्र और rule of law जैसे मूल्यों में साझा विश्वास, हमारी साझेदारी के आधार हैं।
हम सभी देशों की संप्रभुता और क्षेत्रीय अखंडता का सम्मान करते हैं।
भारत इन सिद्धांतों के प्रति पूरी तरह प्रतिबद्ध है और आगे भी रहेगा: PM…
इसका लाभ उठाते हुए , हम अगले पाँच वर्षों में इस investment को फिर से double करने का लक्ष्य रख रहे हैं।
— PMO India (@PMOIndia) May 22, 2026
…. और इस संकल्प को साकार करने के लिए, आज हम अपने विश्वसनीय संबंधों को एक strategic partnership के रूप में elevate कर रहे हैं: PM @narendramodi
पिछले एक दशक में, साइप्रस से भारत में निवेश लगभग double हुआ है।
— PMO India (@PMOIndia) May 22, 2026
दोनों देशों के बीच ट्रस्ट बढ़ा है, भारत - यूरोपियन यूनियन Free Trade Agreement से तमाम नई संभावनाएं बनी हैं: PM @narendramodi
आज हमने global issues पर भी चर्चा की।
— PMO India (@PMOIndia) May 22, 2026
यूक्रेन हो या वेस्ट एशिया, हम संघर्ष की शीघ्र समाप्ति और शांति के प्रयासों का समर्थन करते रहेंगे।
हम इस बात पर भी एकमत हैं कि बढ़ते हुए global challenges के समाधान के लिए Global institutions का reform urgent और important है: PM…
