ভারতকী প্রধানমন্ত্রী

জোর্দানগী হাশেমিত কিংদমগী হিস মজেস্তী নিংথৌ অব্দুল্লা II ইব্ন অল হুসেনগী চেবাওদা ভারতকী প্রধান মন্ত্রী শ্রী নরেন্দ্র মোদীনা ২০২৫ গী দিসেম্বর ১৫-১৬দা জোর্দানগী হাশেমিত কিংদমদা খোঙশানখি।

প্রধান মন্ত্রী মোদীগী খোঙচৎ অসি লৈবাক অনিগী মরক্তা দিপ্লোমেতিক ওইবা মরীশিং লিংখৎখিবগী চহি ৭৫ শুবা থৌরম পাংথোক্লিবা অসি য়াম্না মরু ওইবা মতম অমগী মনুংদা পাংথোকপনি হায়না লুচিংবা অনিনা য়ানখি।

লুচিংবা অনিনা মখোয়গী লৈবাকশিংগী মরক্তা মতম শাংনা লৈরক্লবা মরীবু শীংথারদুনা রাজনিতী, শেন্মিৎলোন, ঙাকশেল, সেক্যুরিতী, কলচর অমসুং এজুকেসন য়াওনা তোঙান তোঙানবা লমশিংদা পুন্না থবক তৌমিন্নরিবা ভারত-জোর্দানগী মরীশিংগী মতাংদা ৱারী কয়া শানখি।

লুচিংবশিংনা নাকল অনিগী মরক্তা মল্তিলেতরেল ফোরমশিংদা অফবা তেংবাং মপুং ফানা পীনবগীদমক থাগৎপা ফোংদোকখি। মখোয়না ন্যু য়োর্ক (সেপ্তেম্বর ২০১৯), রিয়াধ (ওক্তোবর ২০১৯), দুবই (দিসেম্বর ২০২৩) অমসুং ইতলি (জুন ২০২৪) দা মমাংদা পাংথোকখিবা মীফমশিংবু নীংশিংখি।

রাজনিতীগী ওইবা মরীশিং

লুচিংবশিংনা ২০২৫গী দিসেম্বর ১৫দা অম্মানদা লৈবাক অনিগী ওইবা অমসুং হেন্না পাকথোক চাউথোক্লবা হীরমশিংদা ৱারী শানখি, মদুদা মখোয়না ভারত অমসুং জোর্দানগী মরক্তা লৈনরিবা মরীশিংগী মতাংদা খন্নখি। মখোয়না লৈবাক অনিগী মরক্তা মান্নবা লমশিংদা তেংবাং পীনবা হেঙ্গৎহন্নবা অমসুং মখোয়গী চাউখৎ-থৌরাংগী এস্পিরেসনশিং ফংনবগীদমক থাজবা য়াবা পার্তনরশিং ওইনা পুন্না লেপ্ননবা য়ানখি।

লুচিংবশিংনা লৈবাক অনিগী মরক্তা চাং নাইনা পাংথোকপা পোলিতিকেল দাইলোগ অমসুং তোঙান তোঙানবা হিরমশিংদা তোঙান তোঙানবা জোইন্ত ৱার্কিং গ্রুপশিংগী মীফমশিং অসিদা অপেনবা ফোংদোকখি। মখোয়না নাকল অনিগী মরী কনখৎহন্নবা শেমগৎলিবা মেকানিজমশিং মপুং ফানা শিজিন্ননবা য়ানখি। মসিগী মতাংদা লুচিংবা অনিনা ২০২৫গী এপ্রিল ২৯দা অম্মানদা পাংথোকখিবা মপান থৌরমগী মন্ত্রালয় অনিগী মরক্তা মরিশুবা রাজনিতীগী ওইবা খন্ন-নৈনবগী ফলশিং থাগৎখি। মঙাশুবা রাউন্দ অসি ন্যু দিল্লীদা পাংথোক্কনি।

মাংলোমদা চংশিল্লক্লিবা অসি য়েংলদুনা লুচিংবা অনিনা লৈবাক অনিগী মরক্তা লৈরিবা মরীগী অফবা মওংদা মখা তানা চৎথনবা, অৱাংবা থাক্কী ইন্তরেক্সনশিং প্রমোৎ তৌনবা অমসুং অমগা অমগা মতেং পাংনবা অমসুং পুন্না থবক তৌমিন্ননবা মখোয়গী ফিরেপ অদু অমুক হন্না ফোংদোকখি।

শেন্মিৎলোনগী তেংবাং পীনবা

লুচিংবশিংনা ভারত অমসুং জোর্দানগী মরক্তা লৈরিবা মপাঙ্গল কনবা লৈবাক অনিগী ওইবা ললোন-ইতিক্কী মরীবু থাগৎপা ফোংদোকখি। হৌজিক্তি মসি ২০২৪ ফাওবদা দোল্লর বিল্লিয়ন ২.৩ য়ৌরে। মসিনা জোর্দানগী খ্বাইদগী চাউবা তরেৎশুবা ললোন-ইতিক্কী পার্তনর অসি ভারতনা ওইহল্লগনি। নাকল অনিগী ওইবা ললোন-ইতিক মখা তানা হেঙ্গৎহন্নবগীদমক ললোন-ইতিক্কী পোৎলমশিং মখল কয়া থোকহন্নবগী তঙাইফদবা অদুদা মখোয়না য়ানখি। লুচিংবা অনিনা ২০২৬কী অহানবা শরুক্তা ১১শুবা ত্রেদ অমসুং ইকোনোমিক জোইন্ত কম্মিতীবু অথুবা মতমদা পাংথোক্নবা য়ানখি। মসিনা ইকোনোমিক অমসুং ত্রেদকী মরীশিংদা লাক্লিবা খোংজেল অদু য়েংশিনগনি।

লুচিংবা অনিনা জোর্দান-ইন্দিয়া বিজিনেস ফোরমগী ২০২৫গী দিসেম্বর ১৬তা চৎথরিবা খোঙচৎ অসিগী নাকলদা পাঙথোকখিবা অদু তরাম্না ওকখি। লৈবাক অনিগী অৱাংবা থাক্কী বিজিনেস দেলিগেসন অমনা লৈবাক অনিগী মরক্তা ত্রেদ অমসুং ইকোনোমিক কোওপরেসন হেন্না মপাঙ্গল কনখৎহন্নবা অমসুং পাকথোক চাউথোকহন্নবা লম্বীশিং খন্নখি।

লুচিংবশিংনা কস্তমগী লমদা তেংবাং পীনবগী মরুওইবা অদু খঙখি। মখোয়না কস্তমগী হিরমশিংদা কোওপরেসন অমসুং ম্যুচেল এদমিনিস্ত্রেতিব এসিস্তেন্সকী মতাংদা এগ্রীমেন্ত অসি মপুং ফানা শিজিন্ননবা য়ানখি। মসিগী এগ্রীমেন্ত অসিনা কস্তম লোগী মতিক চাবা শীজিন্ননবা অমসুং কস্তম ওফেন্সশিং থেংননবা ইনফোর্মেসন শেয়র তৌবদা মতেং পাংই। মসিনা লৈবাক অনিগী মরক্তা ললোন-ইতিক তৌরিবা পোৎলমশিংগী ইফিসিএন্ত ওইবা ক্লিয়রেন্সকীদমক্তা সিম্প্লিফাইদ ওইবা কস্তম প্রোসিদ্যুরশিং লৌখৎতুনা ললোন-ইতিক্কী থবকসু লাইথোকহল্লি।

লুচিংবা অনিমক্না জোর্দানগী স্ত্রেতেজিক জিওগ্রাফিক লোকেসন অমসুং এদভান্স লোজিস্তিক কেপাসিতীশিং য়েংলগা লৈবাক অনিগী মরক্তা ইকোনোমিক কোওপরেসন হেঙ্গৎহন্নবা পোতেন্সিএল অদু পনখি। মসিগী মতাংদা, নাকল অনিমক্না জোর্দানগী ত্রাঞ্জিত অমসুং লোজিতিক্সকী ইনফ্রাস্ত্রকচরগী রিজনেল ইন্তিগ্রেসন য়াওনা ত্রান্সপোর্ত অমসুং লোজিতিক্স কনেক্তিবিতী মপাঙ্গল কনখৎহনবগী মরুওইবা অদু অমুক হন্না ফোংদোকখি। মসি শরুক য়ামিন্নবা ইকোনোমিক ইন্তরেস্তশিং অমসুং প্রাইবেৎ সেক্তর কোলাবোরেসনদা খুমাং চাউশিনহন্নবা স্ত্রেতেজিক ওইবা খুদোংচাবা অমনি।

তেক্নোলোজী অমসুং এজুকেসন

নাকল অনিমক্না দিজিতেল তেক্নোলোজী অমসুং এজুকেসনগী লমদা নাকল অনিগী ওইবা তেংবাং পীনবগী মতাংদা য়েংশিনখি অমসুং দিজিতেল ত্রান্সফোর্মেসনগী মতাংদা ওফিসিএলশিংগী কেপাসিতী শেমগৎপা, দিজিতেল ত্রান্সফোর্মেস্নেল সোলুসনশিং ইমপ্লিমেন্ত তৌবদা ফিজিবিলিতী স্তদীগীদমক ইন্সতিত্যুস্নেল কোওপরেসন প্রমোৎ তৌবা অমসুং অতোপ্পা হিরমশিংদা তেংবাং পীননবা য়ানখি। লৈবাক অনিমক্কী দিজিতেল ত্রান্সফোর্মেসন ইনিসিএতিবশিং ইমপ্লিমেন্ত তৌবদা মতেং পীনবগী মখা তাবা লম্বীশিং থিজিনবদা মখোয়না য়ানখি। নাকল অনিমক্না অল হুসেন তেক্নিকেল য়ুনিভর্সিতীদা য়ুম্ফম ওইবা ইনফোর্মেসন তেক্নোলোজীদা ভারত অমসুং জোর্দান সেন্তর ওফ এক্সেলেন্সকী ইনফ্রাস্ত্রকচর অমসুং কেপাসিতী বিল্দিং প্রোগ্রামশিং পাকথোক চাউথোকহন্নবা অমসুং অপগ্রেদ তৌনবা অপাম্বা ফোঙদোক্নখি।

নাকল অনিমক্না দিজিতেল পব্লিক ইনফ্রাস্ত্রকচর (দি.পি.আই.) গী লমদা মতেং পীনবগী রোদ মেপ অদু খন্নখি। মসিগী মতাংদা, নাকল অনিমক্না দি.পি.আই.গী ইন্দিয়ন এক্সপরিয়েন্স শেয়র তৌনবগী মতাংদা এগ্রীমেন্ত অমা তৌনবগীদমক লেতর ওফ ইন্তেন্ত অমা খুৎয়েক পীনবদা নুংঙাইবা ফোংদোকখি। নাকল অনিমক্না সেফ, সেক্যুর, থাজবা য়াবা অমসুং ইনক্লুসিব দিজিতেল এনভাইরনমেন্ত অমা লৈহন্নবগীদমক পুন্না থবক তৌমিন্ননবা য়ানখি।

এজুকেসন, ইকোনোমিক গ্রোথ অমসুং সোসিএল দিভেলপমেন্তদা তেক্নোলোজীগী মরুওইবা থৌদাং অদু নাকল অনিমক্না খঙনখি অমসুং দিজিতেল ত্রান্সফোর্মেসন, গবর্নান্স অমসুং কেপাসিতী বিল্দিংগী লমশিংদা মখা তানা তেংবাং পীননবা য়ানখি।

ভারতকী মায়কৈদগী সস্তেনেবল দিবেলপমেন্ততা কেপাসিতী বিল্দিংগী মরুওইবা থৌদাং অদু ফোংদোকখি অমসুং ইনফোর্মেসন তেক্নোলোজী, লৌউ-শিংউ অমসুং হেল্থকেয়র য়াওনা হিরম কয়াদা ইন্দিয়ন তেক্নিকেল অমসুং ইকোনোমিক কোওপরেসন (আই.তি.ই.সি.) জোর্দানগী নাকলনা চৎলিবা চহি অসিদগী হৌদুনা আই.তি.ই.সি. স্লোৎশিং অসি ৩৫ দগী ৫০দা হেনগৎলকপদা থাগৎপা ফোংদোকখি।

হকশেল

লুচিংবা অনিনা হেল্থকেয়রগী লমদা পুন্না থবক তৌমিন্ননবা অচেৎপা ৱাফম থমখি। অখন্ননা তেলি-মেদিসিন অমসুং হেল্থ ৱার্কফোর্সকী ত্রেনিংদা কেপাসিতি বিল্ দিংদা তেক্নোলোজী শেয়র তৌনবা মখোয়না অচেৎপা ৱাফম থমখি। মখোয়না হকশেল অমসুং ফার্মাসিয়ুতিক্সকী মরুওইবা অদু বাইলেতরেল কোওপরেসনগী মরুওইবা পিল্লর অমা ওইনা শকখঙখি। মখোয়না মখোয়গী মীয়ামগী য়াইফনবা অমসুং সস্তেনেবল দিবেলপমেন্ত গোলশিং (এস.দি.জি.

লৌউ-শিংউ

লুচিংবশিংনা ফুদ সেক্যুরিতী অমসুং ন্যুত্রিসনগী মতাংদা লৌউ-শিংউগী সেক্তরগী মরুওইবা থৌদাং অদু শকখঙখি অমসুং সেক্তর অসিদা তেংবাং পীনবা হেনগৎহন্নবা মখোয়গী অপাম্বা ফোংদোকখি। মসিগী মতাংদা মখোয়না নাকল অনিগী মরক্তা ফর্টিলাইজরশিংগী লমদা, মরুওইনা ফোস্ফেৎশিংগী লমদা হৌজিক চৎথরিবা কোওপরেসন অদু য়েংশিনখি। মখোয়না লৌউ-শিংউ অমসুং মসিগা মরী লৈনবা সেক্তরশিংগী ইফিসিএন্সী হেনগৎহন্নবা তেক্নোলোজী অমসুং এক্সপর্সিতীগী একচেঞ্জদা মতেং পীনবা হেনগৎনবা য়ানখি।

ঈশিংগী মতেং পীনবা

লুচিংবশিংনা ৱাতর রিসোর্স মেনেজমেন্ত অমসুং দিবেলপমেন্তকী লমদা তেংবাং পীননবা এম ও য়ু খুৎয়েক পীনবদা তরাম্না ওকখি অমসুং ঈশিং কনবা লৌউ-শিংউগী তেক্নোলোজীশিং, কেপাসিতী বিল্দিং, ক্লাইমেৎ এদাপ্তেসন অমসুং প্লান্নিং অমসুং একুইফর মেনেজমেন্তগুম্বা লমশিংদা নাকল অনিগী মরক্তা তেংবাং পীনবগী মরুওইবা অদু খঙখি।

গ্রীন অমসুং সস্তেনেবল দিবেলপমেন্ত

লুচিংবশিংনা অইং অশা, অকোইবগী ফিভম হোংলকপা, সস্তেনেবল দিবেলপমেন্ত অমসুং অনৌবা অমসুং রিন্যুএবল ইনর্জী শিজিন্নবা পুক্নিং থৌগৎপগী লমদা মতেং পীনবা হেনগৎহনবগী মরুওইবা অদু খন্নখি। মসিগী মতাংদা মখোয়না অনৌবা অমসুং রিন্যুএবল ইনর্জীগী লমদা তেক্নিকেল কোওপরেসনগী এম.ও.য়ু. এম ও য়ু অসি খুৎয়েক পীনদুনা মখোয়না সাইন্তিফিক অমসুং তেক্নিকেল পর্সোনেলশিং এক্সচেঞ্জ তৌবা অমসুং ত্রেনিং পীবা, ৱার্কশোপশিং, সেমিনারশিং অমসুং ৱার্কিং গ্রুপশিং পাংথোকপা, ইক্বিপমেন্তশিং, নো-হাউ অমসুং তেক্নোলোজীশিং লল্লোন ইতিক্কী ওইবা মওংদা ত্রান্সফর তৌবা অমসুং ম্যুচেল ইন্তরেস্তকী হীরমশিংদা জোইন্ত রিসর্স নৎত্রগা তেক্নিকেল প্রোজেক্তশিং পুথোক পুশিন তৌনবা য়ানখি।

কলচরেল কোওপরেসন

নাকল অনিমক্না ভারত অমসুং জোর্দানগী মরক্তা কলচরেল একচেঞ্জ হেনগৎলক্লিবা অসিদা থাগৎপা ফোংদোকখি অমসুং ২০২৫-২০২৯গী মতমগীদমক কলচরেল একচেঞ্জ প্রোগ্রামদা খুৎয়েক পীনখিবা অদু তরাম্না ওকখি। মখোয়না ম্যুজিক, জগোয়, থীএতর, আর্ত, আর্কাইব, লাইব্রেরী অমসুং লিতরেচর, অমসুং ফেস্তিবেলশিংগী লমদা তেংবাং পীনবা হেনগৎহন্নবা ৱাখল্লোন অদু শৌগৎখি। মখোয়না আর্কিওলোজিকেল সাইৎশিং চাউখৎহনবা অমসুং খুন্নাইগী মরীশিং ফগৎহনবদা মীৎয়েং থমদুনা পেত্রা সিতি অমসুং ইল্লোরা গুহ সাইৎ অনিগী মরক্তা ত্বিন্নরিং এগ্রীমেন্ত খুৎয়েক পীনখিবা অদুসু তরাম্না ওকখি।

কনেক্তিবিতী

নাকল অনিগী মরক্তা লৈনরিবা মরী ফগৎহনবদা হকথেংননা শম্নবগী মরুওইবা অদু নাকল অনিমক্না য়ানখি। মসি ললোন-ইতিক, ইনভেস্তমেন্ত, তুরিজম অমসুং মীয়ামগী মরক্তা এক্সচেঞ্জ প্রমোৎ তৌনবগী মরু ওইবা য়ুম্বীনি অমসুং অমনা অমবু হেন্না চেৎশিন্না খঙমিন্নবদা মতেং পাংই। মসিগী মতাংদা মখোয়না লৈবাক অনিগী মরক্তা হকথেংননা কনেক্তিবিতী হেঙ্গৎহন্নবা ওইথোকপা য়াবশিং থিজিনবদা য়ানখি।

মলতিলেতরেল কোওপরেসন

ইন্তর্নেস্নেল সোলর এলাইন্স (আই.এস.এ.), কোলিসন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) অমসুং গ্লোবেল বাইওফুয়েলস এলাইন্স (জি.বি.এ.) দা ভারতনা লুচিংদুনা থবক তৌবগীদমক হিজ মজেস্তী নিংথৌ অব্দুল্লা II না থাগৎপা ফোংদোকখি। আই.এস.এ., সি.দি.আর.আই. অমসুং জি.বি.এ.দা শরুক য়ানবা জোর্দানগী অপাম্বা ফোঙদোকপবু ভারতনা তরাম্না ওকখি। নাকল অনিমক্না বাইওফ্যুলশিং অসি লৈবাক অনিগী মীয়ামগীদমক হেন্না চাউবা শেন্মিৎলোন অমসুং খুন্নাইগী চাউখৎপা পুরক্নবা অমসুং দেকার্বোনেসনগী কম্মিতমেন্তশিং ফংহন্নবা সস্তেনেবল, কার্বোন হন্থবা ওপ্সন অমা ওইনা শকখঙখি।

খোঙচৎ অসিগী অরোইবদা, প্রধান মন্ত্রী শ্রী নরেন্দ্র মোদীনা মহাক অমসুং মহাক্কী মীহুৎ কাংবুবুগা উনদুনা তরাম্না ওকপীবগীদমক হিজ মজেস্তী নিংথৌ অব্দুল্লা II বু থাগৎপা ফোংদোকখি। মহাক্না জোর্দানগী হাশেমিত কিংদমগী মরুপ ওইরিবা মীয়ামগী মখা তানা চাউখৎপা অমসুং নুংঙাই য়াইফবগীদমক মহাক্কী য়াইফ পাউজেল পীখি। মহাক্কী মায়কৈদগী মহারাজনা প্রধান মন্ত্রী নরেন্দ্র মোদী অমসুং ভারতকী মরুপ ওইরবা মীয়ামদা হেন্না চাউখৎপা ওইরসনু হায়না মহাক্কী থম্মোয় শেংনা য়াইফ-পাউজেল পীখি।

***