ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা অয়াবা পীরবা নন-গেজেত্তেদ রেলৱে ইম্প্লোইশিং (আরপিএফ/আরপিএসএফকী ইম্প্লোয়িশিং য়াওদনা)দা শেনবা চহি ২০১৬-১৭গীদমক নুমিৎ ৭৮নিগী পরদক্তিবিতী লিঙ্ক বোনস (পিএলবি) পাবগী অয়াবা পীখ্রে। ৱারেপ অসিগী কান্নবা নন-গেজতেদ রেলৱেগী ইম্প্লোয়ি লাখ ১২.৩০না ফংবগী ওইথোকপা লৈ। বোনস অসি কুম্মৈগী মতমদা ইমুং লাখ কয়ামরুমগী মাইথোংদা মোমোন মিনোক তমহন্নবগীদমক দশহরা/পূজা কুম্মৈগী মমাংদা পীগনি।

পিএলবিগী পেমেন্তনা মশিং য়াম্না রেলনে ইম্প্লোয়িশিংবু পুক্নীং থৌগৎপা, মরু ওইনা রেলৱেগী এগজিক্যুসন অমসুং ওপরেসনশিংদা লৈরিবা ইম্প্লোয়িশিংদা মখোয়গী প্রদক্তিবিতি ফগৎহনবা অমসুং রেল পেসেঞেজরশিংগী ঙাক-শেল, রেলশিংগী খোংজেল অমসুং থবক থৌরমসিং লেপথোকপদা মতেং ফংলগনি। ভারতকী রেলৱেনা অয়াম্বনা মীয়ামগী য়াইফনবগী পান্দমদা মখোয়গী থবক থৌমশিং পাইখৎলি লোইননা মসিগী মতাংদা বোনস পীবনা রেলৱেগী থবক-থৌরমদা থৌদাং য়াবা অমসুং চেকশিনবদা মতেং ওইনরগনি।

রেল ইম্প্লোয়িশিংগীদমক্তা নুমিৎ ৭৮নিগী পিএলবি পীবদা লুপা কোতি ২২৪৫.৪৫গী শেনফম চৎকনি হায়না পারি। পিএলবি পীনবগীদমক খুৎশুমন হোৎপগী অহেনবা ঙমখৈ অসি থা অমগী লুপা ৭০০০/-তা লেপ্লি। য়ারবা রেলৱে ইম্প্লোয়ি অমগী নুমিৎ ৭৮নিগী পীফম থোকপা খ্বাইদগী য়াম্বা শেনফম অসি লুপা ১৭,৯৫১নি।