ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলদা রেলৱেগী লমদা সাইন্তিফিক অমসুং তেক্নিকেল ওইবা তেংবাং পীনববু য়োকখৎনবগীদমক্তা রিসর্স দিজাইন অমসুং স্তেন্দর ওর্গনাইজেসন (আর.দি.এস.ও.), ভারত অমসুং কোরিয়া রেলরোদ রিসর্স ইন্সতিত্যুৎ (কে.আর.আর.আই.)গী মরক্তা তেংবাং পীনবদা তৌনবা য়ানা চেরোল (এম.ও.য়ু.) অমগী মতাংদা খঙহনখ্রে। য়ানা চেরোল অসিদা জলাই ১০, ২০১৮দা খুয়েক পীনখিবনি।
শাফুঃ
এম.ও.য়ু. অসিনা ভারতকী রেলৱেগীদমক্তা কোরিয়াগা পুন্না রেলগী লমদা অনৌবা চাউখৎ–থৌরাং অমসুং লৌশিং শরুক য়ামিন্নবা লোইননা মরক্তা ৱারী–ৱাতাই তৌননবা প্লেৎফোর্ম অমা ফংহল্লগনি। মসিনা লৌশিং শরুক য়ামিন্ননবগীদমক্তা অখন্নবা তেক্নোলোজীগী লমদা অমসুং অতৈ নাকল অনিগী মরক্তা ৱারী–ৱাতাই তৌনবদা মিৎয়েং থমদুনা তেক্নিকেল এক্সপর্তশিং, রিপোর্তশিং অমসুং তেক্নিকেল দোক্যুমেন্তশিং, ত্রেনিং অমসুং সেমিনরশিং/ৱর্কশোপশিং শরুক য়ামিন্নবা য়াহল্লগনি।
ৱারোলঃ
য়ানা চেরোল অসিগী মখাদা মখাদা পীরিবা মরু ওইবা লমশিংদা মিৎয়েং থমদুনা তেংবাং পীনবগী ফ্রেমৱর্ক অমা ফংহনগনিঃ–
১) নাকল অনিগী ওইবা কান্ননবগীদমক অপুনবা রিসর্স থৌরাং তৌবা অমসুং পাংথোকপা;
২) ভারত্তা খ্বাইদগী নৌবা রেলৱে রিসর্স অমসুং দিবেলপমেন্তকী খুদোংচাবা শেংগৎপদা তেংবাং পীবা;
৩) তেক্নিকেল সেমিনর নত্রগা ফোরম থৌরাং তৌবা অমসুং পাংথোকপা;
৪) কে.আর.আর.এল.গী মাইকৈদগী আর.দি.এস.ও.গী শিন্মীশিংগীদমক্তা অতেনবা মতমগী ত্রেনিং প্রোগ্রাম;
৫) অখন্নবা প্রোজেক্তশিংগীদমক অকক্নবা মতমগীদমক্তা কে.আর.আর.এল. অমসুং আর.দি.এস.ও.গী মরক্তা শিন্মীশিং পীথোক–পীশিন তৌনবা;
৬) লৈবাক অনিগী রেলৱে ইন্দস্ত্রীগী চাউখৎ–থৌরাংগীদমক্তা খন্ন–নৈনবা;
৭) নাকল অনিনা য়ানবা তেংবাং পীনবগী থবক–থৌরমশিংগী অতোপ্পা মওং।
য়ুম্ফমঃ
রেলৱে মন্ত্রালয়না তোঙান তোঙানবা লৈবাকশিংগী সরকারশিং লোইননা নেস্নেল রেলৱেশিংগা লোইননা রেলৱেগী লমদা তেক্নিকেলগী ওইবা তেংবাং পীননবা য়ানা ৱারোলদা খুৎয়েক পীনখি। তেংবাং পীনবা অদুদা হাই স্পীদ কোরিদোর, লৈরিবা রুৎশিং অসিদা খোংজেল হেনগৎহনবা, মালেমগী থাক্তা স্তেসনশিং শেমগৎপা, হেবী হোল ওপরেশন অমসুং রেলৱে ইনফ্রাস্ত্রকচর নৌথোকহনবা অসিনচিংবা য়াওরি। তেংবাং পীনবা অসি রেল তেক্নোলোজী অমসুং ওপরেসনগী লমদা লৌশিং শরুক য়ামিন্নবা, তেক্নিকেল ভিজিৎ, নাকল অনিগী কান্ননবগীদমক্তা ত্রেনিং অমসুং সেমিনরশিংদা ই–পাউ পীথোক–পীশিন তৌনদুনা পাংথোকই।
