ভারতকী প্রধানমন্ত্রী

রেলৱেজগী লমদা ভারত অমসুং জরমনী অনিগী মরক্ত অচৌবা প্রোজেক্তশিংদা মতেং পাংননবা জোইন্ত দিক্লারেসন ওফ ইন্তেন্ত (জে দি আই) প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।

কান্নবশিং:
জরমনীগী ইকোনোমিক এফিয়র্স অমসুং ইনর্জী মিনিস্ত্রীগা তৌনবা জোইন্ত দিক্লারেসন ওফ ইন্তেন্ত (জে দি আই) অসিনা রেলৱেজগী লমদা খ্বাইদগী নৌবা তেক্নোলোজী অমসুং লৌশিং কয়া ভারত রেলৱেজনা ফংনবা মফম অমা পীরগনি। জোইন্ত দিক্লারেসন ওফ ইন্তেন্ত (জে দি আই) অসিনা অখঙ-অহৈশিংগী মীফমশিং, সেমিনারশিং, তেক্নিকেল ভিজিতশিং অমসুং কোওপরেসন প্রোজেক্তশিং পুন্না পায়খৎপা ঙমহনগনি।

নুংগী ৱারোল:
হাই স্পিদ রেল, হৌজিক লৈরিবা লম্বীশিংদা স্পিদ হেনগৎহনবা, মালেম থাক্কী স্তেসনশিং শেমগৎপা, অচৌবা থবকশিং অমসুং রেলগী ইনফ্রাস্ত্রকচরশিং মতমগা চুনবা মওংদা শেমগৎনবা মতেং পাংননবা মপান লৈবাকশিংগী সরকারশিং অমসুং নেসনেল রেলৱেজশিংগা ভারতকী রেলৱেজ মিনিস্ত্রীনা এম ও য়ুশিং, এম ও সিশিং, য়ানচেশিং অমসুং জোইন্ত দিক্লারেসন ওফ ইন্তেন্ত কয়া খুৎয়েক পীনখ্রে।

এম ও য়ুশিং, এম ও সিশিং, য়ানচেশিং অমসুং জোইন্ত দিক্লারেসন ওফ ইন্তেন্ত অসিনা অখঙ-অহৈশিংগী মীফমশিং, সেমিনারশিং, তেক্নিকেল ভিজিতশিং পাংথোকপদা মতেং পাংগনি।