ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা রেলৱে সেক্তরগী তোঙান তোঙানবা লমশিংদা মতম শাংনা চৎনগদবা কোওপরেসন অমসুং পার্তনরশিপ দিব্লপ তৌনবা ভারত অমসুং মোরোকান নেস্নেল রেলৱেজ ওফিসকী মরক্তা কোওপরেসন এগ্রীমেন্ত অদু অয়াবা পীখ্রে । কোওপরেসন এগ্রীমেন্ত অসি ২০১৭কী দিসেম্বর ১৪দা খুৎয়েক পীনখিবনি ।

কোওপরেসন এগ্রীমেন্ত অসিনা মখাগী লমশিং অসিদা তেক্নিকেল কোওপরেসন ঙমহল্লগনি:-

1. ত্রেনিং অমসুং স্তাফ দিব্লপমেন্ত;
2. এক্সপার্ত মিসনশিং, এক্সপিরিয়েন্স অমসুং পর্সোনেল একচেঞ্জ তৌবা; অমসুং
3. এক্সপার্তশিং একচেঞ্জ তৌবা য়াওনা ম্যুচুয়েল তেক্নিকেল এসিস্তেন্স

য়ুমফম :

রেলৱে মন্ত্রালয়না মশিং য়াম্লবা মীরমগী সরকারশিং অমসুং নেস্নেল রেলৱেশিংগা লোয়ননা রেল সেক্তরদা তেক্নিকেল কোওপরেসনগীদমক এমওয়ুশিং খুৎয়েক পীনরি । কোওপরেসনগী মশক খংদোক্লবা লমশিংদা অয়াংবা খোংজেলগী কোরিদোরশিং, হৌজিক লৈরিবা রুতশিংদা খোংজেল হেঙ্গৎহনবা, ৱার্ল্দ ক্লাস স্তেসনশিং দিব্লপ তৌবা অমসুং রেল ইনফ্রাস্ত্রকচর মোদর্নাইজ তৌবা অসিনচিংবা য়াওরি ।

এমওয়ুশিং অসিনা ভারতকী রেলৱেজকীদমক রেলৱে সেক্তরদা খ্বাইদগী নৌবা দিব্লপমেন্তশিং অমসু নোলেজ ইন্তরেক্ত অমসুং সেয়ার তৌনবা প্লেতফোর্ম অমা পীরগনি ।  এমওয়ুশিং অসিনা তেক্নিকেল এক্সপার্তশিং, রিপোর্তশিং অমসুং তেক্নিকেল দোকুমেন্তশিং, অকক্নবা তেক্নোলোজী এরিয়াশিংদা ত্রেনিং অমসুং সেমিনার/ ৱার্কশোপশিং অমসুং নোলেজ সেয়ার তৌবগীদমক অতোপ্পা ইন্তরেক্সনশিং লাইথোকহল্লগনি ।