ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ইং ২০১৮গী জনুৱারি ১দগী হৌরগা লুপা লিশিং ২০০০ ফাওবা অমসুং মনুং চনবা ভেলুগী দেবিত কার্দ/ভিম য়ুপিআই/ আধার ইনেবল পেমেন্ত সিস্তেম (এইপিএস) পুম্নমক্কী ত্রাঞ্জেক্সনশিংদা এপ্লিকেবল ওইবা মর্চেন্ত দিস্কাউন্ত রেত (এমদিআর) অদু চহি অনিগী ওইনা কেন্দ্র সরকারনা পুথোক্তুনা মান্নবা শেনফম অদু বেঙ্কশিংদা হঞ্জিনবদা অয়াবা পিখ্রে ।
ফাইনান্স সর্বিসেস দিপার্তমেন্তকী সেক্রেতরি, ইলেক্ত্রোনিক্স অমসুং আই.তি মন্ত্রালয়গী সেক্রেতরি অমসুং নেস্নেল পেমেন্ত কোওপরেসন ওফ ইন্দিয়া (এনপিসিআই) গী সিইও য়াওবা কম্মিতী অমনা অসিগুম্বা ত্রাঞ্জেক্সনশিংগী ইন্দস্ত্রী কোস্ত স্ত্রকচর অদুদা মীৎয়েং থমগনি মদুনা রিইম্বর্সমেন্তকী লেভেলশিং অদু চপচানা লেপথোক্তুনা লানখৎকনি ।
এপ্রুবেল অসিগী মহৈ ওইনা, ভেলুদা লুপা লিশিং ২০০০দগী তাথবা ত্রাঞ্জেক্সন পুম্নমক্তা, কঞ্জুমর অমসুং ললোন ইতিক তৌরিবা অদুনা এমদিআরগী মওংদা মখল অমত্তগী অহেনবা পোৎলুম পুররোই মদুনা অসিগুম্বা মখলগী ত্রাঞ্জেক্সনশিংগীদমক দিজিতেল পেমেন্ত মোদশিং হেন্না তৌহল্লগনি । ত্রাঞ্জেক্সন ভোল্যুমগী সিজ্যেবল পর্সেনতেজকীদমক অসিগুম্বা ত্রাঞ্জেক্সনশিংগী একাউন্ত অদুদগী হৌরগা মসিনা লেস কেশ ইকোনোমী অমগী মায়কৈদা পুবদা মতেং ওইরগনি ।
ভেলুদা লুপা লিশিং ২০০০দগী তাথবা ত্রাঞ্জেক্সনশিংগা মরি লৈননা বেঙ্কশিংদা রিইম্বর্স তৌগদৌরিবা এমদিআর অসি শেনবা চহি ২০১৮-১৯দা লুপা কোতি ১,০৫০ অমসুং শেনবা চহি ২০১৯-২০দা লুপা কোতি ১,৪৬২ ওইগনি হায়না পারি ।
করিগুম্বা পেমেন্ত অসি মর্চেন্ত পোইন্ত ওফ সেলদা তৌরগদি, এমদিআর অসি মর্চেন্ত অদুনা বেঙ্ক অদুদা পিগনি । মসিগী খুদম ওইনা, মীওই কয়া অমনা দেবিত কার্দ লৈরবশু কেশ পেমেন্তশিং পাংথোক্লি । মদুগা মান্ননা, ভিম য়ুপিআই প্লেতফোর্ম অমসুং এইপিএসকী খুথাংদা ললোনবশিংদা পেমেন্ত তৌবদা এমদিআর চার্জ তৌরিবনি ।
