ভারতকী প্রধানমন্ত্রী

জম্মু অমসুং কশ্মীরদা নোংমগী খোংচৎতা ঙসি প্রধান মন্ত্রী শ্রী নরেন্দ্র মোদী লেহদা থুংখ্রে।

লেহদা মহাক্না ১৯শুবা কুশোক বকুলা রিনপোচেগী চহি চাম্মাশুবা মপোক কুমওন লোইশিনবগী থৌরমদা শরুক য়াখি। থৌরম অদুমক্ততা জোজিলা তনেল শাবা হৌনবগীদমক প্লেক অমা মহাক্না মায়খুম হাংদোকখি।

কিলোমীতর ১৪ শাংবা জোজিলা তনেল অসি ভারতকী খ্বাইদগী শাংবা রোদ তনেল ওইরগনি অমদি এসিয়াগী খ্বাইদগী শাংবা বাই-দাইসেক্সনেল তনেল ওইরগনি। প্রধান মন্ত্রী শ্রী নরেন্দ্র মোদীনা লুচিংবা ইকোনোমিক এফিয়ার্সকী মন্ত্রীমন্দলনা চহি অসি হৌরকপদা লুপা কোতি ৬৮০০ চংনা এন ঐচ-১এগী শ্রীনগর-লেহ সেক্সনদা বলতাল অমসুং মিনামার্গকী মরক্তা তনেল অসিগী কন্সত্রক্সন, ওপরেসন অমসুং মেন্তিনেন্স তৌবগী অয়াবা পীখি। তনেল অসি শেমগৎপনা শ্রীনগর, কার্গীল অমসুং লেহগী মরক্তা ওল-ৱেদর কনেক্তিবিতী ফংহল্লগনি। মসিনা জোজিলা পাস লানথোকপদা হৌজিক হৌজিক পুং অহুম মখায় চংলিবা অসি মিনিৎ ১৫দা লানথোকপা ঙমহল্লগনি।

থৌরম অদুদা তিনখিবা মীয়ামদা ৱা ঙাংলদুনা ১৯শুবা কুশোক বকুলা রিনপোচেগী মমল য়াম্লবা কন্ত্রীব্যুসন অদু প্রধান মন্ত্রীনা নৌহৌনা নিংশিংখি। অতোপ্পশিংদা মতেং পাংনবগীদমক মহাক্কী পুন্সি কত্থোকখি হায়না প্রধান মন্ত্রীনা ফোংদোকখি।
১৯শুবা কুশোক বকুলা রিনপোচেনা মহাক মশামকপু থোইদোক হেন্দোকপা দিপ্লোমেৎ অমগুম মশেক মঙাল থোকহনখি হায়না মহাক্না মখা তাখি। মহাক্কী মোঙ্গোলিয়া খোংচৎ মনুংদা মহাক মশামক লৈবাক অদুগী গুদৱিলগী ৱিথনেস ওইখি হায়না মহাক্না ফোংদোকখি।

ঙসি জম্মু অমসুং কশ্মীরগী রিজন অহুমদা চৎকদবা মহাক্কী খোংচৎ অসিদা শ্রী নরেন্দ্র মোদীনা নুঙাইবা ফোংদোকখি।
জম্মু অমসুং কশ্মীর রাজ্যনা লুপা কোতি ২৫,০০০গী মমল ওইবা দিবেলপমেন্ত প্রোজেক্তশিং ফংলগনি হায়না মহাক্না হায়খি। প্রোজেক্তশিং অসিনা রাজ্য অসিগী প্রজাদা পোজিতিব ইম্পেক্ত অমা লৈরগনি হায়না মহাক্না মখা তাখি।

****