ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা হান্নগী মপান থৌরম পুবা মন্ত্রী অমসুং ভারতকী খ্বাইদগী ইকাই খুম্নজরিবা লুচিংবশিংগী মরক্তা অমা ওইরিবা শ্রীমতী সুশ্মা স্বরাজজীবু নীংশিংদুনা পাংথোকপা লাইশোন সভাদা শরুক য়াখি। মহাক্না শ্রীমতি সুশ্মা স্বরাজজীবু থৱাই হকচাং য়াওনা ভারতকী থৌদাং লৌখিবা লুচিংবী অমা ওইনা ফোংদোকখি অমদি মহাক্কী মীচম অমা ওইবগী তোঙান তোঙানবা শক্লোনশিং অদু পাওদমখি।

মহাক্কা লোইননা থবক তৌমিন্নখিবা মীওই খুদিংমক অদু শ্রীমতী সুশ্মাজীগা লোয়ননা য়াম্না নক্ননা উন্নদুনা ৱারী শান্নবগী থৌজাল ফংখি।

মহাক্না লৌবীরম্বা থৌদাংশিং অদু নৌহৌনা নীংশিংলদুনা প্রধান মন্ত্রীনা হায়খি মদুদি ঐখোয় সুশ্মাজীগা লোয়ননা য়াম্না নক্ননা উন্নদুনা ৱারী শান্নবগী থৌজাল ফংজখি। মহাক্না মখা তাখি, “সুশ্মাজী শক্লোন য়াম্বা মীওই অমা ওইবীরম্মি অমদি মহাক্কা লোয়ননা থবক তৌমিন্নখিবা মখোয়শিং অদুনা মহাক করম্বা অফাওবা মীওইনো হায়বদু য়াম্না নক্ননা উবা ফংখি।”

শ্রীমতী সুশ্মা স্বরাজজীনা করিগুম্বা অমা মায়োক্নবদা কৈদৌনুংদা নীংহন্নখিদে

প্রধান মন্ত্রীনা মখা তাখি মদুদি শ্রীমতী সুশ্মা স্বরাজজীনা করিগুম্বা অমা মায়োক্নবদা কৈদৌনুংদা নীংহন্নখিদে। ১৯৯৯দা বরেলী লোক সভাদা মীখল থেংননবা মহাক্কী ৱারেপ অদুগী মতাংদা ঙাংলদুনা প্রধান মন্ত্রীনা হায়খি মদুদি, “ভেঙ্কৈয়া নাইদুজী অমসুং ঐহাক সুশ্মাজীগী মনাক্তা চৎতুনা মহাকপু কর্নাতক্তা চৎতুনা মীখল থেংননবা হায়খিবা অদু ঐহাক নীংশিংলি। মদুগী মহৈ অদু হান্ননা খঙলবনি, অদুবু মহাক্না মতম পুম্নমক্তা মায়োক্ননবা থৌরাং তৌদুনা লৈখি।”

প্রধান মন্ত্রীনা হায়খি মদুদি শ্রীমতী সুশ্মা স্বরাজজী শক্তি লৈবা ৱা ঙাংবা অমা ওইখি অমসুং মহাক্কী ৱারোলশিং মগুন লৈবা অমসুং ইনোৎ পীবা ওইখি।

শ্রীমতী সুশ্মা স্বরাজজীনা মপান থৌরম পুবা মন্ত্রালয়বু প্রোতোকোলদগী হেন্না মীয়ামগা মরী লৈনহনখি

প্রধান মন্ত্রীনা মখা তানা হায়খি মদুদি মহাক্না পায়রম্বা মন্ত্রীগী থৌদাং খুদিংদা শ্রীমতী সুশ্মা স্বরাজজীনা মফম অদুগী ৱার্ক কলচরদা অহোংবা অমা পুরকখি। প্রধান মন্ত্রীনা হায়খি, “কনাগুম্বা অমদি প্রোতোকোলগা লোয়ননা মপান থৌরম পুবা মন্ত্রালয়গা লোয়নৈ অদুবু সুশ্মাজীনা খোংকাপ অমা হেঙ্গৎনা থাংজিন্দুনা মপান থৌরম পুবা মন্ত্রালয়বু মীয়াম্না পাম্নবা ওইহনখি।”

শ্রীমতী সুশ্মা স্বরাজজীনা মপান থৌরম পুবা মন্ত্রী ওইরিঙৈ মতমগী মনুংদা পাসপোর্ত ওফিসশিংগী মশিং শিংথানীংঙাই ওইনা হেঙ্গৎখি

হৌখিবা চহী মঙাদা শ্রীমতী সুশ্মা স্বরাজজীনা মপান থৌরম পুবা মন্ত্রী ওইরিঙৈ মতমগী মনুংদা পাসপোর্ত ওফিসশিংগী মশিং মতৌ করম্না শিংথানীংঙাই ওইবা মওংদা হেঙ্গৎখিবগে হায়বদু প্রধান মন্ত্রীনা নৌহৌনা নীংশিংখি।

করি তৌগদবনো হায়বদু সুশ্মাজীনা প্রধান মন্ত্রীদা ফাওবা হায়বা ঙমলম্মি

য়ুনাইতেদ নেসন্স জেনরেল এসেমব্লীদা মহাক্কী অহানবা ৱা ঙাংবগী থৌদোক অমা নৌহৌনা নীংশিংলদুনা শ্রীমতী সুশ্মা স্বরাজজীনা মহাকপু মতৌ করম্না লমজিংবীখিবগে হায়বদু প্রধান মন্ত্রীনা পাওদমখি। য়ুনাইতেদ নেসন্সকী মহাক্কী ৱারোল অদু অহিং অমদা থৌরাং তৌবদা শ্রীমতী সুশ্মা স্বরাজজীনা মতৌ করম্না তেংবাংখি হায়বগী থৌদোক অদু মহাক্না নৌহৌনা নীংশিংখি।

বন্সুরীদা শ্রীমতী সুশ্মা স্বরাজজীগী মওং মতৌ অদু উবা ফংলি: প্রধান মন্ত্রী

প্রধান মন্ত্রীনা বন্সুরিদা শ্রীমতী সুশ্মা স্বরাজজীগী মওং মতৌ অদু উবা ফংলি হায়খি অমদি মহাক্না হোৎনরিবশিং অদুগীদমক মহাকপু থাগৎপা ফোংদোকখি।

প্রধান মন্ত্রীনা লৈখিদ্রবা শ্রীমতী সুশ্মা স্বরাজজীগী মপুরোইবা স্বরাজ কৌশলজী অমসুং মচানুপী বন্সুরীগী মফমদা অৱাবা ফোংদোকখি।

লাইশোল সভা অদুদা শরুক য়াখিবা শক্নাইরবা মীওইশিংগী মনুংদা অবদেশ অনন্দ গিরী, হান্নগী মন্ত্রী দিনেশ ত্রিভেদী, এম.পি. পিনাকা মিশ্রা, মন্ত্রী রাম বিলাস পস্বান, এম.পি. সতিশ চন্দ্র মিশ্রা, এম.পি. রজিব রঞ্জন, এম.পি. তিরুচী সিব, এম.পি. এ. নবনীথকৃষ্ণ, এম.পি. নম্ম নাগেশ্বর রাও, হান্নগী এম.পি. শরদ য়াদব, মন্ত্রী অর্বিন্দ সাৱন্ত, এম.পি. প্রেম চান্দ গুপ্তা, এম.পি. সুখবির সিংহ বাদল, এম.পি. অনুপ্রিয়া পতেল, এম.পি. অনন্দ শর্ম, গৃহ মন্ত্রী অমিত সাহ, ঙাকশেল মন্ত্রী রাজনাথ সিংহ, দা. কৃষ্ণ গোপাল অমসুং শ্রী জে.পি. নদ্দা য়াওখি।