ভারতকী প্রধানমন্ত্রী

পুৱারি ওইরবা খোঙথাং অমদা, ঙসি ভিদিও কনফরেন্সগী খুৎথাংদা, লৈবাক শীনবা থুংনা রেলৱে স্তেসন ৫০৮ অমুক হন্না শেমগৎনবা প্রধান মন্ত্রী শ্রী নরেন্দ্র মোদীনা উরেপ-উয়ুং তমখ্রে।  হায়রিবা স্তেসনশিং অসি লুপা করোর ২৪,৪৭০ চঙনা শেমগৎকনি। রাজ্যশিং অমসুং য়ুনিয়ন তেরিতোরি ২৭ শীনবা থুংনা লৈরিবা স্তেসন ৫০৮ অসিগী মনুংদা উত্তর প্রদেসতা স্তেসন ৫৫, রাজস্থান্দা স্তেসন ৫৫, বিহারদা ৪৯, মহারাস্ত্রাদা ৪৪, নোংচুপ বেঙ্গলদা ৩৭, মধ্য প্রদেসতা ৩৪, অসামদা ৩৭, ওরিসাদা ২৫, পঞ্জাবতা ২২, গুজরাত্তা ২১, তেলাঙ্গানাদা ২১, ঝারখন্দদা ২০, অন্ধ্র প্রদেসতা ১৮, তামিল নাদুদা ১৮, হরিয়ানাদা  ১৫, কর্নাতকাদা ১৩ নি।

থৌরম অদুদা ৱা ঙাংবদা প্রধান মন্ত্রীনা হায়খি অমৃত কাল হৌরকপদা চাউখৎলবা ভারতকী পান্দম ফংনবা অনৌবা ভারতনা য়াংনা চঙশিল্লি। অনৌবা থৌনা, অপাম্বশিং অমসুং ৱারেপশিংগী মঙালদা অনৌবা তাঙ্কক অমা হৌরে। মসি ভারত রেলৱেগী পুৱারিদা অনৌবা তাঙ্কক অমা হৌরে। লৈবাক অসিদা মরুওইবা স্তেসন ১৩০০ অমৃত ভারত স্তেসনশিং ওইনা হন্না শেমগৎলগনি। স্তেসন ১৩০০গী মনুংদা লুপা করোর ২৫,০০০ চঙনা অমৃত ভারত স্তেসন ৫০৮ শেমগৎনবা উরেপ-উয়ুং তম্লে।

প্রধান মন্ত্রীনা হায়খি হন্না শেমগৎনবা প্রোজেকশিং অসিনা লৈবাক অসিদা ইনফ্রাস্ত্রকচর শেমগৎনবা অচৌবা খোঙজং অমা ওইগনি অমসুং মসিনা রেলৱে অমসুং মীয়াম কান্নবা পীগনি। উত্তর প্রদেস অমসুং রাজস্থান্দা লুপা করোর ৪,০০০ রোম চঙনা অমৃত স্তেসন ৫৫, মধ্য প্রদেসতা লুপা করোর ১,০০০গী স্তেসন ৩৪, মহারাস্ত্রাদা লুপা করোর ১,৫০০গী স্তেসন ৪৪ অমসুং তামিল নাদু, কর্নাতকা অমসুং কেরলাদা মরুওইবা স্তেসনশিং শেমগৎকনি। পুৱারি ওইরবা প্রোজেক অসিগীদমক প্রধান মন্ত্রীনা রেলৱে মিনিস্ত্রি অমসুং মীয়ামদা হরাওবা ফোঙদোকখি।

প্রধান মন্ত্রীনা হায়খি ঙসিদি মালেম শীনবা থুংনা ভারত্ত মাই ওশিল্লে । মালেম্না ভারত্ত য়েংলিবা মীৎয়েং হোঙলে। ভারতকী মীয়াম্না তুংদু-লৈতাবা মপুংফানা মেজোরিতি ফংবা সরকার অমা খনখিবা অমসুং মখোয়গী অনিংবশিং থুংনবা সরকারনা মীয়ামগী চাউখৎ-থৌরাংগী থবকশিং চোকথবা নাইদনা পায়খৎপদগী মালেমনা ভারত্ত থাজবা থম্লকপনি। হৌখিবা চহি ৯ অসিদা লৈবাক অসিদা শেমগৎখিবা রেলৱে ত্রেকশিং অসি খা অফ্রিক, য়ুক্রেন, পোলেন্দ, য়ু.কে অমসুং সুইদেনগী অপুনবা রেলৱে নেতৱার্ক্তগী হেল্লে। হৌখিবা চহি খক্তদা, ভারত রেলৱেনা খা কোরিয়া, নিউ জিলেন্দ অমসুং অস্ত্রেলিয়াগী অপুনবা রেলৱে নেতৱার্ক্তগী হেন্না ত্রেকশিং শেমগৎখি। রেলগী খোঙচৎ অসি ইরাই লাইনা ফংনবা অমসুং নুংঙাইহন্নবা সরকারনা থবক পায়খৎলি। ত্রেন্দগী হৌরগা স্তেসন ফাওবদা খ্বাইদগী নুংঙাইবা খুদোংচাবা পীনবা থবক পায়খৎলি। প্লেতফোর্মশিং হেন্না নুংঙাইবা ফম্ফমশিং, ত্রেন ঙাইফমশিং ফগৎহনবা অমসুং স্তেসন লিশিং কয়াদা লেম্না ৱাই.ফাই ফংনবা থবক পায়খৎলে।

প্রধান মন্ত্রীনা হায়খি লৈবাক অসিদা রেলৱে অসি হিংনবগী লম্বী অমনি। সহরগী ময়াইদা লৈরিবা রেলৱে স্তেসনশিংগা লোয়ননা সহরশিংগী মশক তাক্লি। স্তেসনশিং মতমগা চুনবা মওংদা শেমগৎপা হায়বসি তঙাইফদবনি। স্তেসন কয়া মতমগা চুনবা  মওংদা শেমগৎপা অসিনা লৈবাক অসিদা চাউখৎপগী অনৌবা ফিবম অমা শেমগৎকনি অমসুং য়েংবা লাকপা মীওইশিংগী পুক্নিং চঙশিনগনি। স্তেসনশিং হন্না শেমগৎপা অসিনা তুরিজম চাউখৎহনবা খক নত্তনা অনকপা মফমশিংদা শেন-থুম তান্নবগী থবকশিং হেনগৎহনগনি। ‘স্তেসন অমা, পোৎথোক অমা’ স্কিম অসিনা খুৎহৈবশিং মতেং পাংগনি অমসুং জিলা অমগী ব্রান্দ শেমগৎপদা মতেং পাংগনি।

প্রধান মন্ত্রীনা হায়খি অজাদি কা অমৃত কালদা কনাগুম্বা অমগী হেরিতেচগী চাউথোকপা ফাউনবা লৈবাক অসিনা ৱারেপ লৌরে। অমৃত রেলৱে স্তেসনশিং অসি কনাগুম্বা অমগী হেরিতেচগী চাউথোকচবগী খুদম অমা ওইগনি অমসুং মীওই খুদিংমক্তা চাউথোকচবা পোকহনগনি। জয়পুর রেলৱে স্তেসন্দা হৱা মহল অমসুং  রাজস্থান্দা লৈবা অমর ফোর্তকী শক্তম য়াওগনি, জে অমসুং কেদা জম্মু তাৱি রেলৱে স্তেসন্দা মমিং লৈরবা রঘুনাথ মন্দিরগী মমি তাগনি অমসুং নাগালেন্দগী দিমাপুর রেলৱে স্তেসন্দা রাজ্য অদুগী তোঙান-তোঙানবা ত্রাইব ১৬গী য়ুমশারোল মমি তাহনগনি। রেলৱে স্তেসন খুদিংমক লৈবাক অসিগী অরিবা হেরিতেচগা লোয়ননা অনৌবা মতমগী অপাম্বশিংগী খুদম অমা ওইগনি। ভারত গৌরব যাত্রা ত্রেনশিংনা পুৱারিগা মরী লৈনবা মফমশিং অমসুং লাই খুরুমফমশিং শম্নবা মপাঙ্গল কনখৎহল্লে।

লৈবাক্কী শেন-থুম চাউখৎহনবদা রেলৱেগী থৌদাংগী মতাংদা প্রধান মন্ত্রীনা হায়খি রেকোর্দ ওইনা রেলৱেদা শেন থাদরে। চহি অসিদা রেলৱেদা লুপা করোর লাখ ২.৫ গী বজেত অমা পীখ্রে, মসি ২০১৪দগী শরুক ৫ হেল্লবনি। অচুম্বা থৌরাং অমগা লোয়ননা রেলৱে মপুংফানা চাউখৎহন্নবা থবক পায়খৎলি। হৌখিবা চহি ৯দা লোকোমোতিপশিং পুথোকপা শরুক ৯ হেনগৎলে। ঙসি ঐচ.এল.বি কোচশিং শরুক ১৩ হেন্না পুথোক্লে।

অৱাং-নোংপোক্তা রেলৱে য়ৌহনবগী মতাংদা প্রধান মন্ত্রীনা হায়খি লাইনশিং অনি শুহন্নবা থবকশিং, গেজ ওনখৎপা, মৈ ফংহনবা অমসুং অনৌবা লম্বীশিং শেম্বগী থবকশিং য়াংনা পায়খৎলি। অথুবা মতমদা অৱাং-নোংপোক রাজ্যশিংগী কোনুংশিং রেলৱে নেতৱার্কনা শম্নরগনি। চহি ১০০গী মতুংদা নাগালেন্দগী অনিশুবা স্তেসন লৈরে। লমদম অসিদা অনৌবা রেলৱে লাইনশিং থবক হৌবা শরুক অহুম হেনগৎলে।

প্রধান মন্ত্রীনা হায়খি হৌখিবা চহি ৯দা  কিমি ২২০০০গী দেদিকেতেদ ফ্রেদ কোরিদোরশিং শেমগৎতুনা পোৎ পুবা ত্রেনশিং চেনবগী মতম হন্থহল্লে। হৌজিক নোংচুপ থংবা হিথাংফমশিংদগী দিল্লিদা পুং ২৪গী মনুংদা পোৎ-চৈশিং য়ৌরক্লে, মসি মমাঙদা পুং ৭২ হেন্না চঙলম্বা থবক অমনি। অতোপ্পা লম্বীশিংদসু চাদা ৪০ হেন্না মতম হন্থবদগী ওন্ত্রেপ্রেনিউয়রশিং, উদোগকী মীওইশিং অমসুং লৌমীশিং কান্নবা য়াম্না ফংলে।

রেলৱেগী থোঙশিং ৱাৎপগী খুদোংচাদবশিং মতাংদা প্রধান মন্ত্রীনা হায়খি ২০১৪গী মমাঙদা রেলৱেগী লৈকং থোং অমসুং অন্দরব্রিজ ৬০০০ লৈরমখি, ঙসিদি মশিং অসি ১০,০০০ হেল্লে। হৌজিক মী শেন্নদবা লেভেল ক্রোসিং অমতা লৈত্রে। অহলশিং অমসুং দিবয়াংশিংগী দরকার ওইবশিং ফংহন্নবা অখন্নবা মীৎয়েং চঙলে।  

প্রধান মন্ত্রীনা হায়খি ভারতকী রেলৱে স্তেসনশিং মতমগা চুননা অমসুং অকোয়বগী ফিবম শোকহন্দনবা শেমগৎপা অসি ঐখোয়না মরুওইনা লৌরি। অথুবা মতমদা রেল লাইনশিং চাদা ১০০ মৈ ফংহল্লগনি,মসিনা ভারত্তা ত্রেনশিং মৈ খক্তনা চেল্লগনি। হৌখিবা চহি ৯, সোলার পেনেলশিংনা রেলৱে স্তেসনশিংদা মৈ ফংহনবা চাদা ১২০০ হেল্লে। তুংদা রেলৱে স্তেসন খুদিংমক্তগী মৈ পুথোক্নবা সরকারনা পান্দম থম্লি। কোচ ৭০,০০০ রোমদা এল.ই.দি লাইতশিং থাল্লে অমসুং ত্রেনশিংদা বাইওতোইলেতশিং শীজিন্নবা শরুক ২৮ হেনগৎলে। অমৃত স্তেসন খুদিংমক গ্রিন বিল্দিংশিংগী কাংলোনশিং ঙাক্না শাগনি। ২০৩০ ফাওবদা, রেলৱে নেতৱার্ক শীনবা থুংনা মৈখু থাদোক্তবা লৈবাক অমা ভারত ওইরগনি।

প্রধান মন্ত্রীনা হায়খি ঐখোয়গী নুংশিরবা মীওইশিং অমগা অমগা উন্নবা, লৈবাক অসি শম্ননবা চহি কয়া রেলৱেনা থবক তৌদুনা লাক্লি। রেলৱেগী হেন্না ফবা শক্তম অমসুং তুংগী চাউখৎপগা শম্নহনবা হায়বা হৌজিক ঐখোয়গী থৌদাংনি। নেগেতিপ পোলিতিক্সতগী লাপথোক্তুনা,পান্দম অমগা লোয়ননা লৈবাক চাউখৎনবা ঐখোয়না থবক পায়খৎলি অমসুং ভোৎ ফংনবা হোৎনদনা অমসুং দলগী রাজনিতি তৌদনা মসিনা হেন্না মরুওইনা লৌরি।

প্রধান মন্ত্রীনা হায়খি রেলৱেনা নহারোল লাখ ১.৫ হেনবদা থবক পীরি। ইনফ্রাস্ত্রকচরদা লুপা করোর লাখ কয়া থাদুনা থবক পীরে। রোজগার মেলাগী খুৎথাংদা কেন্দ্র সরকারনা কেম্পেন অমা পায়খৎতুনা নহারোল লাখ ১০দা থবক পীরে। মসি চাউখৎ-থৌরাংনা নহারোলশিংদা অনৌবা খুদোংচাবশিং পীরিবা অহোংবা পুরক্লবা ভারতক অমগী শক্তমনি অমসুং লৈবাক অসি চাউখৎপদা নহারোলশিংনা অনৌবা মতেং পাংলে।

প্রধান মন্ত্রীনা হায়খি ঙসিগী থৌরম অসিদা নিংতম লান্মীশিং অমসুং পদ্ম ফংলবশিং শরুক য়াবা অসিনা থৌরম অসি হেন্না মশক থোকহল্লে। ওগস্ত অসি লৈবাক নিংবা, তৌবীমল খঙবা উৎপা অমসুং ইথৌ পাংথোকপগী থানি। ওগস্ত থাদা ভারতকী পুৱারিদা অনৌবা মাইওন তাকখিবা পুৱারিগী থৌদোক কয়া থোকখি। ওগস্ত ৭দা পাংথোক্লিবা জাতিগী হেন্দলুমগী নুমিৎ অসি শ্বাদেসি মুভমেন্তদা কৎথোক্লে। ওগস্ত ৭ অসি ভারমচা খুদিংমক্না ভোকেল ফোর লোকেলগী অমুক হন্না ৱাশক লৌগদবা নুমিৎ অমনি। গনেস চতুর্থি কুহ্মৈ অসি অকোয়বগী ফিবম শোকহন্দবা মওং অমদা পাংথোক্কদবনি। অকোয়বগী ফিবম শোকহন্দবা মচাকশিংনা মীতমশিং শানবা হোৎনগদবনি। লমদম অমগী খুৎহৈবশিং অমসুং অপীকপা ওন্ত্রেপ্রেনিউয়শিংগী পোৎথোকশিং ঐখোয়না লৈগদবনি।

প্রধান মন্ত্রীনা হায়খি ওগস্ত ৯দা হৌখিবা ভারত থাদোকউ খোঙজংনা ভারতকী নিংতম ইহৌদা অনৌবা থৌনা অমা হাপখি। মসিনা ইথিল পীদুনা, ফত্তবা, শেঞ্জা-থুমজা, শাগৈ অমসুং পেনহনবগী থবক খুদিংমক্তগী ভারত মনিং তমহন্নবা ঙসি লৈবাক শীনবা থুংনা লাউরি।

প্রধান মন্ত্রীনা হায়খি লৈবাক অসি খাইদোক্নবা মতমদা মীশিং থিঙমদ্রবা মীওই কয়া শিখি অমসুং ঐখোয়না পার্তিসন হোরোর রিমেমব্রেন্স দে পাংথোক্নবা থৌরাং তৌরি। ঐখোয়গী নিংতম্বা নুমিৎ অসি ঐখোয়গী মচু অহুমগী ফিরাল অমসুং ঐখোয়গী লৈবাক্কী চাউখৎপদা  ঐখোয়না অমুক হন্না থাজবা থমগদবা মতম্নি। হৌখিবা চহিগুম, চহি অসিদসু, ঐখোয়না য়ুমথোং খুদিংদা মচু অহুমগী ফিরাল পাইহনগদবনি। মীয়াম্না থৌরম অসি থৱায় য়াওবা সোসিএল মেদিয়াদা উরে অমসুং মীওই খুদিংমক কেম্পেন অসিদা শরুক য়াগদবনি।

প্রধান মন্ত্রীনা হায়খি মীয়াম্না তেক্স পীখিবা অদু লৈবাক শেমগৎনবা থবকশিংদা শীজিন্নরে হায়বা ঙসিদি মীয়ামগী পুক্নিংদা ফাওরে। খুদোংচাবা কয়া পীবা অমসুং হিংবদা লাইবদগী তেক্স  থিবা মীওই মশিং হেনগৎলক্লে। মতম অমদা লৈবাক অসিদা লুপা লাখ ২গী ইনকম তেক্স থিরমখি অমসুং হৌজিক লুপা লাখ ৭ ফাওবা ইনকম তেক্স থিদ্রে। লৈবাক অসিদা ইনকম তেক্স খোমগৎপা হেনগৎলে অমসুং লৈবাক অসিদা মিদল ক্লাস মশিং হেনগৎলে হায়বগী ময়েক শেংলবা পাউজেল অমা পীরে।

প্রধান মন্ত্রীনা হায়খি চহি অসিদা ইনকম তেক্স রিতর্ন ফাইল তৌবা চাদা ১৬ হেনগৎলে অমসুং সরকারদা থাজবা থম্বা হেনগৎলে হায়বা মসিনা তাক্লে। কমদৌনা রেলৱেশিং হন্না শেমগৎপগে অমসুং মেত্রো পাকথোক-চাউথোকহনবগে হায়বা ঙসি মীয়াম্না উরে। অনৌবা এক্সপ্রেসৱেশিং অমসুং এয়রপোর্তশিং শেমগৎলে অমসুং তেক্স থিবশিংগী শেন্না অনৌবা ভারত অমা শেমগৎনবা থবক পায়খৎলে হায়বগী ৱাখল ফাওরে। রেলৱে স্তেসন ৫০৮ হন্না শেমগৎপা অসি মাইকৈ অসিদা থাংজিনবা খোঙথাং অমনি। অমৃত ভারত স্তেসনশিং অসিনা ভারত রেলৱে অনৌবা থাক অমদা অওনবা পুরক্কনি হায়না ঐনা থাজবা পীরি।

নুঙগীৱারোল

অৱাংবা থাক্কী মীয়ামগী চৎথোক-চৎশিনগী থবকশিং শেমগৎনবা প্রধান মন্ত্রীনা য়াম্না তোইনা থাজবা পীরি। রেলৱে অসি লৈবাক শীনবা থুংনা মীয়াম চৎথোক-চৎশিন তৌনবা খ্বাইনা পাম্নবা পাম্বৈ অমা ওইরি, রেজৱে স্তেসনশিংদা মালেম থাক্কী খুদোংচাবশিং ফংহনবগী মরুওইবা অদু প্রধান মন্ত্রীনা পনখি। মহাক্কী পান্দম অদুনা লমজিংদুনা, লৈবাক শীনবা থুংনা লৈরিবা রেলৱে স্তেসন ১৩০৯ অমুক হন্না শেমগৎনবা অমৃত ভারত স্তেসন স্কিম হৌদোকখ্রে।

স্কিম অসিগী শরুক অমা ওইনা, স্তেসন ৫০৮ অমুক হন্না শেমগৎনবা প্রধান মন্ত্রীনা উরেপ-উয়ুং তমখিবনি। হায়রিবা স্তেসনশিং অসি লুপা করোর ২৪,৪৭০ চঙনা শেমগৎকনি। সহরগী নাকল অনিমক অমতা ওইনা পুনশিন্দুনা স্তেসনশিং ‘সিতি সেন্তরশিং’ ওইনা শেমগৎনবা মাস্তর প্লানশিং থৌরাং তৌরে। রেলৱে স্তেসনগী অকোইবা মফমশিং, সহরগী মফমশিং শেমগৎনবা অচুম্বা অপুনবা থৌরাং পায়খৎলে।

রাজ্যশিং অমসুং য়ুনিয়ন তেরিতোরি ২৭ শীনবা থুংনা লৈরিবা স্তেসন ৫০৮ অসিগী মনুংদা উত্তর প্রদেসতা স্তেসন ৫৫, রাজস্থান্দা স্তেসন ৫৫, বিহারদা ৪৯, মহারাস্ত্রাদা ৪৪, নোংচুপ বেঙ্গলদা ৩৭, মধ্য প্রদেসতা ৩৪, অসামদা ৩৭, ওরিসাদা ২৫, পঞ্জাবতা ২২, গুজরাত্তা ২১, তেলাঙ্গানাদা ২১, ঝারখন্দদা ২০, অন্ধ্র প্রদেসতা ১৮, তামিল নাদুদা ১৮, হরিয়ানাদা  ১৫, কর্নাতকাদা ১৩ নি।

অমুক হন্না শেমগৎপা অসিনা অনৌবা খুদোংচাবশিং ফংহনবগা লোয়ননা মপুংফানা নিংথিনা দিজাইন তৌরবা ত্রাফিক, ইন্তর-মোদাল ইন্তেগ্রেসন অমসুং পেসেঞ্জরশিং লমজিংনবা দিজাইন তৌরবা সাইন্নেজশিং য়াওগনি। মফম অদুগী নাৎ, হেরিতেচ অমসুং য়ুমশারোলদা য়ুম্ফম ওইদুনা স্তেসনগী বিল্দিং দিজাইন তৌগনি।

Under Amrit Bharat Station Scheme, 508 railway stations are set to be redeveloped, leading to a significant transformation of rail infrastructure in India. https://t.co/RavZz4l9Lc

— Narendra Modi (@narendramodi) August 6, 2023

विकसित होने के लक्ष्य की तरफ कदम बढ़ा रहा भारत, अपने अमृतकाल के प्रारंभ में है।

नई ऊर्जा है, नई प्रेरणा है, नए संकल्प हैं।

इसी आलोक में आज भारतीय रेल के इतिहास में भी एक नए अध्याय की शुरुआत हो रही है: PM @narendramodi pic.twitter.com/anP3WbcCaj

— PMO India (@PMOIndia) August 6, 2023

अब ट्रेन से लेकर स्टेशन तक एक बेहतर experience देने का प्रयास है। pic.twitter.com/SXyzXqMAp9

— PMO India (@PMOIndia) August 6, 2023

हर अमृत स्टेशन, शहर की आधुनिक आकांक्षाओं और प्राचीन विरासत का प्रतीक बनेगा। pic.twitter.com/UVKutH329q

— PMO India (@PMOIndia) August 6, 2023

नॉर्थ ईस्ट में रेलवे के विस्तार को भी हमारी सरकार ने प्राथमिकता दी है। pic.twitter.com/CXIyyzXeRh

— PMO India (@PMOIndia) August 6, 2023

हमारा जोर भारतीय रेलवे को आधुनिक बनाने के साथ ही पर्यावरण friendly बनाने पर है। pic.twitter.com/4t987rcVEv

— PMO India (@PMOIndia) August 6, 2023

हर भारतीय के लिए अगस्त बहुत विशेष महीना होता है।

ये महीना क्रांति का है, कृतज्ञता का है, कर्तव्य भावना का है: PM @narendramodi pic.twitter.com/LrOzIjTNbF

— PMO India (@PMOIndia) August 6, 2023

****