ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা লৌউ–শিংউ অমসুং মসিগী মরি লৈনবা হিরমশিংদা মতেং পীননবা ভারত অমসুং উজবেকিস্থানগী মরক্তা য়ানচে ইনবদা অয়াবা পীরে।
মখাগী হিরমশিং অসিদা মতেং পীনবদা ভারত অমসুং উজবেকিস্থান্না য়ারে:
য়ানবা অসি থবক ওইনা পায়খৎলকপা মতমদা থোরকপা খুদোংচাদবশিং লোইশিন্নবা লৈবাক অনিগী মীহুৎশিং য়াউবা জোইন্ত ৱার্কিং গ্রুপ অমা লিংখৎপা য়ানচে অসিদা য়াউরি অমসুং মসিনা নাকল অনিনা পায়খৎলকপা থবকশিং মতম মতমগী ওইনা য়েংশিনগনি। ৱার্কিং গ্রুপ অদুগী মীফম অদু চহি অনি কান্ন-কান্ননা ভারত অমসুং উজবেকিস্থানদা পাংথোক্কনি। য়ানচে অসি খুৎয়েক পীনবা হৌবদগী চৎনগনি অমসুং মসি চহি ৫ চৎনগনি অমসুং মখা তানা চহি ৫ মশা মরোমদোম শাংদোক্কনি। য়ানচে অসি লোইশিন্নবা নাকল অনিনা নোতিস থানরবা নুমিৎ অদুদগী থা ৬কী মতুংদা য়ানচে অদু থুপচিনগনি।
