ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা প্রধান মন্ত্রী কিসান সম্মান নিধী মপুং ফানা পাকথোক চাউথোকহনবদা অয়াবা পীখ্রে। ৱারেপ অসিনা লৌমী খুদিংমকপু স্কিম অসিগী মখাদা পীরিবা কান্নবশিং ফংহনবা ঙমহল্লগনি।

কান্নবা ফংবা হেঙ্গৎহনবা, চাউখৎপা হেঙ্গৎহনবা:

নৌনা শেমদোক্লবা স্কিম অসিনা কেন্দ্র সরকারগী চাদিং লুপা কোতি ৮৭,২১৭.৫০ অমগা লোয়ননা চাউরাক্না অহেনবা লৌমী কোতি ২ হেন্না কোন্সিন্দুনা ২০১৯-২০দা প্রধান মন্ত্রী-কিসান স্কিম্না কোনশিনবা বেনিফিসরীগী মশিং কোতি ১৪.৫ ওইরগনি।

স্পীদ, স্কেল অমসুং অচৌবা ৱাশক অমা পাংথোকপা:

ঙসি মন্ত্রীমন্দলনা লৌখিবা প্রধান মন্ত্রী-কিসান স্কিম পাকথোক চাউথোকহন্নবগী ৱারেপ অসিনা ২০১৯গী পর্লিয়ামেন্তকী মীখল মনুংদা ভারতকী প্রধান মন্ত্রীনা ভারতকী মীয়ামদা শকখিবা অচৌবা ৱাশক অদু মপুং ফাহল্লে। বি.জে.পি.গী মেনিফেস্তোদসু অসিগুম্লবা অচৌবা পোলিসীগী ৱাফম য়াওরি।

মসিনা ঝারখন্দা লেন্দ রেকোর্দ অপদেত তৌদবা অমসুং অসম, মেঘালয় অমদি জম্মু অমসুং কাশ্মীর রাজ্যশিংদা আধার য়ৌশিনবা ঙমদ্রিবা অসিনচিংবা ওপরেস্নেল ইশুশিংসু রিজোল্ব তৌরে।  

পি.এম – কিসান: লৌমীশিংগীদমক তেংবাং পীনবা লম্বী অমা

পি.এম.-কিসান য়োজনা হৌদোকপগী মতম ২০১৯-২০২০ চহীগী ইন্তরিম বজেৎতা দেত বেক তৌরে।

পি.এম.-কিসানগী মরুওইবা মচাক্তি লৈবাক্কী মফম খুদিংদা লৌ উনবা লম হেক্তর ২ ফাওবা লৈরিবা অপীকপা অমসুং শোত্থরবা লৌমী ইমুংশিংদা লুপা ৬,০০০কী শেলগী তেংবাং পীবনি। (ঙসিদি মসি হেন্না পাকথোক চাউথোকহল্লে)

শেনফম অসি চহীগী ওইনা থা ৪গী থেংখাং অহুমলক্তা লুপা ২,০০০/২,০০০ রিলিজ তৌরি, মদু দাইরেক্ত বেনিফিৎ ত্রান্সফর মোদকী খুত্থাংদা বেনিফিসরীশিংগী বেঙ্ক একাউন্তশিংদা হাপচিল্লগনি।

স্কিম অসি উত্তর প্রদেশকী গোরখপুরদা অচৌবা থৌরম অমদা ফেব্রুৱারীগী তাং ২৪দা হপ্তা ৩গী রেকোর্দ তাইম অমগা লোয়ননা হৌদোকখি, মফম অদুদা লৌমী কয়াদা ইন্সতোলমেন্তকী অহানবা ফেজগী শেনফম পীখি।

হৌজিক ফাওবদা লৌমী ইমুংশিংগী বেঙ্ক একাউন্তশিংদা দাইরেক্ত ওইনা বেনিফিসরী কোতি ৩.১১দা অহানবা ইন্সতোলমেন্ত অমদি বেনিফিসরী কোতি ২.৬৬তা অনিশুবা ইন্সতোলমেন্ত পীখ্রে। 

অনৌবা থৌনা–লিংজেলগা লোয়ননা ভারতকী অন্নদাতাশিংবু সেবা তৌবা

প্রধান মন্ত্রী নরেন্দ্র মোদীনা ভারতকী লৌমীশিংগীদমক নোল্লুকপা ৱাফম থম্লি। মহাক্না ভারতকী লৌমীশিংবু ভারত মচা বিলিয়ন ১.৩বু পীজ-পীথকপা ঙম্নবা কন্না হোৎনরিবা অন্নদাতাশিংনি হায়না শিংথারি।

২০১৪ অমসুং ২০১৯গী মরক্তা অকনবা থবক শুরিবা লৌমীশিংবু শক্তি লৈহন্নবগীদমক খোংথাং কয়া অমা পায়খৎখ্রে। মসিগী মনুংদা মহৈ-মরোং ২২গী মিনিমম সপোর্ত প্রাইস (এম.এস.পি) হেঙ্গৎপা, সোইল হেল্থ কার্দ, প্রধান মন্ত্রী সিঞ্চাই য়োজনা, প্রধান মন্ত্রী কিসান সম্পদা য়োজনা, হেন্না ফবা কৈথেলগীদমক ই-মার্কেৎ অমদি অতোপ্পা কয়া অমা য়াওরি। ভারতনা নীংতম্বগী ৭৫শুবা মপোক কুমওন ২০২২ ফাওবদা লৌমীশিংগী শেন্থোক শরুক অনি ওইহন্নবা প্রধান মন্ত্রীগী মংলান অদু মপুং ফাহন্নবা মখোয়না চংশিনবা তাই।