ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা শক্তি লৈবা “তেক্লোলোজি গ্রুপ” অমা শেম্বা য়ারে ।

অকুপ্পশিং :

ভারত সরকারগী প্রিন্সিপাল সাইন্তিফিক এদভাইজরনা মসিগী চেয়রমেন ওইবা মেম্বর ১২ লৈবা তেক্নোলোজি গ্রুপ অমা শেম্বা মন্ত্রীমন্দলনা অয়াবা পীরে । গ্রুপ অসিনা মতম চানা খ্বাইদগী নৌবা তেক্নোলোজিশিং, মেপ্পিং তেক্নোলোজি অমসুং তেক্নোলোজি প্রদকশিং, লৈবাক্কী লেবোরেতোরিশিং অমসুং সরকারগী আর অমসুং দি লুপশিংনা পুথোকপা তেক্নোলোজিশিং শেন তানবা, অখন্নবা মরুওইবা তেক্নোলোজিশিং মশা মরোদোম শেমগৎনবা লম্বী শেম্বা অমসুং তেক্নোলোজি শেমগৎনবা চুনবা আর অমসুং দি প্রোগ্রামশিং খনবগী মতাংদা পাউতাক পীগনি ।

অচৌবা কান্নবা

তেক্নোলোজি গ্রুপ অসিদা য়াওগনি :-

a. তেক্নোলোজি পীগদবা অমনা শেমগৎকদবা তেক্নোলোজি অমসুং তেক্নোলোজি লৈনবগী থৌশিলগী মতাংদা খ্বাইদগী ফবা পাউতাক পীগনি ;

b. নৌনা পুথোরকপা তেক্নোলোজিশিং শীজিন্নবা অমসুং থৌশিলগী মতাংদা ইন-হাওস এক্সপরতাইজ অমা শেমগৎপা

c. পি এস য়ুশিং, নেসনেল লেবশিং অমসুং রিছাস ওর্গনাইজেসনশিংদা শেমগৎপা/শেমগৎলিবা লৈবাক্কী তেক্নোলোজিশিং তুংকোইনা শীজিন্নবা ।

থবক ওইনা পাংথোক্নবা লাল্লোং অমসুং পান্দমশিং

তেক্নোলোজি গ্রুপতা য়াওরিবা মখোঙ অহুম অদুদি :

I. পোলিসি শেমগৎপা;

II. লৈবগী থবক ফগৎহনবা অমসুং

III. রিছাস অমসুং দিবলপমেন্তগী থবকশিং পুক্নিং থৌগৎপা

তেক্নোলোজি গ্রুপনা পাংথোক্নবা পান্দম থমলিবা :-

i. শেন-থুম চাওখৎনবা অমসুং ভারতকী উদোক চাউখৎনবা ভারতনা খ্বাইদগী নৌবা তেক্নোলোজিশিং শীজিন্নবা চুনবা থৌশিলশিং পায়খৎপা;

ii. হিরম খুদিংমক্তা অনৌবা তেক্নোলোজিশিংগী মতাংদা থিজিন্নবা সরকারদা পাউতাক পীবা;

iii. ভারত শীনবা থুংনা লৈরিবা তেক্নোলোজি অমসুং ফংলিবা তেক্নোলোজি পোৎথোকশিংগী অনৌবা মেপ অমা থম্বা ;

iv. মরুওইবা তেক্নোলোজিশিং লৈবাক অসিদা শেমগৎনবা লম্বী শেম্বা ;

v. তেক্নোলোজি য়োল্লিবশিংদা অমসুং লৈনবগী মতাংদা সরকারদা পাউতাক পীবা ;

vi. দেতা সাইন্স অমসুং আর্তিফিসিয়েল ইন্তিলিজেন্স য়াওনা নৌনা পুথোরকপা তেক্নোলোজিশিং শেমগৎনবা মিনিস্ত্রিশিং, দিপার্তমেন্তশিং অমসুং রাজ্য সরকারশিংদা পাউতাক পীবা অমসুং ত্রেনিং পীবা অমসুং মচাকশিং শেমগৎপা

vii. য়ুনিভর্সিতিশিং অমসুং লনাই কম্পেনিশিংগা রিছাসকী লমদা সরকারগী লেবশিংগা মতেং পীন্নবা থৌশিলশিং পুথোকপা; অমসুং

viii. আর অমসুং দিগী পুখৎলকপা ৱাফমশিং ময়ামগী ওইনা চৎনবা য়ারবা কাংলোন অমা শেম্বা ।

নুঙগীৱারোল

তেক্নোলোজি সেক্তরদা মরুওইবা ৱাফম মঙা লৈরি : (ক) তেক্নোলোজি শেমগৎপদা পাউ ফাওনদবা (খ)সব-ওপতিমেল ইন্দস্ত্রিয়েল দিবলপমন্দগী থাক য়ৌনবা তেক্নোলোজি শেমগৎতবা নৎত্রগা শীজিন্নদবা (গ) তেক্নোলোজি শেন তান্নবা য়াওনা অনি থোক্না শীজিন্নদবা (ঘ) আর অমসুং দিগী থবকশিং অসি তেক্নোলোজি শেমগৎনবা থবকশিংগা চানদবা (ঙ) খুন্নাই অমসুং ইন্দস্ত্রিদা শীজিন্নগদবা মরুওইবা তেক্নোলোজি মশক খঙবগী তঙাইফদবা । হায়রিবা মথক্কী খুদোংচাদবশিং অসি কোকহন্নবা তেক্নোলোজি গ্রুপ শেম্বনি ।