ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচীংদুনা ঙসি ফমখিবা কেন্দ্রগী মন্ত্রী মন্দলগী মীফম্না শেল মাংলবা সেন্ত্রেল পব্লিক সেক্তর ইন্তর্প্রাইজশিং অকক্নবা মতমগী মনুংদা থুপচিন্নবা অমসুং লেংবা অমসুং লেংবা য়াদবা লন-থুমশিং লোইশিন্নবা দিপার্তমেন্ত ওফ পব্লিক ইন্তর্প্রাইজেস (দি পি ই)গী নৌনা শেমদোক্লবা চৎন-কাংলোনশিংদা অয়াবা পীখ্রে । নৌনা শেমদোক্লবা চৎন-কাংলোনশিং অসিনা শেল মাংলবা সেন্ত্রেল পব্লিক সেক্তর ইন্তর্প্রাইজশিং থুপচিনবদা মতম চংবা হন্থহল্লগনি। চৎন-কাংলোনশিং অসিনা দি পি ইনা ২০১৬তা শেমখিবা কাংলোনশিং অদুগী মহুৎ শীল্লগনি।

চৎন-কাংলোনশিং অসিনা অসিনা সি পি এস ইশিং মুৎথৎনবগী থৌরাংশিং অথুবা মতমদা পাংথোকপদা মতেং ওইরগনি, থৌরাং অসিগীদমক মন্ত্রলয়শিং/বিভাগশিং/সি পি এস ইশিংনা লৌগদবা থৌদাংশিং পল্লি। চৎন-কাংলোনশিং অসিনা অসিন সি পি এস ইশিং মুৎথৎনা মাংজৌননা মন্ত্রলয়শিং/বিভাগশিং/সি পি এস ইশিংনা পায়খৎকদবা থবকশিং পীরি। অকক্নবা মতমগী মনুংদা সি পি এস ইশিংগী লেংবা অমসুং লেংবা য়াদবা লন-থুমশিং লোইশিন্নবা কাংলোনশিং পীরি।

থিংজিনখ্রবা সি পি এস ইশিংগী লম হাওশিং অমসুং আর্বান এফিয়র্স মন্ত্রলয়গী মরি লৈনবা নিয়মগী মখাদা য়ুম শাবদা শীজিন্ননবা চৎন-কাংলোনশিং অসিনা অহানবা ওইনা খন্নরি। সি পি এস ইশিংদা থবক তৌরিবশিং অসি থিংজিনবা মতমদা অৱাবা তাদনবা সরকারনা খন্নরি অমসুং মখোয়না থবক তৌরিঙৈদা লৈখিবা পে স্কেল অদুদা য়েংলগা শিন্মীশিংদা ভি আর এস পীনবা য়ানরবা থৌশিল অমা ২০০৭তা শেম্লে।

শিরবা/শেল মাংলবা সি পি এস ইশিংদা চৎনগদবা কাংলোনশিংদি:

i. মুথৎনবা মন্ত্রলয়/বিভাগনা সি সি ই এ/কেবিনেত্তগী অয়াবা লৌগদবনি

ii. মন্ত্রলয়/বিভাগনা মুৎথৎনবা ৱারেপ লৌরকপা মতমদা মরি লৈনবা ওথোরিতীদগী অয়াবা লৌনবা থৌরাং তৌগদবনি।

শিরবা/শেল মাংলবা সি পি এস ইশিংগী ফংলিবা লম অদু লম হাওশিং অমসুং আর্বান এফিয়র্স মন্ত্রলয়গী মখাদা সরকারগী, মীয়ামদা অহোংবা মমলদা য়ুম ফংহন্নবা পায়খৎলিবা মরুওইবা থৌরমগী শরুক অমা ওইনা য়ুম শাবদা শীজিন্নগদবনি।