ভারতকী প্রধানমন্ত্রী

ঙরাং শ্রী লংকাদা পাংথোকপা রাস্ত্রপতিগী মীখলদা মহাক্না মাই পাক্তুনা শ্রীলংকাগী রাস্ত্রপতি ওইনা নখল্লবা গোতাবয়া রাজাপক্সাগী মফমদা প্রধানমন্ত্রী শ্রী নরেন্দ্র মোদীনা তেলিফোন্দা থাগৎপা ফোংদোকখ্রে।

মহাক মশা অমসুং ভারতকী মীয়ামগী মহুৎ শিন্দুনা য়াইফ–পাউজেল পীরদুনা প্রধান মন্ত্রীনা হায়খি রাজাপক্সাগী লুচিং মখাদা শ্রী লংকাগী মীয়ামদা মখা তানা শান্তি অমসুং নুংঙাইবা পুরক্কনি অমসুং মচিন–মনাও, নাৎ, পুৱারী অমসুং সিবিলাইজেসনগী লমদা ভারত অমসুং শ্রী লংকাগী মরক্তা লৈনবা মরা অসি মপাঙ্গল কনখৎহনগনি। হায়রিবা পান্দমশিং অসি ফংনবা ভারতনা শ্রী লংকা সরকারগা মখা তানা থবক তৌমিন্নগনি।

মহাক্কী য়াইফ–পাউজেলগীদমক রাজাপক্সানা প্রধান মন্ত্রীবু থাগৎখি। চাউখৎ–থৌরাং অমসুং সেক্যুরিতীগী লমদা ভারতকা চেৎনা থবক তৌমিন্ননবা মহাক শেম–শারি হায়না ফোংদোকখি।

মহাক্কী খুদোংচাবা য়েংলগা ভারত্তা লাক্নবা প্রধান মন্ত্রীনা রাজাপক্সাদা চেবাউ পীখি। চেবাউ অদু য়াখি।