ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি, শ্রী হরিভন্সবু রাজ্য সভাগী দিপুতী চেয়রমেন ওইনা খল্লকপদা মফমদা নুংঙাইবা ফোংদোকখ্রে।

মীখলগী হেক মতুংদা অপ্পর হাউসতা ৱা ঙাংলদুনা প্রধান মন্ত্রীনা হাউসকী লুচীংবা শ্রী অরুন জেৎলীনা মাগী অনাবা ফদুনা হাউস্তা হল্লকপগীদমক নুংঙাইবসু ফোংদোকখি।

প্রধান মন্ত্রীনা পনখি মদুদি ঐখোয়না ঙসি ক্বুইৎ ইন্দিয়া মুবমেন্তকী কুমওন পাংথোক্লি। মহাক্না হায়খি মদুদি হরভন্সজী অসি, ১৮৫৭গী নীং-তম লাল্লৌদগী হৌদুনা নীং তম্বগী খোংজংগা মরি লৈনরক্লবা বল্লিয়া লমদমদগীনি।

প্রধান মন্ত্রীনা মসিসু পনখি মদুদি শ্রী হরভন্স অসি লোকনায়ক জয় প্রকাশ নরায়নদগী ইথিল পোকখি।

প্রধান মন্ত্রীনা নীংশিংখি মদুদি হরভন্সজী অসি হান্নগী প্রধান মন্ত্রী চন্দ্র শেখরজীগসু লোইননা থবক তৌমিন্নরম্মি।

প্রধান মন্ত্রীনা হায়খি মদুদি চন্দ্র শেখরজীগা নকশিন্ননা থবক তৌবীরম্বনা মরম ওইদুনা হরভন্সজীনা চন্দ্র শেখরজী রিজাইন তৌগনি হায়বসি মাংজৌননা খঙখি। অদুম ওইনমক, পাউ অসি মাগী মশাগী পাউ-চেদ ফাওবা হাপখিদে, প্রধান মন্ত্রীনা মসিসু হায়খি মদুদি মসিনা মহাক্কী লিচৎ অমসুং মীয়ামগী সেবাগীদমক ফোংদোকখিবা মহাক্কী কমিৎমেন্ত অদু উৎথোকখি।

প্রধান মন্ত্রীনা হায়খি মদুদি হরভন্সজী অসি ফজনা পাবা অমদি য়াম্না ইবা মীশক্নি। মহাক্না মসিসু হায়খি মদুদি হরভন্সজীনা চহি কয়াদগী খুন্নাই অসিগীদমক থবক তৌরক্লি।

শ্রী নরেন্দ্র মোদীনা শ্রী বি.কে. হরিপ্রসাদপুসু রাজ্য সভাগী দিপুতী চেয়রপর্সনগী মীখল অসিগী শরুক অমা ওইবীবগীদমক নুংঙাইবা ফোংদোকখি। মহাক্না মীখল অসিবু ইং-তপ্না পাংথোকখিবগীদমক চেয়রমেন অমসুং মীহুৎ পুম্নমকপু থাগৎপা ফোংদোকখি।

***