ভারতকী প্রধানমন্ত্রী

মমাংগী মীফমদা সুপ্রীম কোর্তনা য়াথং পীর-ফাওবদা ঐখোয় তলাক অহুম, (ত্রিপল তলাক) সংসদতা পাস তৌবা ঙমখিদে। ঐনা থাজৈ অমসুং লৈবাক অসিগী রাজনীতিগী দল পুম্নমক্তা হায়জরি মদুদি মীফম অসিদা তলাক অহুম অসি নুপীশিংগী, মরু ওইনা মুস্লিম নুপীশিংগী হক কল্লিবা ৱারেপ অসিবু ঐখোয় পুম্নমক্না পাস তৌমিন্নসি অমসুং ২০১৮গী অনৌবা চহিগী অথোইবা খুদোল ওইনা ঐখোয়গী মুস্লিম নুপীশিংদা ঐখোয় পীরসি।

বজেৎ মীফম তশেংনা মরু ওইবা অমনি। মালেম অপুম্বনা ভারতকী শেনমিৎলোনগী মাইকৈদা থাজবা কয়া থম্লি। ভারতকী লম্বী, ভারতকী খোংজেলদা মালেমগী ক্রেদিৎ রেতিং এজেন্সী পুম্নমক্না, ৱার্ল্দ বেঙ্কপু ওইরো, আইএমএফপু ওইরো য়ামনা অচুম্বা মাইকৈদা মখোয়গী মৎ ফোংদোক্লি। বজেৎ অসি লৈবাক অসিগী খোংজেল য়াংনা মাংদা চখৎলক্লিবা শেনমিৎলোনদা অনৌবা ইনর্জী পীরিবা, লৈবাক অসিগী ইচম চমজবা মীওইশিংগী অনীংবা অপাম্ববু মপুং ফাহনগদৌরিবা বজেৎ ওইগনি অমসুং বজেৎকী মতুংদা থা অমা চুপ্না তোঙান তোঙানবা কমিতীশিংদা বজেৎকী মরমদা কন্না খন্ন-নৈনৈ। অচুম্বদি অদুগুম্বা কমিতীশিং অদুদা দলগী মথক্তা লৈবাক অসি লৈ। দল পুম্নমক্কী মীয়াম্না সরকার পায়রিবশিংসু অশোইবা/অৱাৎপা ফোংদোকনৈ অমসুং ওপোজিসনগী মরূপশিংনা মদুগী অফবশিংগী মরমদা ফোংদোকনৈ। অমরোমদা য়াম্না হেলদী ইনভাইরনমেন্ত অমা ওই, হেলদী এৎমোস্ফিয়র ওই।

ঙরাং পার্তী অপুনবগী মীফম পাংথোকখিবদা ঐনা হায়জখি মদুদি থা অসিগী খন্ন-নৈনবগী মীফম অসিদা, কমিতীশিংগী মনুংদা মসিবু অদুক্কী মতিক শিজিন্নবীয়ু, অমসুং বজেৎকী খ্বাইদগী কান্নবা অসি লৈবাক অসিগী মীচম-মীয়াম ফাওবা করম্না য়ৌহনগনি? দলিৎ, অৱাবা তারবা, তুহৎপীরবা, অৱাৎপতনা থল্লবশিংনা করম্না ফংগনি? খুঙ্গং লাইরবশিংনা করম্না ফংগনি? লৌমী-শিন্মীশিংনা করম্না ফংগনি? মসিদা ঐখোয় পাক-চাওনা খন্নসি, কান্নগদবা ৱাফম ফোংদোকপীরকউ অমসুং রোদ মেপ শেমদুনা ঐখোয় মাংদা চংশিন্সি।

হন্না হন্না থাগৎচরি।