ভারতকী প্রধানমন্ত্রী
লৈবাক অনিগী মহৈরোইশিং, ওজাশিং, রিসর্স তৌবশিং অমসুং সাইন্তিস্তশিংগী মরক্তা মতেং পীনদুনা সাইন্স অমসুং তেক্নলোজী চাউখৎহন্নবা অতল ইন্নোবসন মিসন ইন্দিয়া অমসুং ফন্দ “তেলেন্ত এন্দ সক্সেস” রুসিয়াগী মরক্তা এম ও য়ু তৌনবা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা য়ারে। এম ও য়ু অদু ২০১৮গী ওক্তোবর ৫দা খুৎয়েক পীনখিবনি।
কান্নবশিং :
এম ও য়ু অদুনা ভারত অমসুং রুসিয়াগী মরক্তা লৈবাক অনিগী মহৈরোইশিং, ওজাশিং, রিসর্স তৌবশিং অমসুং সাইন্তিসশিংগী মরক্তা মতেং পীনদুনা সাইন্স অমসুং তেক্নলোজী চাউখৎহন্নবদা মতেং ওইগনি।
অচৌবা কান্নবা :
এম ও য়ু অসিনা লৈবাক অনিগী স্কুলশিং, য়ুনিভর্সিতীশিং, কলচরেল ইন্সতিত্যুৎশিং, সাইন্স অমসুং তেক্নোলোজী অমসুং স্পেসিয়েলাইজ এজুকেসন ইন্সতিত্যুৎশিং, হায়-তেক কম্পেনীশিং, স্তার্তঅপশিং অমসুং ইন্নোবেসন সেন্তরশিংগী মরক্তা মরি শেমগৎপদা শরুক য়াগনি। পায়খৎকদৌরিবা থবকশিং অদুনা লৈবাক অনি অসিদা অনৌবা সাইন্সকী লৌশিং শেমগৎপা, ইন্তেলেকচুয়েল প্রোপর্তী শেম্বা, অনৌবা পুথোকপা অমসুং পোৎ পুথোকপদা মতেং পাংগনি হায়না থাজবা থম্লি।
নুঙগী ৱারোল :
২০১৫গী দিসেম্বর ২৩-২৪দা প্রধান মন্ত্রী নরেন্দ্র মোদীগী মহাক্কী রুসিয়া খোঙচৎ মনুংদা সোচীদা লৈবা সিরিয়স এজুকেসনেল সেন্তরদা চৎখি অমসুং ভারতকী মহৈরোইশিংগা লোয়ননা থবক তৌনবা রুসিয়াগী মহৈরোইশিং ভারত্তা লাক্নবা চেবাউ পীখি। ২০১৮গী ওক্তোবরদা রুসিয়াগী রাস্ত্রপতি ব্লাদিমির পুতিন লাক্লম্বা খোঙচৎ অদুগী মাংওইননা ২০১৮গী ওক্তোবর ১-৪ ফাওবা দিল্লীগী আই আই তিগী ইন্নোবেসন বুত কেম্পতা অতল তিনকরিং লেব স্কুলশিংগী মহৈরোই মঙাগা থবক তৌমিন্ননবা রুসিয়াগী মহৈরোই ১০ ভারত্তা লাকখি। সেক্তর মঙা; হকশেল, স্পেস তেক্নোলোজী, ক্লিন তেক্নোলোজী, এগ্রি-তেক্নোলোজী অমসুং স্মার্দ মোবিলিতীদা অনৌবা প্রোতোতাইপশিং শেমগৎনবা অনৌবা ৱাখল্লোনদা মহৈরোইশিং থবক তৌখি। ২০১৮গী ওক্তোবর ৫দা নহা ওইরিবা মহৈরোইশিংনা পুথোকপা প্রোতোতাইপশিং অদু প্রধান মন্ত্রী নরেন্দ্র মোদী অমসুং রুসিয়াগী রাস্ত্রপতি ব্লাদিমির পুতিনগী মমাংদা উৎখি।
মসিগী এম ও য়ু অসিগী খুৎথাংদা, মখা তানা অতল ইন্নোবসন মিসন ইন্দিয়া অমসুং ফন্দ “তেলেন্ত এন্দ সক্সেস” রুসিয়াগী মরক্তা পু্ন্না থবক তৌমিন্নগনি।
