ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা সাইবর সেক্যুরিতীগী লমদা মতেং পীননবা ভারত অমসুং মোরোকোগী মরক্ত এম ও য়ু তৌনবা য়ারে । এম ও য়ু অদু ২০১৮গী সেপ্তেম্বর ২৫দা খুৎয়েক পীনখিবনি ।
এম ও য়ু অদুনা ভারত অমসুং মোরোকোগী মরক্ত সেক্যুরিতীগা মরি লৈনবা থৌদোকশিং ফাবা, ৱারেপ লৌবা অমসুং ঙাকথোকপগী মতাংদা লৌশিং অমসুং হৈ-শিংবা পীথোক-পীশিন তৌনবদা মতেং পীনবা হেনগৎহনগনি । এম ও য়ু অসি থবক ওইনা পাংথোকপনা মোরোকোগা লোয়ননা সাইবর সেক্যুরিতীগী লমদা ইন্সতিতুৎ অমসুং কেপাসিতী বিল্দিংগী খুৎথাংদা নাকল অনিমক সাইবর সেক্যুরিতী সেক্তরদা কান্নবা ফংহনগনি ।
