ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ২০২৬কী সেপ্তেম্বর ১৯দা অয়ুক পুং ১০ রোম তাবা মতমদা নই দিল্লীগী বিগ্যান ভৱন্দা “অকোয়বগী ফীভম অমসুং ক্লাইমেত দাইনামিক্সকী তুংলমচৎ” (“The Future of Environment and Climate Dynamics”) হায়বা হিরমদা ইন্তরনেস্নেল কনফরেন্স হৌদোক্কনি।

নুমিৎ নিনিগী কনফরেন্স অসি নেস্নেল গ্রীন ত্রিব্যুনেলনা (National Green Tribunal) ২০২৬ কী সেপ্তেম্বর ১৯ অমসুং ২০দা পাংথোক্লি। মসিদা অকোয়বগী ফীভমগী এক্সপর্তশিং, ভারতকী সুপ্রিম কোর্ত অমসুং হাই কোর্তশিংগী জজশিং, দিস্ত্রিক্ত কোর্তকী জজশিং, তোঙান-তোঙানবা মন্ত্রালয়শিংগী সেক্রেতরীশিং,  লৈঙাক্কী সেনিয়র ওফিসিয়েলশিং, স্তেত জুদিসিয়েল একাদেমীশিংগী মীহুৎশিং, স্তেত লিগেল সর্বিসেস ওথোরিতীশিং, স্তেত এক্সপর্ত এপ্রাইজেল কমিতীশিং (SEACs), স্তেত এনভাইরনমেন্ত ইম্পেক্ত এসেসমেন্ত ওথোরিতীশিং (SEIAAs), স্তেত ৱেতলেন্দ ওথোরিতীশিং অমসুং অতৈ স্তেকহোল্দরশিংনা শরুক য়াগনি। মসিনা লৈবাক ১৭তগী মশক নাইরবা জজশিং অমসুং জুদিসিয়েলগী মীহুৎশিংসু পুল্লরগনি।

কনফরেন্স অসিনা তোঙান-তোঙানবা মফমশিংগী জুদিসিয়েলগী মওং-মতৌশিং, সাইন্তিফিক্কী ওইবা লৌশিং, অকোয়বগী ফীভম ঙাক-শেনবগী থৌওংশিং অমসুং ইন্সতিত্যুস্নেলগী ওইবা এক্সপিরিয়েন্সশিং লান্থোক্নবগী ফম্পাক অমা ফংহনগনি। মসিনা পোলিসী শেম্বদা, চৎনহনবদা অমসুং থবক ওইনা পাংথোকপদা লৈরিবা অৱাৎপশিং য়াওনা অকোয়বগী ফীভম অমসুং ক্লাইমেতকী মরুওইবা খুদোংচাদবশিংগী মতাংদা খন্ন-নৈনবা ফংহনগনি, অমসুং অকোয়বগী ফীভম ঙাক-শেনবগী থৌওং অমসুং ইন্সতিত্যুস্নেলগী ওইবা তেংবাংনবা মপাঙ্গল কনখৎহন্নবগী লম্বীশিং থীগনি।

****