ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ২০২৬গী জুন ২৭-২৯ ফাওবা সেশেলস্তা চৎখিবা স্তেত ভিজিৎ অসিগী শরুক অমা ওইনা প্রধান মন্ত্রী অমসুং সেশেলসকী রাস্ত্রপতি, ঐচ.ই. দোক্তর. পেত্রিক হর্মিনীনা ঙসি ভিক্তোরিয়া, মাহীদা লৈবা স্তেত হাউস্তা ওফিসিএল ওইনা ৱারী শানখি।

ৱারী শানবা অদুদা লুচিংবশিংনা লৈবাক অনিগী মরীশিংগী মপুং ফাবা স্পেক্ত্রম অমা খন্নখিবগা লোয়ননা লুচিংবশিংনা হকশেল, এজুকেসন, কেপাসিতী বিল্দিং, দিজিতেল ত্রান্সফোর্মেসন, সস্তেনেবল দিবেলপমেন্ত, সোসিএল ইনফ্রাস্ত্রকচর, রিন্যুএবল ইনর্জী, মেরিতাইম সেক্যুরিতী অমসুং দিফেন্সকী লমদা তেংবাং পীনবা য়ানখি। মখোয়না রিজনেল অমসুং গ্লোবেল দিবেলপমেন্তশিং, ইন্দিয়ন ওসিন রিজনদা লৈরিবা শীংনবশিং, হায়বদি ইলিগেল ফিশিং, দ্রগ ত্রাফিকিং অমসুং পাইরেসীগী মতাংদসু ৱাখল্লোনশিং ফোংদোক্নখি। লুচিংবা অনিনা ভারতনা লাউথোকখিবা স্পেসিএল ইকোনোমিক পেকেজকী মখাদা প্রোজেক্তশিং অমসুং ইনিসিয়েতিবশিং পায়খৎপদা খুমাং চাউশিল্লকপদা নুংঙাইবা ফোংদোকখি। প্রধান মন্ত্রীনা সেশেলসকী চাউখৎ-থৌরাংগী মরুওইবশিংদা মতেং পাংনবা অমসুং লৈবাক অনিগী মরক্তা নক্নবা অমসুং অচেৎপা মরী মখা তানা চেৎশিলহন্নবা ভারতকী অচেৎপা ফিরেপ অদু অমুক হন্না ফোংদোকখি।

ওফিসিএল ওইবা ৱারী শানবগী মতুংদা লুচিংবা অনিমক্না লৈবাক অনিগী মরক্তা দিপ্লোমেতিক রিলেসনশিং থম্বগী চহি ৫০ মপুং ফারকপগীদমক জোইন্ত কোমেমোরেতিব লোগো অমা রিলিজ তৌখি। মসিগী মতুংদা কেপাসিতী বিল্দিং, য়ু.পি.আই., হেল্থ, এগ্রিকলচর, শিপ্পিং, স্পেস, এক্সত্রাদিসন অমসুং লাইন ওফ ক্রেদিৎকী লমশিংদা এম.ও.য়ু.শিং/এগ্রীমেন্ত কয়া অমা একচেঞ্জ তৌনখি। লাইন ওফ ক্রেদিৎকী শেনফম অসি লুপা করোর ১২৫০নি। এম.ও.য়ু.শিং/এগ্রীমেন্তশিংগী মপুংফাবা লিস্ত অসি মসিদা য়েংবা য়াগনি [link]। মসিগীসু মথক্তা, সেশেলসকী চাউখৎ-থৌরাংগী মথৌ তাবশিংদা মতেং পাংনবা ফুদ সেক্যুরিতী, ইনফ্রাস্ত্রকচর, হকশেল, ভোকেস্নেল ত্রেনিং, মেরিতাইম সেক্যুরিতী অমসুং দিফেন্সকী লমশিংদা লাউথোকখিবা কয়া অমসু লৈখি। হায়রিবা লাউথোকশিং অসিগী অকুপ্পা মরোলশিং অসি মসিদা য়েংবা য়াগনি [link]। সেশেলসনা কোলিসন ফোর দিজাস্তর রেসিলিয়েন্ত ইনফ্রাস্ত্রকচর [সি.দি.আর.আই.]দা য়াওরক্লগনি হায়নসু লাউথোকখি।

মতুং তারকপদা, প্রধান মন্ত্রীনা সেশেলসকী নেস্নেল এসেমব্লীগী অখন্নবা মীফম অমদা ৱা ঙাংখি। মহাক্কী ৱারোলদা, মহাক্না ভারত অমসুং সেশেলসকী মরক্তা লৈবা মরুপ-মপাং ওইবগী পুৱারী ওইরবা মরী অদু পনখি অমসুং লৈবাক অনিগী লমজিং-লমতাক ওইরিবা দিমোক্রেসী, আইনগী কাংলোন অমসুং মীয়ামদা য়ুম্ফম ওইবা লৈঙাক্কী মান্নবা মগুনশিং অদু পনখি। মহাক্না হায়খি মদুদি ম্যুচুএল ত্রস্ত অমসুং নক্নবা কোওপরেসন্না দিবেলপমেন্ত কোওপরেসন, মেরিতাইম সেক্যুরিতী, তেক্নোলোজী, ইন্নোবেসন, হেল্থ অমসুং কেপাসিতী বিল্দিংগী লমদা মপাঙ্গল কনবা পার্তনরশিপ অমা শেমগৎলে। প্রধান মন্ত্রীনা দেমোক্রেসী অনিগী মরক্তা পার্লিয়ামেন্তরী একচেঞ্জ হেনগৎহন্নবা হায়খি। প্রধান মন্ত্রীগী মপুংফাবা ৱারোল অসি মসিদা য়েংবা য়াগনি [link]।

সেশেলসকী ওপোজিসনগী লুচিংবা, ঐচ.ই. মিস্তর বার্নার জোর্জসু প্রধান মন্ত্রীগা উনখি। লুচিংবা অনিমক্না ভারত-সিশেলসকী নাকল অনিগী ওইবা মরীশিংগী মতাংদা খন্নখি অমসুং লৈবাক অনিগী মরক্তা অখন্নবা মরী অসি হেন্না মপাঙ্গল কনখৎহন্নবা মখোয়না চাউনা মতেং পাংগনি হায়না ফোংদোকখি।

***