ভারতকী প্রধানমন্ত্রী

ভারত পুম্বগী ওইনা চৎনগদবা লুপা ক্রোর ১০,০০০ কাইথোক্তুনা অনওর্গনাইজ সেক্তরগীদমক কেন্দ্রনা শেনফম পুথোকপা অনৌবা স্কিম অমা –“স্কিম ফোর ফোর্মেলাইজেসন ওফ মাইক্রো ফুদ প্রোসেসিং ইন্তর্প্রাইজেস(এফ.এম.ই.)” প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। স্কিম অসিগী চাদিং ভারত সরকারনা চাদা ৬০ অমসুং রাজ্যশিংনা চাদা ৪০ পুথোক্কনি।

স্কিমগী অকুপ্পা মরোলশিং:

পান্দমশিং:

• মাইক্রো ফুদ প্রোসেসিং য়ুনিৎশিংদা শেন্থং পীবা হেনগৎহনবা।
• পান্দম থম্লিবা ইন্তর্প্রাইজশিংগী শেন্দোং হেনগৎহনবা।
• চীঞ্জাক্কী মগুন অমসুং অশোই-অঙাম থোকহন্দবা হেনগৎহনবা।
• মতেং পীবগী থবকশিং কনখৎহনবা।
• অনওর্গনাইজ সেক্তরদগী ফোর্মেল সেক্তরদা ওন্থোকপা।
• নুপী ওন্ত্রপ্রিনরশিং অমসুং এস্পিরেসনেল দিস্ত্রিক্তশিংদা অখন্নবা মিৎয়েং চংবা।
• হুন্দোকখাকশিংদগী শেন তানবগী থবক পুক্নিং থৌগৎপা।
• চীংমীশিংগী জিলাশিংদা উমংগী পোৎথোকশিংদা মিৎয়েং চংবা।

মরুওইবা শক্তমশিং:

• কেন্দ্রগী স্কিমনি। ভারত সরকারনা চাদা ৬০ অমসুং রাজ্যশিংদা চাদা ৪০ পুথোক্কনি।
• ক্রেদিৎ লিঙ্ক সবসিদীনা মাইক্রো ইন্তর্প্রাইজ ২,০০,০০০ মতেং পাংগনি।
• স্কিম অসি চহি ৫ চংনা ২০২০-২১দগী ২০২৪-২৫ ফাওবগী মনুংদা পায়খৎকনি।
• ক্লস্তর ওইনা পায়খৎকনি।
• য়াম্না পৎকনবা পোৎথোকশিংদা মিৎয়েং চংগনি।

লনাই মাইক্রো য়ুনিৎশিং শৌগৎপা:

• মাইক্রো ইন্তর্প্রাইজশিংনা প্রোজেক্ত কোস্তকী চাদা ৩৫ হায়বদি লুপা লাখ ১০ ফাওবগী ক্রেদিৎ লিঙ্ক সবসিদী ফংগনি।
• বেনিফিসরী অমগী পুথোকফম থোকপা শেনফম খ্বাইদগী পীকপদা চাদা ১০ ওইগনি অমসুং লেমহৌরিবনা লোন পীগনি।
• দি.পি.আর. শেম্বা অমসুং তেক্নোলোজী ফগৎহনবগী স্কিল ত্রেনিং পীগনি।

এফ.পি.ও.শিং/এস.ঐচ.জি.শিং/কোওপরেতিবশিং মতেং পীবা:

• ৱার্কিং কেপিতেল ওইনবা অমসুং খুৎলায়শিং লৈনবা এস.ঐচ.জি.শিংগী মেম্বরশিংদা লোন পীবা।
• বেকৱার্দ/ফোরৱার্দ লিঙ্কেজশিং, ইনফ্রাস্ত্রকচর, পেকেজিং, য়োনবা অমসুং ব্রান্দ শেমগৎনবগী গ্রান্ত পীবা।
• স্কিল ত্রেনিং পীবা অমসুং খুৎশম্নদুনা চৎমিন্নবা।
• ক্রেদিৎ লিঙ্ক কেপিতেল সবসিদী

থবক ওইনা পায়খৎনবা মতম:

• স্কিম অসি ভারত শীনবা থুংনা পায়খৎকনি।
• য়ুনিৎ ২,০০,০০০দা বেক ইন্দেৎ ক্রেদিৎ লিঙ্ক সবসিদী পীগনি।
• মেম্বরশিংগী খুৎলায়শিং লৈনবা অমসুং ৱার্কিং কেপিতেল ওইনবা লোন পীনবা এস.ঐচ.জি. অমদা লুপা লাখ ৪গী সিদ কেপিতেল পীগনি।
• বেকৱার্দ/ফোরৱার্দ লিঙ্কেজশিং, ইনফ্রাস্ত্রকচর, পেকেজিং, য়োনবা অমসুং ব্রান্দ শেমগৎনবগী গ্রান্ত পীগনি।

থবক ওইনা পাংথোক্নবা থৌরাংশিং

• এফ.পি.আই. মিনিস্তরনা চেয়রমেন ওইবা ইন্তর-মিনিস্ত্রিয়েল ইমপাৱর কম্মিতী(আই.এম.ই.সি.)অমনা স্কিম অসি সেন্তরদা য়েংশিনগনি।
• এস.ঐচ.জি.শিং/এফ.পি.ও.শিং/কোওপরেতিবশিংনা অনৌবা য়ুনিৎশিং লিংখৎনবা অমসুং মাইক্রো য়ুনিৎশিং পাকথোক-চাউথোক্নবা পুখৎলকপা ৱাফমশিং চীফ সেক্রেতরীনা লুচিংবা স্তেৎ লেবেল কম্মিতী (এস.এল.সি.) অমনা য়েংশিনগনি।
• স্কিম অসি থবক ওইনা পায়খৎনবা এক্সন প্লানশিং রাজ্যশিংনা শেমগনি অমসুং ভারত সরকারনা অয়াবা পীগনি।
• থবক অসি অহুমশুবা কাংবু অমনা য়েংশিনগনি।

স্তেৎ নোদেল দিপার্তমেন্ত অমসুং এজেন্সী

• স্কিম অসি থবক ওইনা পাংথোক্নবা রাজ্য/য়ু.তি. সরকারনা নোদল দিপার্তমেন্ত অমসুং এজেন্সী অমা হাপকনি।
• রাজ্য অমগী থৌরাং তৌবা, ক্লস্তর শেমগৎপা, য়েংশিনবা, য়ুনিৎশিং মতেং পাংবা অমসুং কাংলুপ শেম্বগী থবকশিং স্তেৎ নোদেল এজেন্সি(এস.এন.এ.)না পাংথোক্কনি।

নেসনেল পোর্তেল অমসুং এম.আই.এস.

• লনাই মীওইশিংনা স্কিম অসি শরুক য়ানবা নেসনেল লেবেল পোর্তেল অমা লিংখৎকনি।
• স্কিমগী থবক খুদিংমক নেসনেল পোর্তেলদা পাংথোক্কনি।

পুনশিনবা ঙাক্লৌ

• ভারত সরকার অমসুং রাজ্য সরকারশিংনা হৌজিক পায়খৎলিবা স্কিমশিংনা অনৌবা স্কিম অসিদা শৌগৎকনি।
• কেপিতেল ফংদ্রিবা, মতেং ফংদ্রিবা, ত্রেনিং অমসুং ইনফ্রাস্ত্রকচর ৱাৎলিবশিং স্কিম অসিনা মেনখৎকনি।

কান্নবা অমসুং থবক পীবা:

• মাইক্রো-ইন্তর্প্রাইজ লাখ ৮ রোম কান্নবা ফংগনি।
• মাইক্রো ইন্তর্প্রাইজ ২,০০,০০০দা ক্রেদিৎ লিঙ্ক সবসিদী পীগনি।
• মসিনা মখোয়না চাংদম্নবা অমসুং মওং তানা থবক তৌবা অমসুং গ্রোথ লৈহনগনি।
• প্রোজেক্ত অসিনা স্কিল অমসুং সেমি-স্কিল থবক লাখ ৯ রোম পীরবা য়ারি।
• স্কিম অসিনা হৌজিক লৈরিবা মাইক্রো ফুদ প্রোসেসিং ওন্ত্রপ্রিনরশিং, নুপী ওন্ত্রপ্রিনরশিং অমসুং এস্পিরেসনেল দিস্ত্রিক্তশিংদা লৈরিবা ওন্ত্রপ্রিনরশিংশিংদা শেন্থং পীবা হেনগৎহনগনি।
• অফবা কৈথেল ফংবা হেনগৎহনগনি।
• খন্দোকপা, শেম-শাবা, য়োম্বা অমসুং পৈদুনা থম্নবগী থবকশিংগী খুদোংচাবশিং ফংবা হেনগৎহনগনি।

নুংগী ৱারোল:

• সেক্তর অসিগী চাদা ৯৮ ওইনা রেজিস্তার তৌদবা ফুদ প্রোসেসিং ইন্তর্প্রাইজ লাখ ২৫ রোম লৈরি। মখোয়গী মনুংদা চাদা ৬৬ রোম খুঙ্গংশিংদা লৈ অমসুং চাদা ৮০না ইমুং-মনুংগী ইন্তর্প্রাইজশিংনি।
• সেক্তর অসি শেন্থং ফংদবা, অনৌবা তেক্নোলোজী ৱাৎপা, য়োনফম লৈতবা অমসুং হকশেলগী ওইবা থাক য়ৌদবা কয়া মায়োক্নরি।
• মসিগী সেক্তর অসি ফগৎহনবনা মহৈ-মরোং মাংবা হন্থহনগনি অমসুং থবক ফংবা হেনগৎহনগনি অমসুং লৌমীশিংগী শেন্থোক শরুক অনি হেনগৎহনবা হায়বা সরকারগী পান্দম অদু ফংবা ঙমগনি।

****