ভারতকী প্রধানমন্ত্রী
প্রধান মন্ত্রী নরেন্দ্র মোদীনা কেন্দ্রগী মন্ত্রীমন্দলনাস্পেস সাইন্স, তেক্নোলোজীশিং অমসুং এপ্লিকেসনগী লমদা মতেং পীননবা ভারত অমসুং অলজেরিয়াগী মরক্তা য়ানচে খুৎয়েক পীনবা য়ারে। য়ানচে অদু ২০১৮গী সেপ্তেম্বর ১৯দা বেঙ্গালুরুদা খুৎয়েক পীনখিবনি।
মচং ওইবা ৱাফমশিং :
য়ানচে অসিনা দি এস ও/ইসরো অমসুং অলজেরিয়া স্পেস এজেন্সী (অসাল)গী মেম্বরশিং য়াওদুনা জোইন্ত ৱার্কিং গ্রুপ অমা লিংখৎপদা মতেং পাংগনি। মসিনা য়ানচে অসি থবক ওইনা পায়খৎনবা অকক্নবা মতম অমা লেপথোকপা য়াওনা তৌগদবা থবকশিং থৌরাং তৌবা ঙমহনগনি।
ইথিল :
য়ানচে খুৎয়েক পীনবা অসিনা ভারত অমসুং অলজেরিয়াগী মরক্তা মতেং পীনবা হেনগৎহনগনি অমসুং পৃথিবীগী রিমোত সেন্সিং, সেতিলাইত কম্মুনিকেসন, সেতিলাইত নেভিকেসন, স্পেস সাইন্স, প্লানেত থিবা, স্পেসক্রাফ শীজিন্নবা অমসুং স্পেস তেক্নোলোজী শীজিন্নবগী লমদা অনৌবা রিছাসকী থবকশিং পায়খৎপা অমসুং শীজিন্নবা হেনগৎহনগনি। য়ানচে অসিনা স্পেস তেক্নোলোজীশিং মীওইবা খুন্নাইগী য়াইফনবা শীজিন্ননবা পুন্না থবক তৌমিন্নবগী খুদোংচাবা ফংহনগনি। মসিনা লৈবাক অনি অসিগী কাংলুপ খুদিংমক অমসুং লমদম খুদিংমক কান্নবা ফংহনগনি।
নুংগী ৱারোল :
দ্রাফ আই জি এ অদু ইসরো অমসুং অসালনা অমুক হন্না য়েংশিনখি অমসুং ই-মেলগী খুৎথাংদা ৱাফম কয়া ফাউনখি। পাউ খর ফাউনরবা মতুংদা, নাকল অনিনা এজেন্সী গী থাক্তা স্পেসগী মতেং পীননবা থবক ওইনা পাংথোকপা য়ানা য়ানচে অমা লৈনবা হায়না য়ানখি।
