ভারতকী প্রধানমন্ত্রী

লৈবাক অসিদা হকশেলগী ওইবা মচাক–মথুমশিং পাক–চাউনা হেনগৎহন্নবগীদমক্তা প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা প্রধান মন্ত্রী স্বাস্থ্য সুরক্ষা য়োজনা (পি.এম.এস.এস.ৱাই.)বু চহি মঙাগী থৌরাংদগী ২০১৯–২০ ফাওবা চৎথনবা অয়াবা পীখ্রে। মসিগীদমক্তা কাইথোক্কদবা চহিগী শেনফম অসি লুপা কোতি ১৪,৮৩২নি। স্কিম অসিগী মখাদা অনৌবা এম্স লিংখৎলি অমসুং সরকারগী মেদিকেল কোলেজশিং চাউথোকহল্লি।

পান্দমঃ

সেন্ত্রেল সেক্তর স্কিম ওইরিবা পি.এম.এস.এস.ৱাই. গী পান্দম অসি অচম্বা মওংদা লৈবাক্কী তোঙান তোঙানবা মফমশিংদা তর্সরী হেল্থ ক্যেরগী খুদোংচাবশিং ফংহনবদা লৈরিবা মান্নদবশিং অদু শেমজিনবনি অমসুং মরু ওইনা খুদোংচাবা নীংথিনা ফংদবা রাজ্যশিংদা মগুন লৈবা হকশেলগী মহৈ-মশিংগী খুদোংচাবশিং হেনগৎহনবনি।

শাফুঃ

অনৌবা এম্স লিংখৎপনা শুপ্নগী হকশেল, মহৈ-মশিং অমসুং ত্রেনিংদা অহোংবা পুরকপদা নত্তনা লমদম অসোমদা হকশেলগী থবকশিংগা মরি লৈননা থবক তৌবশিংগী মশিংগী অৱাৎপা কোকহল্লগনি। অনৌবা এম্স শেমগৎপা অসি মপুং ফানা কেন্দ্র সরকারগী শেন্থংনা পাংথোকপনি। অনৌবা এম্সকী থবক-থৌরমশিং পাইখৎপা অমদি শেমজিন-শাজিনবগী থবক মপুং ফানা কেন্দ্র সরকারনা পাইখৎকনি।

চাউথোকহনবগী থবক্তা পাক-চাউনা সুপর স্পেশিয়েলিতী ব্লোকশিং/ত্রাউমা সেন্তরশিংনচিংবা শেমগৎ-শাগৎতুনা হকশেলগী মচাক-মথুমশিং ফগৎহনবা অমসুং কেন্দ্র অমসুং রাজ্যগী শরুক ওইনা লৈরিবা অমসুং অনৌবা খুদোংচাবশিংগীদমক্তা মেদিকেল ইক্বুইপমেন্ত লৈশিনবা য়াওরি।

থবক পীবাঃ  

তোঙান তোঙানবা রাজ্যশিংদা অনৌবা এম্স লিংখৎপনা তোঙান তোঙানবা এম্সকী ফেকল্তী অমসুং নন–ফেকল্তী ফমশিংগীদমক্তা চাউরাক্না মীওই ৩,০০০ লোম থবক ফংলগনি। এম্সকী অকোইবদা শোপিং সেন্তর, কেন্তীন্নচিংবগী খুদোংচাবশিং ফংহন্দুনা নাকোইননা থবক ফংহনবগী খুদোংচাবসু লৈরগনি।

খনগৎলবা সরকারগী মেদিকেল কোলেজশিং (জি.এম.সি.) চাউথোকহনবগী থবক অসি কেন্দ্র সরকারগী মীৎয়েং মখাদা ভারত সরকারনা হাপ্পা এজেন্সীশিংনা পাইখৎলি। মরি লৈনবা রাজ্য/য়ু.তি.গী সরকারশিংনা মেদিকেল কোলেজশিং অসিদা কাংলোনগী মতুং ইন্না পোস্ত–গ্রেজুএৎকী সীৎশিং অমসুং অহেনবা ফেকল্তীগী ফম শেমগনি অমসুং হাপকনি।

অনৌবা এম্স কয়ামরুমগীদমক্তা মচাক–মথুমশিং শেমগৎ–শাগৎপদা য়াওবা কন্সত্রক্তিব এক্তিবিতী অমসুং স্কিম অসিগী মখাদা পাইখৎলিবা সরকারগী মেদিকেল কোলেজশিং চাউথোকহনবগী প্রোজেক্তশিংগী       কন্সত্র্ক্সন ফেজদা য়াম্না চাউনা থবক পীবা ঙমগনি হায়বগী থাজবসু লৈ।

য়ুম্ফমঃ

পি.এম.এস.এস.ৱাই. অসি, অচম্বা মওংদা লৈবাক অসিগী তোঙান তোঙানবা মফমশিংদা ফংহল্লিবা তর্সরী হেল্থক্যেরগী খুদোংচাবশিংদা মান্নদবা লৈরিবা অসি শেমজিন্নবা অমসুং মরু ওইনা খুদোংচাবা ফংবা ৱাৎপা রাজ্যশিংদা মগুন লৈবা হকশেলগী মহৈ–মশিংগী খুদোংচাবশিং হেনগৎহন্নবগী পান্দমদা ২০০৩দা লাওথোকখিবনি। পি.এম.এস.এস.ৱাই.গী মশা অনি লৈ –

১. এম্সকুম্বা ইন্সতিত্যুৎশিং লিংখৎপা অমসুং

২. রাজ্য সরকারগী লৈরিবা মেদিকেল কোলেজ (জি.এম.সি.)শিং অসি চাউথোকহনবা । 

পি.এম.এস.এস.ৱাই.গী মখাদা পাইখৎপা প্রোজেক্তশিং:

পি.এম.এস.এস.ৱাই.গী তোঙান তোঙানবা ফেজশিংদা পাইখৎলিবা মখল–মখাগী প্রোজেক্তশিং মখাদা পীরিঃ