ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা হরিয়ানাগী গুরুগ্রামদা দিফেন্স য়ুনিবর্সিতীগী লমগা নক্ননা বস বে শেমগৎনবা এনঐছএআইগী মর্লা ৩গী লম্বু দি–নোতিফিকেসনগী অয়াবা পীখ্রে । মন্ত্রীমন্দলনা মর্লা অহুমগী লম দি–নোতিফিকেসন তৌখিবগী শেনফম ১,৮২,৭১৯ অদু হরিয়ানা সরকারনা ঙাক–শেল মন্ত্রালয়দা হন্দোকখিবদশু অয়াবা পীখ্রে । শেনফম অসি ২০১১দা হরিয়ানা সরকারদা পীখিবনি ।

য়ুমফম:

ইন্দিয়ান দিফেন্স য়ুনিবর্সিতী অসি হরিয়ানাগী গুরুগ্রাম জিলাগী বিনোলা অমসুং বিলাসপুরদা শমগৎ শাগৎলি । মসি দিল্লি-জরপুর হাইৱেদা জয়পুরগী মায়কৈরোমদা নেস্নেল সেক্যুরিতী গার্দকী ঐছ ক্যুদগী কিলোমীতর ১১ লাপননা লৈগনি ।

য়ুনিবর্সিতী অসিনা নেস্নেল সেক্যুরিতী স্তদিজ, দিফেন্স মেনেজমেন্ত অমসুং দিফেন্স তেক্নোলোজীদা অৱাংবা থাক্কী মহৈ ফংহল্লগনি । মসিনা আর্মদ সর্বিস অহুম অদু খক্তদা নত্তনা পেরা মিলিতরি ফোর্সশিং, ইন্তিলিজেন্স সর্বিসশিং, দিপ্লোমেতশিং, একাদেমিসিয়ানশিং, স্ত্রেতেজিক প্লানরশিং, য়ুনিবর্সিতীগী মহৈরোইশিং অমসুং মরুপ ওইবা মপান লৈবাকশিংগী ওফিসারশিংদা কো-ওর্দিনেসন অমসুং ইন্তরেক্সন প্রমোত তৌরগনি ।

এনঐছএআইগী মর্লা অহুমগী লম অসি এমওদি অমসুং এনঐছএআই অনিমক্না পুন্না মপু ওইদুনা লাকপনি । মীয়ামগী কান্ননবা ৱাখল্লোনদা ইন্দিয়ান দিফেন্স য়ুনিবর্সিতীনা দিল্লি-জয়পুর হাইৱেদা চিল্লিবা অদু হন্থহন্নবা নেস্নেল হাইৱে-৮গা লোয়ননা বস-বে শেমগৎনবা ৱাফম থমখি । মফম অদুদা লৈরিবা মীওইশিং অদুগী মথক্তা ইন্দিয়ান দিফেন্স য়িনিবর্সিতীগী ওজা অমদি মহৈরোইশিং অমসুং নন-তিচিং স্তাফশিং অমসুং মখোয়গী ইমুং মনুংগী চাওরাক্না মীওই ১২০০০ দগী ১৫০০০ ফাওবনা বস সর্বিসকী কানবা ফংলগনি ।