ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা হায়দ্রো পাৱর সেক্তর য়োকখৎনবা থবকশিংদা অয়াবা পীরে। হায়রিবা থবকশিং অদুদা অচৌবা হায়দ্রো পাৱর প্রোজেক্তশিং অসি নন-সোলর রেন্যুএবল পর্চেস ওব্লিকেসন ( আর পি ও)গী শরুক অমা ওইহনবা য়াওরি।
অকুপ্পা ৱারোলশিং:
থবক পীবগী খুদোংচাবশিং য়াওনা মরুওইবা কান্নবশিং:
হিমালয় অমসুং অৱাং-নোংপোক্কী অৱাংবা মফমশিংদা হায়দ্রো পাৱর লৌনবগী খুদোংচাবা অয়াম্বনা লৈবা মরম্না, মসিনা হায়দ্রো পাৱর সেক্তরনা লমদম অসিদা হকথেংননা থবক পীবা য়াওনা খুন্নাইগী অমসুং শেন-থুমগী চাউখৎপা পুরক্কনি। মসিনা ত্রান্সপোর্তেসন, তুরিজম অমসুং অপীকপা ললোন-ইতিক্কী থবকশিংদা নাকোইনবা থবক অমসুং ইন্ত্রপ্রিনরশিপকী খুদোংচাবশিং ফংহনগনি। সোলর অমসুং ৱিন্দ পাৱর সোর্সশিংদগী গিগাৱাত ১৬০গী অহেনবা কেপাসিতী ২০২২ ফাওবদা হাপচিন্দুনা মসি লেংদবা গ্রিদ লৈহনবদা মতেং পাংগনি।
নুংগী ৱারোল:
ভারতনা মেগাৱাত ১,৪৫,৩২০গী হায়দ্রো পাৱর পুথোকপা ঙম্লবসু হৌজিক ফাওবদা মেগৱাত ৪৫,৪০০ রোম পুথোক্লি। হৌখিবা চহি ১০ অসিদা শুপ্নগী মেগৱাত ১০,০০০গী হায়দ্রো পাৱর হাপচিল্লি। হৌজিক হায়দ্রো পাৱর সেক্তর অসি শিংনবা কয়াগী তাঙ্কক অমদা চংশিল্লি অমসুং ১৯৬০গী মতমদা অপুনবা মৈ পুথোকপগী মনুংদা হায়দ্রো পাৱর অসি চাদা ৫০.৩৬ ওইরম্বদগী ২০১৮-১৯দা চাদা ১৩দা লৈরে।
অকোইবগী ফিবম ফহনবদা নত্তনা, হায়দ্রো পাৱরনা কুইক রেম্পিং, ব্লেক স্তার্ত, রিএক্তিব এবজোর্বসন য়াওনা অখন্নবা মগুন কয়া লৈদুনা মসিনা পিক্কিং পাৱর, স্পাইনিং রিজর্ব অমসুং গ্রিদ বেলেন্সিংগী য়াম্না চুনবা অমা ওইরি। মসিনা লমদম অমগী শেন-থুমগী ফিবম ফগৎহনদুনা থবক ফংহনবা অমসুং তুরিজম চাউখৎহনবদা নত্তনা অফবা ঈশিং, ঈথৈ অমসুং ঈশিং ঈচাওদগী ঙাকথোকপগী খুদোংচাবা কয়া পীরি। ২০২২ ফাওবদা লৈবাক অসিনা সোলর অমসুং ৱিন্দ পাৱরদগী অহেনবা মৈ গিগাৱাত ১৬০ হাপচিন্নবা পান্দম থমলবসু হায়দ্রো পাৱরগী মরুওইবা হেনগৎলক্লি অমসুং ক্লাইমেত চেঞ্জগী থবকশিংদা লৈবাক অসিগী তৌফম থোকপশিং তৌনবা ২০৩০ ফাওবদা অপুনবগী ওইনা পুথোক্নবা পান্দম থম্লিবা নন-ফোসিল ফুয়েলদগী পুথোকপা মৈগী চাং চাদা ৪০ ওইহন্নবা হোৎনরি।
হৌগৎলকপা চহিশিংদা তারিফ য়াম্না ৱাংবদগী দিসোমশিংনা পাৱর পর্চেস এগ্রিমেন্তস (পি পি এ) খুৎয়েক পীবদা য়ানীংদ্রি। হায়দ্রো পাৱরগী মৈগী মমল ৱাংবগী মরুওইবা মরম অমদি ঈচাউ হন্থহনবদা শেন য়াম্না চংবা অমসুং প্রোজেক্তকী মমল য়াম্না ৱাংবদগীনি। মসি য়েংলগা, তারিফ হন্থহন্নবা অমসুং কঞ্জুমরশিংদা পোৎলুম হন্থহন্নবা হায়দ্রো পাৱর সেক্তরদা বজেৎকী মতেং পীনবা ৱারেপ লৌরকপনি।
