ভারতকী প্রধানমন্ত্রী

হিমাচল প্রদেশকী রাজ্যপাল শ্রী রাজেন্দ্র আর্লেকর জী, মীয়াম্না পাম্নবা অমসুং ইচং থৌবা মুখ্য মন্ত্রী শ্রী জয়রাম থাকুর জী, হান্নগী মুখ্য মন্ত্রী ধুমল জী, কেন্দ্রদা মন্ত্রীপরিসদকী ঐহাক্কী খোংলোয় অনুরাগ জী, সংসদতা ঐহাক্কী মরূপ শ্রী সুরেশ কশ্যপ জী, শ্রী কিশন কপুর জী, ইচন নুপী ইন্দু গোস্বামী জী, অমদি হিমাচলগী কাচিন কোয়া খুদিংদগী মফম অসিদা লেংবীরক্লিবা ঐহাক্কী নুংশিজরবা ইচিল-ইনাও অমসুং ইচল-ইচেশিং!

থা অসিদা কাশী বিশ্বনাথকী দর্শন তৌরবা মতুং… ঙসি ছোতী কাশী মঞ্জ অসিদা, বাবা ভুতনাথরা, পঞ্চ বক্ত্রারা, মহামৃত্যুঞ্জয়রাগী আর্শিবাদ লৌনবগী তাঞ্জা ফংজরে। দেবভুমি অসিগী দেবী-দেবতা পুম্নমকপু ঐহাক্না খুরুমজরি।

মরূপশিং,

মতম পুম্নমক্তা হিমাচল প্রদেশ অসি ঐহাক্কা থম্মোইগী ওইবা মরী অমা লৈরি। হিমাচলগী লৈপাক লৈহাওনা, হিমালয়গী চিংদোলশিংনা ঐহাক্কী পুন্সীবু মায়কৈ পীবদা মরুওইবা থৌদাং লৌরি। অমদি ঙসি ঐহাক্না অদোম ময়ামগী মরক্তা লাকচবা অসিদা, অমদি ঐহাক্না মন্দীদা লাকচবা খুদিং মন্দী রী সেপু বরী, কচৌরী অমসুং বদানে রে মিত্থা নিংশিংলকই।

মরূপশিং,

ঙসি দবল ইঞ্জীন সরকারগীসু চহি ৪ মপুং ফারে। সেবা অমসুং সিদ্ধিগী চহি ৪ অসিগীদমক হিমাচলগী প্রজা মীয়াম্বু হন্না-হন্না নুংঙাইবা ফোংদোকচরি। অমদি মশিং অসুক য়াম্না অমদি অসুক য়াম্না ইংলবা মতম অসিদা ঐখোয় পুম্নমকপু আর্শিবাদ পীবিনবগীদমক লাকপীরিবা। মসিনা তাকপদি মসিগী চহি ৪ অসিদা হিমাচলবু খোংজেল য়াংনা মাংলোমদা চংশিনবা অদু অদোম্না উবা ফংলে।

জয়রাম জী অমসুং মহাক্কী হোৎনবা কনবা তীমনা হিমাচল মীয়ামগী মংলানশিং অদু মংফাওহন্নবগীদমক হোৎনবা য়াবা হোৎনখি।  মসিগী চহি ৪ অসিদা চহি ২ অমদি ঐখোয়না কোরোনাগা অকনবা লান্থেংনখি অমদি চাউখৎ থৌরাংগী থবকশিংসু লেপহনখিদে। হৌখিবা চহি ৪দা হিমাচলনা অহানবা এইম্স ফংখি। হমীরপুর, মন্দী, চম্বা অমসুং সিরমোরদা অনৌবা মেদিকেল কোলেজ ৪ অয়াবা পীখ্রে। হিমাচলগী কনেক্তিবিতীবু হেন্না মপাঙ্গল কনখৎহন্নবগীদমক কয়ামরুম অমসু হোৎনরি।

ইচল-ইচে অমসুং ইচিল-ইনাওশিং,

ঙসি মফম অসিদা স্তেজ অসিদা লাক্ত্রিঙৈ মমাংদা ঐহাক হিমাচল প্রদেশকী ইন্দস্ত্রীয়েল দিবলপমেন্তকা মরী লৈনবা থৌরমদা, ইনবেস্তর্স মীৎতা শরুক য়াখি। অমদি মদুদা উৎখিবশিং অদু উরুরগা পুক্নিংদা অপেনবা ফাওখি। মসিদা হিমাচলদা লুপা করোর লিশিং কয়াগী ইনভেস্তমেন্তকী, নহাশিংগীদমক থবক ফংনবগী অনৌবা লম্বী পীরে। হৌজিক মফম অসিদা ঙাইহাক্কী মমাংদা লুপা করোর লিশিং ১১গী মমল ওইবা অচৌবা হাইদ্রো-ইলেক্ত্রিকেল প্রোজেক্ত ৪ শঙ্গাবা অমসুং উরেপ উয়ুংসু তমখ্রে। মসিদগী হিমাচলগী শেন্থোক হেনগৎলগনি অমদি এমপ্লোইমেন্তকী খুদোংচাবা লিশিং কয়া অমসুং ফংলগনি। সাবরা কুদ্দু প্রোজেক্ত ওইগেরা, লুহরী প্রোজেক্ত ওইগেরা, ধৌলাসিদ্ধ প্রোজেক্ত ওইগেরা নত্রগা রেনুকা জী প্রোজেক্ত ওইগেরা, মসি পুম্নমক অসিনা হিমাচলগী অচেৎপা অপাম্বা অমসুং লৈবাক্কী মথৌ তাবা অদু মপুং ফাহনবা, অনিমক ফংহল্লগনি। সাবরা কুদ্দু দাম অসি পিয়ানোগী মওং মানবা এসিয়াগী অহানবা অদুগুম্লবা দাম অমনি। মফম অসিদা পুথোক্লিবা ইলেক্ত্রিসিতীদগী হিমাচলনা চহি খুদিংগী চাউরাক্না লুপা করোর চামগা কুনমঙাগী ইনকম লাক্লগনি।

মরূপশিং,

শ্রী রেনুকাজী ঐখোয়গী আস্থাগী মরুওইবা কেন্দ্রনি। ভগবান পরশুরাম অমসুং মহাক্কী অপোকপী রেনুকা জী গী নুংশিবগী খুদম ওইরিবা লমদম অসিদগী ঙসি লৈবাক্কী চাউখৎ থৌরাংগীদমকসু ইচেল অমা চেন্থরক্লি। গিরী তুরেলদা শাগৎলিবা শ্রী রেনুকাজী দাম প্রোজেক্ত মপুং ফানা লোইশিল্লবা মতমদা অচৌবা মফম অমা মসিদগী কানবা ফংলগনি। প্রোজেক্ত অসিদগী লাকপা ইনকম পুম্নমক অদুগীসু অচৌবা শরুক অমা মফম অসিগী চাউখৎ থৌরাংদা চাদিং তৌগনি।

মরূপশিং,

লৈবাক্কী নাগরিকশিংগী পুন্সী মহিং লাইথোকহনবা, ইজ ওফ লিবিং, ঐখোয়গী সরকারগী খ্বাইদগী মকোক থোংবা খোংথাংনি। অমদি মসিদা ইলেক্ত্রিসিতীগী য়াম্না চাউবা থৌদা লৈরি। ইলেক্ত্রিসিতী অসি লাইরিক তমনবগীদমক, ইলেক্ত্রিসিতী অসি য়ুমগী থবক পাংথোক্নবগীদমক, ইলেক্ত্রিসিতী অসি ইন্দস্ত্রীশিংগীদমক অমদি মসিদসু নত্তনা হৌজিক্তি ইলেক্ত্রিসিতী অসি মোবাইল চার্জ তৌনবগীদমক, মসি য়াওদনা কনাসু লৈবা ঙমদে। অদোম্না খংলিবা অদুনি ঐখোয়গী সরকারগী ইজ ওফ লিবিং মোদেল, এনভাইরনমেন্তেল্লি কন্সেস ওই অমদি এনভাইরনমেন্ত ঙাক্তুনা থম্বদসু মতেং ওইরি। ঙসি মফম অসিদা হাইদ্রো পাৱর প্রোজেক্তশিং শঙ্গাখিবা অমসুং উরেপ উয়ুং তমখিবা অদুসু ক্লাইমেৎ ফ্রেন্দলী ন্যু ইন্দিয়াগী মায়কৈদা লৈবাক্কী অচেৎপা খোংথাং অমনি। ঙসি মালেম পুম্বনা ভারতকী ৱাফম অসিদা পুক্নিং থৌগৎলি মদুদি ঐখোয়গী লৈবাক্না মতৌ করম্না এনভাইরনমেন্তপু কনবগা লোয়ননা চাউখৎ থৌরাংদা খোংজেল য়াংনা চংশিল্লি। সোলর পাৱরদগী হৌরগা হাইদ্রো পাৱর ফাওবা, ৱিন ইনর্জীদগী হৌরগা গ্রীন হায়দ্রোজেন ফাওবা, ঐখোয়গী লৈবাক্না রিন্যুএবল ইনর্জীগী রিসোর্স পুম্বা মপুং ফানা শিজিন্ননবগীদমক লেপ্পা লৈতনা থবক তৌরি। পান্দমদি মসিনি মদুদি লৈবাক্কী নাগরিকশিংগী ইনর্জী মথৌতাবশিং অদু মপুংফানা পাংথোকপগা লোয়ননা এনভাইরনমেন্তপুসু ঙাক্তুনা থম্বনি। অমদি ভারতনা মশাগী পান্দম অদু মতৌ করম্না ফংবা ঙম্লিবগে, মসিগী খুদম ওইনা লৈবাক্কী হেনগৎলক্লিবা ইন্সতোল ইলেক্ত্রিসিতী কেপাসিতীসু অমনি।

মরূপশিং,

ভারতনা ২০১৬দা পান্দম অসি থমখি মদুদি লাক্কদৌরিবা চহি ২০৩০ ফাওবদা মশাগী ইন্সতোল ইলেক্ত্রিসিতী কেপাসিতীগী চাদা ৪০, নন-ফোসিল ইনর্জী সোর্সশিংনা মপুং ফাহল্লগনি। ঙসি ভারত মচা খুদিংমক্না মসিগীদমক চাউথোকচগনি মদুদি ভারতনা মশাগী পান্দম অসি, চহি অসিগী নবেম্বর মক্তদা ফংবা ঙম্লে। হায়বদি ২০৩০গী থমখিবা পান্দম অদু, ভারতনা মদু ২০২১দা ফংবা ঙম্লে। মসিনি ঙসিগী থবক তৌবগী খোংজেল, ঐখোয়গী থবক তৌবগী খোংজেল।

মরূপশিং,

চিংশিংবু প্লাস্তিক্না মরম ওইদুনা মাংহন তাকহল্লিবা অসি, ঐখোয়গী সরকারনা মদুদসু পুক্নিং চংলি। সিঙ্গল য়ুজ প্লাস্তিক্কী মায়োক্তা লৈবাক পুন্না চংশিল্লিবা খোংজংগা লোয়ননা ঐখোয়গী সরকারনা, প্লাস্তিক ৱেস্ত মেনেজমেন্তদসু থবক তৌরি। প্লাস্তিক্কী অমোৎ অকায়শিংবু রি-সাইকল তৌদুনা ঙসিদি মদু লম্বী শেম্বদা শিজিন্নরি। ঙসি অদোমগা ৱারী শানদুনা হিমাচলদা লাক্লিবা লৈবাক্কী কাচিন কোয়াদগী মীওইশিং মফম অসিদা লাক্লি। হিমাচলদা লাক্লিবা লমকোইবা পুম্নমক্কী মফমদা করিগুম্বা ৱাফম অমা থমজরি। হিমাচলবু লু-নান্না থম্বদা প্লাস্তিক অমসুং অতোপ্পা অমোৎপশিংদগী লাপথোকনা থম্বদা লমকোইবশিংগী থৌদাংসু য়াম্না চাউই। মফম মফমদা চাইথোক্লিবা প্লাস্তিক, তুরেলশিংদা তাশিল্লিবা প্লাস্তিক, হিমাচলবু মাংহন তাকহল্লিবা অসি থিংনবগীদমক ঐখোয় পুন্না হোৎনবা তাই।

মরূপশিং,

দেবভুমি হিমাচলনা প্রকৃতিদগী ফংলিবা থৌজাল অসি, ঐখোয়না মদু ঙাক্তুনা থমগদবনি। মফম অসিদা তুরিজমগা লোয়ননা ইন্দস্ত্রীএল দিবলপমেন্তকীসু চাউনা ওইথোকপা লৈ। ঐখোয়গী সরকারনা মায়কৈ অসোমদসু লেপ্পা লৈতনা থবক তৌরি। ঐখোয়না ইনোৎ পীরিবসি অখন্ননা ফুদ ইন্দস্ত্রী, ফার্মিং অমসুং ফার্মাদনি। অদুগা মফম অসিদা ফন্দদি লৈরি। তুরিজমগী ফন্দ হিমাচলদগী হেন্না কদায়দা ফংগনি। হিমাচলগী ফুদ প্রোসেসিং ইন্দস্ত্রীজদা পাকথোক চাউথোকপা ওইথোকপা য়াই। মরম অদুনা ঐখোয়গী সরকারনা মেগা ফুদ পার্কতগী হৌরগা কোল্দ স্তোরেজ ইনফ্রাস্ত্রকচরবু হেন্না চেৎশিলহল্লি। 

ফার্মিংদা নেচরেল ফার্মিংবু, মহৌশাগী লৌউ পথাপপু পুক্নিং থৌগৎনবগীদমক দবল ইঞ্জীনগী সরকারনা লেপ্পা লৈতনা থবকসু পাংথোক্লি। ঙসি মহৌশাগী লৌউ পথাপনা পুথোকপা পোত্থোকশিং মালেম পুম্বদা পাম্বা হেনগৎলক্লি। কেমিকেল য়াওদবা লৌউ পোত্থোক ঙসিদি অখন্নবা পুক্নিং চিংশিনফম ওইরে। ঐহাক নুংঙাইবা ফাওই মদুদি হিমাচল মসিদসু অফবা থবক তৌরি, রাজ্যদা বাইও-ভিলেজ কয়া অমা শেমগৎলে। অমদি ঐহাক্না ঙসি অখন্ননা হিমাচলগী লৌমীশিংবু থমোয় শেংনা তৌবিমল খংবা উৎচরি মদুদি মখোয়না প্রকৃতিগী ওইবা লৌউ-শিংউগী লম্বী খল্লি। ইফমদা খংহনবীরে মদুদি লৌমী লাখ অমা মখায় হেনবনা অসুক য়াম্না পিক্লবা রাজ্য অসিদা অমদি অতেনবা মতমগী মনুংদা কেমিকেল য়াওদবা প্রকৃতিগী ওইবা লৌউ-শিংউগী লম্বীদা চংশিল্লে।

ঙসি পেক তৌরবা চিঞ্জাক্কী খোংজেল হেনগৎপা মতম অসিদা হিমাচল, মসিদা য়াম্না চাউবা থৌদাং লৌবা ঙমগনি।

মরূপশিং,

হিমাচল প্রদেশ, লৈবাক্কী খ্বাইদগী মরুওইবা ফার্ম হবশিংদা অমনি। ভারতপু ঙসি মালেমগী ফার্মাসীনি হায়নরিবা অসিগী তুংদা হিমাচলগী য়াম্না চাউবা থৌদাং য়াওরি। কোরোনা মালেমগী লাইচৎকী মনুংদা হিমাচল প্রদেশনা অতোপ্পা রাজ্যশিং খক্তা নত্তনা অতোপ্পা লৈবাকশিংবুসু মতেং পাংখি। ফার্মা ইন্দস্ত্রীগা লোয়ননা ঐখোয়গী সরকারনা আয়ুশ ইন্দস্ত্রী – নেচরেল মেদিসিনগা মরী লৈনবা এন্ত্রপ্যুনরশিংবুসু পুক্নিং থৌগৎলি।

মরূপশিং,

ঙসি লৈবাক অসিদা সরকার চলাইনবা তোঙান তোঙানবা মোদেল অনি থবক তৌরি। মোদেল অমদি – সবকা সাথ – সবকা বিকাস, সবকা বিশ্বাস অমসুং সবকা প্রয়াসনি। অদুগা অনিসুবা মোদেলনা – খুদ কা স্বার্থ, পরিবার কা স্বার্থ অমসুং বিকাসসু মশামক্কী ইমুং মনুংগীনি।

ইচল-ইচে অমসুং ইচিল-ইনাওশিং,

হিমাচলগী মীয়ামগী হকশেলগী চিন্তা লৈরম্মি মরম অদুনা অথাপ্পা মনুং হুঞ্জিনবা মফমশিংদসু, অৱাবা খাংদুনসু, পুম্নমক্না ভেক্সিন য়ৌহল্লে। মসিমক্নি ঐখোয়গী সেবা তৌবগী মতৌ, মীয়ামগীদমক থৌদাং। মফম অসিদা সরকারনা মীয়ামগী দিবলপমেন্তকীদমক অনৌবা য়োজনা কয়া অমা হৌদোক্লে অমদি কেন্দ্র সরকারগী য়োজনাশিংসু য়াম্না ফজনা চৎনহল্লে। মসিনা উৎলি মদুদি হিমাচল সরকারনা মীয়ামগী, লাইরবশিংগী কয়াম ৱাজবগে হায়বদু।

মরূপশিং,

ঙসিদি ঐখোয়গী সরকারনা নুপামচাশিংনা ফংলিবা হকশিং অদুগা চপ মান্ননা নুপীমচাশিংসু ফংহন্নবা হোৎনরি৷ নুপাশিং অমসুং নুপীশিং অসি চপ মান্নৈ৷ অসিগুম্বা ইমাশিং অমসুং ইচল-ইচে কয়া অমনা মফম অসিদা লাকখ্রে অমদি হিরম অসিগী মতাংদা হেন্না পাঙ্গল শক্তি লৈনা থবক তৌবা ঙম্নবা মখোয়না ঐখোয়দা য়াইফ-মঙ্গোলশিং পীরি৷ নুপামচাশিংনা লুহোংবা য়ারিবা চহি অদুগা চপ মন্ননা নুপীমচাশিংগীসু লুহোংবগী চহি অসি ওইগদবনি হায়না ঐখোয়না ৱারেপখ্রে৷ য়েংবিয়ু, মসিদা ঐখোয়গী ইচল-ইচেশিংনা হরাউ-নুংঙাইবা ফোংদোক্নরি৷ নুপীশিংগী লুহোংবগী চহি অসি চহি ২১ ওইরকপা অসিদা, মখোয়না লাইরিক তমজনবগী মতম মতিক-চানা ফংলগনি অমদি মখোয়না মখোয়গী কেরিয়রসু শেমজবা ঙম্লগনি৷ ঐখোয়না হোৎনরিবা পুম্নমকশিং অসিগী মরক্তা, মশা খক্তগী অমদি মশাগী ভোৎ বেঙ্ক খক্তগী খনবা অতোপ্পা মোদেল অমা অদোম্না উবা ফংলমগনি৷ মখোয়না সরকার পাইরিবা রাজ্যশিংদা, লাইরবা মীওইশিংগী য়াইফবা থবক তৌবা অসিনা প্রাইয়োরিতী ওইদে, মখোয়না মখোয় মশাগী ইমুং-মানুংগী য়াইফনবা হোৎনৈ৷

মরুপশিং,

ময়ামগী দরকার ওইরিবা খুদিংমক অদু য়েংলগা, ঐখোয়গী সরকারনা সেন্সিতিবিতী ৱাংনা অমসুং য়াম্না চেকশিন্না লেপ্পা-লৈতনা হোৎনরি৷ চহি ১৫অমসুং ১৮গী মরক্তা লৈরিবা ইচানুপাশিং অমসুং ইচানুপীশিংসু জানুৱারি ৩, নিংথৌকাবা নুমিৎতগী হৌদুনা ভেক্সিন কাপ্পা হৌরগনি হায়না হৌজিক্তি ঐখোয়গী সরকারনা লেপখ্রে৷ কেম্পেন্দ অসি জানুৱারি ৩, নিংথৌকাবা নুমিৎতগী হৌরগনি৷ কেম্পেন্দ অসিদসু হিমাচল প্রদেশনা অচৌবা থবক অমা পাংথোক্লগনি হায়না ঐনা থাজৈ৷ হিমাচল প্রদেশনা লেপ্প-লৈতনা লৈবাক অসিদা দাইরেক্সন পীরগনি৷ হৌখিবা চহি অনি অসিদা কোরোনাগী মাইয়োক্তা লান্থেংনবদা হেল্থ সেক্তর অমদি ফ্রন্তলাইন ৱার্করশিংদা লৈরিবা ঐখোয়গী মীয়াম্না অচৌবা ফোর্স অমা ওইখ্রে৷ মখোয়দা ‘প্রিকোসন দোজ’ জানুৱারি ১০দগী পীবা হৌরগনি৷ চহি ৬০গী মথক্তা লৈরিবা মশাগী অরুবা অনাবা লৈরিবা অহল ওইরবা মীওইশিংবু দোক্তরশিংগী পাউতাক মতুং ইন্না  ‘প্রিকোসন দোজ’কী ওপ্সনসু ফংহনখ্রে৷

মরুপশিং,

লৈবাক খুদিংমক্কী তোঙান তোঙানবা ৱাখল্লোন লৈজৈ৷ অদুবু ঙসিদি লৈবাক লৈবাক অসিগী মীয়াম্না ৱাখল্লোন অনি কুপথনা য়েংলি৷ ৱাখল্লোন অমনা চোন্থবা অসিনি অদুগা অতোপ্পা অদুনা চাওখৎপা পুরকপা অসিনি৷ প্রোক্রাস্তিনেসনগী আইদিওলোগশিং অসিনা চিংদোনদা লৈরিবা মীয়ামগী য়াইফনবা কৈদৌনুংদা খনদে৷ চহি খুজিং অহুম হেন্না রেনুকাজি প্রোজেক্ত চোন্থদুনা লৈখি৷ থবক তৌবদা থিন্থবা পাম্লিবা অদুগুম্বা মীওইশিংগী ৱাখল্লোন অদুগী ওন্ন-তৈনবদা, ঐখোয়না লৈবাক অসি খোঙজেল য়াংনা চাওখৎহন্নবা খক্তমক হোৎনরি৷ ঐখোয়না অতল তনেল মপুং ফানা শাবা লোইশিনখি৷ চান্দিগরদগী মনালি অমসুং শিমলা শম্নহল্লিবা লম্বী অদু ঐখোয়না পাকথোকখি৷ ঐখোয়না হাইৱেজশিং অমসুং রেলৱে ইনফ্রাস্ত্রকচর খক্তমক শেমগৎলকপা নত্তনা মফম কয়া অমদা রোপৱেজশিংসু ইন্সতোল্দ তৌরি৷ প্রধান মন্ত্রী গ্রাম সদক য়োজনাগা লোইননা ঐখোয়না মনুং হঞ্জিনবা মফমশিংদা লৈরিবা খুঙ্গংশিংসু শম্নহল্লি৷

মরুপশিং,

হৌখিবা চহি ৬-৭ অসিদা দবল ইঞ্জিন গভর্মেন্ত অসিনা হোৎনখিবা মওং অসিনা মরু ওইনা ঐখোয়গী ইচল-ইচে কয়াগী পুন্সিদা অহোংবা কয়া অমা পুরকখ্রে৷ মমাংগী মতমশিংদা, ঐখোয়গী ইচল-ইচেশিংনা চাক থোংনবা উশিং থিবদা মতম অদুক্কী মতিক কাইথোক্নরমখি৷ ঙসিদি গ্রাস সিলিন্দরশিং য়ুংথোং খুদিংদা য়ৌখ্রে৷ ইচল-ইচেশিংনা তোইলেত ফোসিলিতীশিং অসিদগী রিলিফ কয়া অমসু ফংখ্রে৷ ঐখোয়গী ইচল-ইচেশিং অমসুং ইচানুপী কয়ামুক য়াম্না ইশিং থিবা চৎনখিবগে হায়বদু অদোমদগী হেন্না খঙবা কনাবু লৈগদগে৷ লৈবাক অসিনা মনিং-মখা তম্লকপা চহি খুজিং তরেৎ শুরকপদা, হিমাচল প্রদেশতা লৈরিবা ইমুং লাখ তরেৎনা পাইপকী ইশিং ফংখ্রে৷ চহি খুজিং তরেৎতা ইমুং লাখ তরেৎ!  চহি অনি খক্তদা অদুসু কোরোনাগী মতমদা, অনৌবা ইমুং লাখ তরেৎ হেন্না পাইপকী ইশিং ফংহনখ্রে৷ কয়ামুক য়াম্না? চহি খুজিং তরেৎতা লাখ তরেৎ! চহি খুজিং তরেৎতদি কয়ামুক ওইগদগে? খোল্লাউ অসি মফম অদুদগী লাকহনসি? চহি খুজিং তরেৎতা লাখ তরেৎ! অদুগা ঐখোয়না চহি অনিদা অনৌবা লাখ তরেৎতা পীরি৷ কয়ামুক য়াম্না? ইমুং লাখ তরেৎতা ইশিং সপ্লাই পীরি! হৌজিক্তি মীয়ামগী চাদা ৯০দি তোতিগী ইশিং ফংহনখ্রে৷ মসি দবল ইঞ্জিন সরকারগী খুদোংচাবনি৷ কেন্দ্রগী সরকারগী ইঞ্জিন অমনা স্কিম অসি হৌদোকখিবনি অমদি রাজ্য সরকারগী অনিশুবা ইঞ্জিননা স্কিম অসি খোঙজেল য়াংনা চৎনহন্নবা হোৎনখিবনি৷ খুদম ওইনা হায়রবদা, অয়ুশমান ভারত য়োজনা৷ স্কিম অসিগী মখা তারকপা ওইনা, রাজ্য সরকারনা হিমকেয়র স্কিম হৌদোকখি অমদি লুপা লাখ ৫ য়ৌনা লেম্না লাইয়েংবগী স্কোপ অসিগী মখাদা মীওই কয়া অমা মনুং চলহনখি৷ স্কিমশিং অসিগী মখাদা হিমাচল প্রদেশকী পেসেন্ত চাওরাক্না লাখ ১.৫রোম লেম্না লাইয়েংখ্রে৷ মতৌ অসিগুম্না, মফম অসিদা পাল্লিবা সরকার অসিনা গ্রিহানি সুবিধা য়োজনাগা লোইননা উজ্জৱালা য়োজনাগী বেনিফিসরীশিং চাওথোকহনখ্রে, মসিনা ইচল-ইচে মিলিয়ন কয়াদা মতেং পাংখি৷ রাজ্য সরকার অসিনসু কেন্দ্র সরকারগী লেম্না রেসন পীরিবা অদু খোঙজেল য়াংনা বেনিফিসরী খুদিংমক্তা ফংহল্লি৷

মরুপশিং,

হিমাচল প্রদেশ অসি অথৌবশিংগী লমদম, থকশি-খাশি খঙবগী লমদম,  লৈবাক অসিগী মতিক-মগুল হেনগৎহল্লিবা লমদম অদুনি৷ হিমাচল প্রদেশকী য়ুংথোং খুদিংমক্তা, লৈবাক অসিবু ঙাক শেনবিবা অথৌনা নুপামচাশিং অমদি নুপীমচাশিং লৈরি৷ লৈবাক অসিগী সেক্যুরিতী অমদি লান্মীশিং অমসুং এক্স-সর্ভিসমেনগী ফিভম ফগৎহন্নবা হৌখিবা চহি তরেৎ অসিদা ঐখোয়গী সরকার অসিনা লেপখিবা ৱারেপশিং অদুদগী হিমাচল প্রদেশকী মীয়াম্না চাওনা কান্নবা ফংখ্রে৷

মরুপশিং,

তুরিজম অমসুং পিলগ্রিমেজ অসি হেন্না-হেন্না মরী লৈনবা হেনগৎলক্লি৷ পিলগ্রিমেজতা হিমাচলগী পোতেন্সিয়েল অসি চাংদম্নিংঙাই লৈতে৷ মসি শিব অমসুং শক্তিগী লমদমনি৷ পাঞ্চ কাইলাশকী মনুংদা(শিবগী মফম মঙা), অহুমদি হিমাচল প্রদেশতা লৈরি৷ মতৌ অসিগুম্না, হিমাচলদা শক্তি পীথাস কয়া অমা লৈরি৷ বুদ্ধিস্ত ফেত অমসুং কল্চরগী য়াম্না মরু ওইবা মফম অমসু মফম অসিদা লেরি৷ হিরমচল প্রদেশকী পোতেন্সিয়েন অসি কয়ারক হন্না হেনগৎহন্নবা দবল ইঞ্জিন সরকার অসিনা হোৎনরি৷

মান্দিদা শিবধম শারকপা অসিসু হোৎনরিবা অসিগী মহৈ অমনি৷

ইয়াম্বা-ইনাউ অমসুং ইচল-ইচেশিং,

ঙসিদি, ভারতনা মনিং-মখা তম্বগী অমিৃত মহোতসব পাংথোক্লিবা মতম অসিদা, হিমাচল প্রদেশসু মপুং-ফাবা রাজ্য অমা ওইরকপগী স্তেতস অদু ফংবগী গোল্দন জুবিলী ইয়র পাংথোক্লি৷ হিমাচলগীদমক অনৌবা পোজিবিলিতীশিংদা থবক তৌবগী মতম ওইরে৷ নেস্নেল রিজোলুসন খুদিংমক ফংবা ঙম্নবা হিমাচলনা মরু ওইবা থৌদাং অমা লৌখ্রে৷ অমুক্কা হন্না, দিবেলপমেন্ত ত্রস্তকী ৫শুবা চহি লাকপদা অমদি অনৌবা চহি লাকপদা নুংঙাইবা ফোংদোকচরি! ঐখোয়দা অসিগুম্লবা মঙ্গোল অমসুং নুংশিবা উৎপিবগীদমক ময়াম পুম্নমক্তা য়াইফ-মঙ্গোল পীজরি৷ দেবভুমি অসিবু ঐনা অমুক্কা হন্না ইকাই খুম্নবা উৎচরি৷

ঐগা লোইননা হায়মিন্নসি

ভারত ইমানা য়াইফরে!

ভারত ইমানা য়াইফরে!

ভারত ইমানা য়াইফরে!

হন্না-হন্না থাগৎচরি!

*****