ভারতকী প্রধানমন্ত্রী

হয়েং এপ্রিল ২৪ নেস্নেল পঞ্চায়তি রাজ নুমীৎতা প্রধান মন্ত্রী শ্রী নরেন্দ্র মোদী মধ্য প্রদেশকী মন্দলাদা চৎকনি। মীয়ামগী মীফম অমদা মহাক্না রাষ্ট্রিয়া গ্রামিন স্বরাজ অভিয়ান হৌদোক্কনি, অমদি লৈবাক্কী তোঙান তোঙানবা মফমশিংদা লৈরিবা পঞ্চয়াতি রাজগী মীহুৎশিংগী মফমদা মন্দলাদগী ৱা ঙাংগনি।

থৌরম অসিদা মথংগী চহি মঙাগী ওইবা ত্রাইবেলশিংগী অপুনবা চাউখৎ-থৌরাংকীদমক রোদ মেপ অমা মায়খুম হাংদোক্কনি। মন্দলা জিলাগী মনেরিদা ইন্দিয়ান ওইল কোওপরেসনগী এল পি জি বোতলিং প্লান্ত অমগী উরেপ উয়ুং তম্নবগীদমক প্লেক অমা মহাক্না মায়খুম হাংদোক্কনি। মহাক্না লোকেল গবর্নমেন্ত দাইরেক্তোরী অমসু হৌদোক্কনি।

লু-নানবা, মশা মউ ফবা অমসুং ইলেক্ত্রিফাইদ ইন্দিয়াগী মায়কৈদা সরকারগী ৱাশক অদু ঙাক্তুনা চৎলিবা খুঙ্গংশিংগী সরপঞ্চশিংদা প্রধান মন্ত্রীনা থাগৎপা ফোংদোক্কনি, খুঙ্গংশিং অদুনা মৈখু চেন্দবা চাকখুম চাদা চাম্মা, মিসন ইন্দ্রধনুশকী মখাদা চাদা চাম্মা তিকা থাবা অমসুং সৌভাগ্য স্কিমগী মখাদা চাদা চাম্মা মৈ ফংহনবা ঙমলে।

সর্বশ্রেষ্ঠ পঞ্চায়ৎ পুরস্কার য়োজনাগী মখাদা রাষ্ট্রিয়া ই-পঞ্চায়ৎ পুরস্কার, অমসুং গ্রাম পঞ্চায়ৎ বিকাস পুরস্কার য়োজনাগী ৱিনরশিংবু থৌরম অসিদা ইকায় খুম্নগনি।

তুংদা প্রধান মন্ত্রীনা মধ্য প্রদেশকী শোত্থরবা জিলাশিংগী দিস্ত্রিক্ত কলেক্তরশিংগা উনদুনা ৱারি শান্নগনি।